法國婚紗新款 (婚紗) @ Dec Wedding Expo

2008 年 11 月 13 日（星期六）

今次個 Wedding Expo 我哋都繼續去踩場。入到去啱啱做緊 Monalisa fashion show，咪停低睇吓囉，發覺 d 衫都幾靚喎！心諗仲以為法國婚紗 d 衫都應該唔會輸蝕得去邊...... 點知，今次 d 新衫令我大失所望～

睇完 Monalisa fashion show 之後要等差唔多半個鐘先到法國婚紗嗰個，咁見有時間，又走去探吓緣美傳說班人啦。我同男朋友都算乖啦，每次入親去都買 d 零食慰勞佢哋，今次又有優之良品零食一大袋，希望唔會食肥 Zita & Doris 啦，哈！同佢哋吹完一輪水，係時候要去法國婚紗個 booth get ready。但係去到都未開始，d sales 又係咁隊 d 單張過嚟，我表示我影咗相啦，連外租都 join 埋，佢哋先肯放過我。喺個 fashion show 臨開始之前，之前 sale 我嗰個 sales 又見我，佢話知我好神心咁睇新款衫，咁啱 booth 入面有 1-2 張吉枱，所以佢就叫我哋入去坐，咁我見圍觀嘅人越嚟越多，咪入去坐吓囉，點知就出事...... 因為 d models 行得太快，一陣風咁來無蹤去無影，我哋又同 d models 大近，有好多件衫都影得唔清楚，下次真係企到腳跛都唔入去坐呀！

第一件：

好典型嘅層層疊款，鐘意蛋糕形嘅朋友就一定啱！

第二件：

公主型婚紗。有咗上次試衫嘅經驗，我知道自己絕對唔適合著一字膊。

第三件：

呢件我覺得平平無奇，一定唔會考慮。

第四件：

呢件後面睇幾靚，不過前面就好似冇咩款啦！

第五件：

呢件我本來都 ok，但係一睇到後面我就 say no 啦！唔知點解我一向都有 d 抗拒要交叉縛帶嘅衫～ 我自己都解釋唔到！不過如果 endup 比我遇到一件超靚又要交叉縛帶嘅禮服，我諗我會自動投降... 女人就係咁架啦！

第 6 件：

反而今次 fashion show d a-line 尚算令人滿意，但依然未有想租出街嘅衝動。

第 7 件：

呢件算係整個 fashion show 裡面最鐘意嘅一件婚紗啦！簡單得嚟個蝴蝶好搶眼，全件衫都有 ok 重嘅人手釘工，而且仲有 a-line 旱見嘅大拖尾添！<--- 其實個拖尾真係幾大架，不過由於我個位唔好，影唔到呀！

第 8，第 9 件：

仲有兩件失敗之作，唔係影唔到前面就影唔到後面～

總括嚟講，今次法國婚紗 d 新款我搵唔到心水～ 好在本身喺佢哋現有嘅款式已經睇中咗幾件，都唔洗怕租唔到。下一篇講晚裝啦！