其實我冇出 trip，仍然身在香港。
不過臨過農曆年呢兩日，公司不斷裝飾又裝飾我哋嘅工作環境，令到我彷如置身一個「桔」林！
先睇睇公司嘅大門口...
聽返 d 做咗好耐嘅同事講，以前公司未搬之前，receiption 空間更大，嗰陣係放咗好多好多盤桔，佢哋仲話嗰陣 d 客上到嚟公司係見唔到個 receiptionist 架，因為比 d 一盤二盤遮住晒，宜家已經收歛咗好多啦喎，哈！
比門口嚇親之後，當你再步入公司嘅心臟地帶，又會再次被嚇親，因為欣賞完門口 d 大桔之後，入到好仲有好多盤細桔架！
就連我自己個位嘅某一角都要被桔仔霸佔！仲有兩隻金豬添！
會議室都有佈置！農曆新年嘅時候，我公司周圍都放滿 d 桔及蘭花，分分鐘佢哋嘅數量係多過全公司嘅員工數目！
以上全部都係老闆娘嘅意思，佢係一個比較跟足傳統嘅女人！
公司都佈置成咁，真係好難想像佢自己屋企會搞成點呢？不過其實我公司嘅老闆好錫我哋 d 員工，你睇吓茶水間有咁多嘢供應比我哋飲就知啦，我哋做員工嘅真係一毫子都唔洗比就有得飲啦！老闆娘話只係佢平時入油買架喎！
嘩，好誇張呀！
回覆刪除[版主回覆01/29/2009 10:19:00]係呀, 公司老闆好誇張架....宜家仲有好多蚊仔飛吓飛吓~
(Empty)
回覆刪除[版主回覆01/29/2009 10:20:00]多謝! 冇錯, 身體健康好緊要~ 我都祝你身體健康, 今年搵多 d~
嘩！d桔多到攞得出去買了 hee....不過意頭o野，多d開心d既！ 祝牛年行大運、心想事成！
回覆刪除[版主回覆01/29/2009 10:20:00]係呀, 真係好多, 搞到全公司有好多蚊仔飛吓飛吓...
過埋年之後仲要摘 d 桔落嚟食添架~
祝牛年 新年快樂，身體健康﹗
回覆刪除[版主回覆01/29/2009 10:21:00]多謝!
我都祝你青春美麗, 最緊要係身體健康, 搵多 d 呀!
可能係一個風水陣, 祝大家公司都有好好業績, 我哋就可以有人工加
回覆刪除[版主回覆01/29/2009 10:22:00]哈.....可能係風水陣都未定喎, 因為我老闆間房有個嗰 d 流水嘅擺設架....
好好好, 承你貴言, 最好可以年年都加人工~ yeah!
哈哈~好攪笑呀~成公司都變左桔場咁~haha~
回覆刪除jenny~新一年我都祝你越黎越靚~事事順境~同男朋友繼續甜甜蜜蜜~
[版主回覆01/29/2009 10:23:00]冇錯......真係好多桔....嚇親人....
多謝! 我都祝你身體健康, 牛年快樂, 心想事成啦!
我公司得水飲咋>_<
回覆刪除[版主回覆01/29/2009 15:21:00]其實我以前間公司都係只有一部水機咋, 我諗我真係死好命, 竟然入到呢間公司做......
你公司d福利都唔錯喎~
回覆刪除[版主回覆01/29/2009 15:22:00]係呀, 老闆算對 d 員工唔錯, 過時過節仲有嘢派架~
嘩....個桔林好勁呀!!
回覆刪除我都祝你 2009年事事順利~~大吉大利呀!!! =)
[版主回覆01/29/2009 15:25:00]改佢個名做桔林真係冇改錯, 不過就惹埋好多蚊仔飛吓飛吓, 都幾騷擾....
多謝! 我都祝你身體健康, 心想事成啦!
你公司好有氣氛呀!
回覆刪除[版主回覆01/31/2009 11:31:00]佢哋年年都搞 d 咁嘅嘢.....氣氛係有嘅, 不過仲有好多蚊囉~
哇你公司好荀呀~~~咁鬼多野飲
回覆刪除[版主回覆01/31/2009 11:31:00]係呀, 有時仲拎返屋企飲添呀, 哈!
過完年之後,D桔會唔會畀d同事摘落黎醃鹹柑桔既呢?
回覆刪除[版主回覆02/02/2009 10:43:00]會架會架, 年年都會架~
喺門口嗰棵直情係 "柑" 唔係 "桔", 有時索性摘落嚟食架~
你公司就好la, o甘有氣氛. 我今日先開工返到來冇乜氣氛之餘亞頭仲有小小面黑. e+有如坐針"gin".....唉........看來我開工並沒有大吉ar!
回覆刪除[版主回覆02/02/2009 12:56:00]哎吔....乜新年流流你個阿頭黑面呀....咁你今日要小心 d 啦! 希望佢遲 d 冇嘢, 又或者搵第二個開年啦...
你地公司請唔請人啊...... 請架話我來見工, 咁新年架時候就可以"chak"吉仔返屋企"cham"柑桔水啊哈哈
回覆刪除[版主回覆02/27/2009 14:23:00]haha.....有好多人都話想喺我公司做, 不過我可以話, 我公司係好耐都冇請過人...
去到今年 6 月我已經做滿 5 年, 但依然係屬係年資淺嗰類員工, 我 d 同事個個都做咗起碼 8-10 年, 2x 年都有 2 個, 因為公司福利實在太好, 打死都唔肯走!
太好啦, 仲有咩好過搵到份好工
回覆刪除[版主回覆02/27/2009 15:24:00]所以我都算叫做托賴托賴, 暫時我都會視呢份工為我終身職業架, 嘻嘻!
仲要終身職業tim...若果你公司請人架話, 記住話我知...... 做過咁多間公司, 除左一間外, 冇一間係我可以負talk終身架...... 可惜, 我冇再係果到做...唉
回覆刪除[版主回覆02/27/2009 17:27:00]唉, 宜家 d 咁嘅環境真係好徬徨....
咁呀, 你要排隊喎...因為好多人都等住入嚟我公司做, 哈哈!