2009 年 2 月 15 日（星期日）
上一篇睇完婚紗，當然就要睇埋晚裝啦！好，睇相啦，先睇 Bell shape 型......
第 1 件
呢件個顏色其實親眼睇係好柔和嘅紫色，呢 d 款著嚟喺 Studio 影婚紗相簡直一流！不過我覺得個款係屬於好 cute 嗰類，都係唔啱我！
第 2 件
我鐘意隻色，而且個泡泡款做得好靚，不過...... 恕我講句，我覺得有 d 似金都款！
第 3 件
第 4 件
又係影婚紗相 (Studio) 首選，真係好襯法國婚紗 d 景！
第 5 件
哈哈...... 唔知點解我覺得有好多枯葉呀......
睇晒 Bell Shape 型婚紗，睇吓 d A-line 型吖
第 6 件
呢件本來我覺得唔錯，著得上嚟好似幾雍容華貴，但係衰還在無啦啦多咗條疑似披肩嘅物體...... 而且我研究過，條疑似披肩係冇得除落嚟...... 即係我又唔洗諗！
第 7 件
呢件我自己幾鐘意架，design 又靚，cutting 又靚，而且加咗 d 黑色元素落去，感覺上 fashionable d！可惜佢係粉紅色，男友落咗 order：逢粉紅者，不能考慮也！
唉～ 如果係其他顏色，我會列入考慮範圍中！！！
第 8 件
呢件...... 點講好呢...... 雖則我冇衝動租呢件，但係唔知點解佢引發起我想著呢 d 另類顏色，有咁 sharp 得咁 sharp 嗰 d 呢...... 即係好似螢光黃呀...... 嗰 d 呀！但係唔知我個老闆會點諗呢？
多謝收睇！
下個月嘅 wedding expo 都仲可以睇新衫，但係月尾就要 final confirm lu！照睇法國婚紗呢個趨勢，佢哋呢排 d 新衫都唔係太啱我，不過是但啦，起碼我都仲有好多件係想租嘅～
第 1 件 怡怡最鍾意扮可愛架啦 第 2 件 大部分都鍾意, 但唔鍾下身深色dd既藍色 第 5 件 d枯葉係抄外國既designer, haha
回覆刪除第 6 件 我都認同個條疑似披肩既物體係唔多好, 睇catwalk時都諗除左會好d, 我試左呢件, 疑似披肩既物體係釘死左, 無得除, 唯一既好處係遮住我既手臂, wakaka 同埋心口d石好鬼閃 第 7 件 好彩我無收到顏色禁制令, 男友仲幫我揀左件粉紅色係bd穿 第 8 件 呢d mango yellow, 睇台灣pre wedding成日都有, 真係好sharp
[版主回覆02/27/2009 10:16:00]我都估到你一定鐘情第一件架啦, 哇哈哈!
第 6 件真係唔多好睇, 我指條披肩....可能我唔夠嗰 d 時代觸覺啩???
其實嗰 d mango yellow 我真係幾想試吓, 因為見少人試, 而且我 d 膚色偏白, 可能都唔錯!
第1件同黃色o個件都好靚呀!^^
回覆刪除[版主回覆02/27/2009 10:16:00]你都應該係鐘意 d 公主型嘅人啦....
第一件紫色淡左d,不是我太喜歡的紫色.好似一般.看來我都較難選到好靚的紫晚裝了.
回覆刪除[版主回覆02/27/2009 10:17:00]係啦.....fb d 紫色晚裝唔多, 反而藍色, 綠色就有大把!
粉紅色o個件好似幾ok~ ^_^
回覆刪除[版主回覆02/27/2009 10:17:00]係呀, 我覺得唔似一般嘅 gowns 咁, 好似好型, 好 special!
今次呢批呢我只仲意第4件O乍. 唔知點解望上去就覺得佢有種特別. 但係又講唔出乜O甘特別. 總之我覺得著住佢會冇一番味道.....
回覆刪除[版主回覆02/27/2009 10:18:00]第 4 件其實唔錯, 硬係覺得法國做藍色衫做得唔錯, 件件都 ok 架!
上星期試衫因無揀到大網裙來試，所以佢o也就拿了第1及4件比我試，兩件既效果都唔錯架！果時著住第4嗰件都好鐘意，因為顏色幾好，又襯studi景，但始終看不慣所以最後揀了另一件！
回覆刪除[版主回覆02/27/2009 10:18:00]haha, 睇唔慣? 我知啦, 因為你鐘意著 a-line, 係咪?
1個色幾好我提議你可試試上身, 第7個款式真係好合你, 你點都要著上身睇下!
回覆刪除[版主回覆02/27/2009 10:19:00]^^, 第一件我都 buy buy 地, 但係.....我唔知自己著得好唔好睇呀!
第 7 件有禁制令喎...
你真係好呀成日都將咁多野update黎比大家睇 真係要好多謝你既分享呀! 第一件都幾靚呀係我中意既feel~ 第四件都好呀! 至於紫色aline個件好似有d奇怪咁...個上身呀! 粉紅aline有d似內衣....唔知點解呢d色就聯想到內衣
回覆刪除[版主回覆02/27/2009 10:21:00]^^, 其實都係因為貪方便啫~
原來好多人都鐘意第一件喎....哈哈!
第 4 件用嚟影相係唔錯, 好襯佢哋 d 景呀!
紫色嗰件真係唔知佢想點, 我問咁多個, 個個都話個上身唔靚!
粉紅 a-line 似內衣??? 哈...我有暴露狂嘛...鐘意揀埋 d 內衣款...
黃色個條好靚呀^^
回覆刪除[版主回覆02/27/2009 10:21:00]我鐘意個顏色, 心思思想試吓呀~
頭個幾件都係泡泡款黎架wo...你會唔會選泡泡呀? 我覺得黃色個件好sharp好special呀~不過唔知會唔會好虾人著....
回覆刪除[版主回覆02/27/2009 10:22:00]泡泡款我未必揀啦....我擺酒嗰度唔係大, 我驚著咗後學你話齋會 kick 住喺度....hahaha~
我都覺得wedding一定要一件係要sharp嫁..主角嘛, 一生人總要sharp一次~
回覆刪除[版主回覆02/27/2009 10:23:00]梗係啦, 所以我係唔會揀 plain 嗰類嘅衫, 因為我都係浮誇型...wakakak
I like 第 7 件
回覆刪除[版主回覆02/27/2009 10:23:00]嘻嘻....係呀, 第 7 件唔錯, 個 model 行出嚟時係我唯一一件想試架~
Jenny.........haha...........我都簡左No4 試 , 用黎影室內嘅pre-wedding ,真係好襯fb 嘅景...........haha , 到時試左上身睇下o唔ok sin........
回覆刪除[版主回覆02/27/2009 10:26:00]係呀, 如果我有機會再去影, 我都可能會揀 no. 4, 因為...真係襯!!!
而且之前嗰 d 藍色鋼紗已經比好多人著過....都已經唔特別啦! Car Car 你揀得好!!!
haha 係呀！可能我太鐘情a-line款，其實都想試多d唔同款式的衫，但比對下去自己好似穿aline較為合適，所以無揀到呢件，但呢件真係好睇。
回覆刪除另外，我覺得第7件都唔錯，但我試果時好似未見有，如果唔係都想著粉紅色，因為我未肯定屋企人會否唔鐘我意bd那天穿粉紅色。
[版主回覆02/27/2009 14:21:00]exactly!!! 所以我覺得 bd 當日揀衫著係有一定困難! 因為當你鐘情於某一種 style 嘅衫, 就會好不自覺咁揀好多~
其實爸爸媽媽都話第6件唔岩我架~ 話我唔係個D STYLE 條披肩真係好礙眼, 個日CATWALK MODEL穿既時侯, 我見披肩係咁移位 影相可以影之前執下都OK, 大日子穿就要叫伴娘照顧埋條披肩 披肩移位:
回覆刪除[版主回覆02/27/2009 14:21:00]係啦, 所以真係唔明 d designer 點諗...
點解靚個d款會係泡泡裙....
回覆刪除a-line搞到好似變到唔多人鐘意咁
可能fb真係重視影相多過外租,始終影相賺得多d
[版主回覆02/27/2009 16:01:00]係啦, 而且 10 個 jm 有一半都係影 ml / fb, 佢哋影相市場大 d 嘛~ 唉~
藍色o個件真係好襯法國d景呀..你講得冇錯~好靚呀~
回覆刪除如果我仲未揀衫未影...可能都會揀呢件呢^^"
[版主回覆02/28/2009 16:39:00]係呀, 嗰件真係唔可以放過, 況且之前 d 深藍色晚裝太多人揀, 新款夠新鮮!!!
點解唔選得粉紅呀? 撞色嗎?
回覆刪除[版主回覆02/28/2009 16:40:00]唔係啦, 個衰佬話粉紅色係二奶著, 我係大婆, 唔著得喎!!!
我父母及佢父母都唔介意, 反而係佢堅持, 真係吹佢唔脹!
藍色呢件, 我上個星期六揀衫影相都有試過. 真係好靚呀~~ 不過我最後揀咗黃色+黑色那件新晚裝. 唔知你知唔知我講邊件呢? 我個blog 有post 到. 另外, 我都頭痛緊婚宴當晚租邊幾件呀...
回覆刪除[版主回覆03/02/2009 10:58:00]我知呀~ 黃 + 黑嗰件都係我心水之選, 但都要著過上身先知, 因為好似好修身咁呀~
我都要煩 bd 當日租邊件, 因為我今個月 28 號就要去 confirm la!
我4月10號都要confirm 租衫那度呀~ 所以都頭痛緊! 因為我想揀件紅色a-line 敬酒那時著, 但偏偏又未有咩心水. 你估著最尾呢件黃色去敬酒, 會唔會好怪呢? 又會唔會襯到啲金器呢? 真係好苦惱呀~
回覆刪除[版主回覆03/04/2009 10:26:00]黃色......冇話唔得嘅, 人哋著金色去敬酒都係咁...不過好似就襯托唔到 d 金器!
不如你諗諗藍色吖, 我之前睇人哋 d blog, 著藍色反而 d 金器好出喎, 如果你屋企人唔介意藍色, 我覺得租得過!
如果著藍色去敬酒, 我個未來奶奶實唔俾... 席前影相的時, 都仲有啲機... 係喎, 你知唔知3月個expo, 法國會幾點行show 呀? 我都諗住入場睇呀
回覆刪除[版主回覆03/04/2009 15:32:00]藍色唔比呀? 咁唯有向紅, 金, 黃進發啦~
fb 一般未會咁早知 catwalk show 時間架, 佢哋要當日先知架!
第 6 件深紫EG既披肩真係幾難攪, 我個日影影下相要除左條披肩變返做吊帶裙, 如果外租的話就要試清楚D, 披肩會令到雙手活動有D困難
回覆刪除[版主回覆03/10/2009 10:47:00]咦? 乜原來條披肩可以除落嚟架? 我仲以為釘死咗添!
不可以除落黎, 係釘死左架, 只係解開左D鈕仔, 由佢2條帶係心口位置FING FING下 其實我無出聲, 個MUA都唔知有披肩架, 我叫佢幫我扣咋
回覆刪除[版主回覆03/10/2009 12:17:00]咁呢件衫個設計好似好唔掂喎~ 好似好 "lei hair" 咁~
真係幾麻煩，所以如果外租揀呢件試，一定要郁動多ｄ去試丫
回覆刪除[版主回覆03/10/2009 14:48:00]咁唔好啦~ 咪搞, bd 當日應該都好唔得閒, 要咁樣去著一件衫, 唔好考慮啦!
第一年掂
回覆刪除[版主回覆03/13/2009 15:55:00]係呀，第一件我都覺得幾靚！