婚前檢查...做? 唔做......住?

去到婚前檢查呢個項目.....其實....自己嘅諗法都好矛盾～

之前我一直都好堅持要做檢查，係一定要做嗰種！因為我係有計劃去生 bb 嘅人，所以呢個項目係唔可以 skip！故此，我宜家得閒時都開始做定資料搜集，諗住撞啱有平靚正嘅公司就 join 啦。點知...... 當我喺 esdlife 向網友提出呢個 task 時，大家又點醒咗我一個 point！

雖然我係諗住生 bb，不過唔係婚後即刻生，點都會過返 1-2 年二人世界先打算有小生命嘅出現，講真...... save money 都要時間架嘛，反正生之前都要再見醫生做 checking，咁何必要喺婚前做呢？

諗諗吓又覺得網友們講得幾有道理！一來又 side 咗錢，二來呢一刻出嚟嘅結果係一切正常，唔代表我 1-2 年之後都維持一切正常架嘛（touchwood），係咪先？反正，一個唔好彩，驗到我同男朋友是但一個身體有問題，唔可以有下一代（呢個真係好 touchwood），咁亦唔會因為呢個原因而唔結婚，既然係咁，我係咪應該暫時擱置呢個 task 呢？

但係唔知點解，心理上硬係覺得唔做婚前檢查就好似爭緊 d 嘢咁！而且亦有網友提醒，佢之前有朋友就係打算生之前先做檢查，結果發現某一方嘅身體有少少毛病，要調理半年先可以 ready，萬一我都係咁（touchwood again），咁咪推遲晒我嘅生育計劃？人哋就話半年啫，如果我要兩年，三年先調理好，咁點算呀（憂慮症又發作）？我打算 30 歲前咇一個出嚟架...... 就算咇唔切，都想泵大咗先架嘛...... 咁...... 我應該點算好呢？

大家又有咩打算呀？