原來距離聖誕節得返一星期咋，所以我同男朋友尋晚都急急腳為新居（其實都唔新啦）佈置一吓！以往我哋其實一踏入 12 月就會佈置，但係今年特別懶，尋晚先開始佈置添！
我哋兩條友都好鐘意聖誕節，香港嘅聖誕氣氛真係濃厚好多，而且唔知點解我特別鐘意聖誕樹架，所以自從我哋 3 年前買咗樓，就年年都擺棵聖誕樹喺屋企。
開工啦！第一步梗係要拎晒 d 架生出嚟先啦！好多嘢呀！！！
有成大袋彩帶要佈置呀......
仲有用嚟佈置聖誕樹嘅裝飾品，有禮物仔，士的仔，大大小小嘅波波等等好多好多！
首先由我操刀，佈置咗大廳個窗口先！我貼咗好多雪花上去呀，好似漫天飛雪咁...
後來覺得好似唔係好夠喉，加多兩條彩帶上去先，靚好多！
搞完大廳個窗，就搞吓個廳啦！我勾咗兩個聖誕老人公仔，同埋放咗幾棵聖誕樹呀！
之後就輪到大門口啦！我成日都覺得望到呢 d 聖誕裝飾好開心架！呢個係門口出面，d 人行過會望到嘅～
呢個靚 d 嘅就掛喺屋入面，等自己望到嘛！
跟住就進入戲肉啦！就係工程浩大嘅聖誕樹啦！男朋友逐層逐層咁整好棵樹...
第二層...
仲有最後一層...... 棵樹好高呀，我估應該有接近 6-7 呎...... 棵樹咁大，大家可能認為好貴，但係其實原來好平咋，因為我哋係喺一間面臨搬遷嘅「日本城」買，好似 $9x 咋，抵到爛，係托返屋企時辛苦 d 囉！
整好棵樹，就梗係要加 d 裝飾上去啦！先嚟嘅係掛燈飾～
之後就掛彩帶～
最後就係要掛晒 d 裝飾物上去啦！男朋友見我係咁影佢，佢怕醜著返件衫遮住自己嘅豬腩肉... 哈！
掛好晒啦，都 ok 喎，下次可以買多少少波波添～
掛好晒 d 裝飾物之後，梗係要搞一搞最頂嗰粒星啦，我哋搵咗好耐先咁到咁大粒星咋！
掛好啦，掛好啦，咦...... 又幾靚，幾襯喎！
之後就再佈置埋兩間房嘅房門啦！
終於搞掂晒啦，當然要為棵聖誕樹做返一個簡單而隆重嘅亮燈儀式啦！
玩完一輪，梗係同棵樹影返張合照啦！我諗棵樹隨時有 7 呎咁高...
好開心呀，宜家返到去屋企覺得好有聖誕節氣氛呀！！！！！
******************************************************
同場加映
公司每年都有聖誕佈置，不過好 hea，好 cheap...... 最搞笑莫過於呢個大波波，每次見到呢個波我都覺得自己唔係身處喺一間公司，而係...... 一間 Disco！！！
至於我自己張枱...... 身為一個 Snoopy fans 又咁鐘意聖誕樹，我就放咗呢個擺設喺枱上面，都搵咗好耐架！
近 d 近 d ...... 好靚呀！（自己讚自己有眼光～）
喺呢度預祝大家 "Merry Christmas"！！！
我都好鐘意聖誕節呀!!!好似特別有氣氛d, 你哋好開心wor一齊佈置間屋好sweet 呀!!預祝你聖誕節玩得開心d
回覆刪除[版主回覆12/19/2008 10:53:00]一年裡面我哋最鐘意就係聖誕節架啦, 所以絕對唔會放過佈置嘅機會呢! 我都預祝你聖誕節快樂!
Merry Christmas~~~
回覆刪除[版主回覆12/19/2008 10:53:00]聖誕節快樂!!!!! 你仲有半年咋 ~
merry christmas呀 我都好中意聖誕節呀~ 如果我地2個有屋既話我都一定會佈置o者~ 即刻好有氣氛
回覆刪除[版主回覆12/19/2008 10:54:00]一年咁多個節日, 我哋只有聖誕節先會佈置, 佈置完真係好開心架! 第時你都要呀~
我一見到你公司個波波..都即刻諗起DISCO呀
回覆刪除Merry Xmas!!!
[版主回覆12/19/2008 11:00:00]係啦, 都唔知邊個買返嚟, 下次有機會買 d 射燈仔, 營造 disco 效果, 喺公司跳返 part 舞先, 哈!
Merry Christmas!!! 新婚第一年過聖誕節, 肯定甜到漏啦???
咁快買左樓啦?聖誕節真係好開心,我都好鐘意架!
回覆刪除[版主回覆12/19/2008 11:02:00]係呀, 當初我哋嘅 plan 係先買樓後儲錢結婚, 所以喺 05 年已經傻吓傻吓咁做咗業主 lu!
我屋企都冇搞呢ｄ野呀
回覆刪除不過我家姐就有呀
我家姐勁到
ｄ飾物都係ｄｉｙ呀
[版主回覆12/19/2008 11:03:00]我哋兩個特別鐘意聖誕節架, 所以梗係會搞一搞間屋啦! 不過你家姐仲勁, 仲自己 diy d 飾物添, 佢做手作仔一定好叻啦!
咁o岩既，我們都係昨晚先開始佈置家居，不過我o也棵聖誕樹好細o炸....
回覆刪除你們真係好有心思，佈置得好靚！Merry Christmas!
[版主回覆12/19/2008 11:04:00]Merry Christmas!!!
今年我哋遲咗佈置添呀, 或者因為越來越懶...哈! 聖誕樹大定細都唔緊要, 最緊要係喺間屋入面住嘅人開開心心吖嘛! ^^
我都好鐘意聖誕節ga^^ 咁多個節日最鐘意就係聖誕節^^ 我屋企都有聖誕樹! 不過係得手掌咁大ga咋! 但佢都識著燈同有音樂ga!^^ 預祝你聖誕快樂^^
回覆刪除[版主回覆12/19/2008 11:04:00]冇錯呀, 聖誕節真係好開心! 手掌咁大棵都唔緊要啦, 自己開心同鐘意咪得囉, 你都去買返棵 hello kitty 聖誕樹啦, 我都見到精品店有得賣呀!
哈哈，你男朋友好好笑，見你影相要著返件衫。
回覆刪除我未買樓之前都話如果有自己地方，聖誕節一定要好好裝飾下間屋。不過買咗樓之後，一黎養咗貓，二黎懶，三黎啲裝飾品又貴，之後又冇位放，所以都係冇裝飾過間屋。
見到你整到間屋咁有聖誕氣氛，真係特別開心。遲啲新年，又可以再攪過。
[版主回覆12/19/2008 11:06:00]係呀...佢一開始都唔著件面衫架, 不過我影咗佢好多凸點相...佢自己睇完之後都話有 d 不文...所以要遮一遮佢肥美嘅身材喎, 哈!
如果你養咗貓就真係唔方便搞大多佈置啦! d 裝飾品我每年都係放喺床下底, 哈!
好有聖誕氣氛呀, 見到都想整TIM
回覆刪除[版主回覆12/19/2008 11:07:00]整啦! 就自宜家出親街周圍都係聖誕裝飾及佈置, 人都覺得開心 d 架!
好大的聖誕樹...我都係度諗出年買左樓一定要佈置間新屋~
回覆刪除真係好有聖誕氣氛啊~~
[版主回覆12/19/2008 11:07:00]^^, 我哋見 $9x 咁平, 咁大棵就照樣托返屋企, 哈 ~
如果將來有自己嘅單位, 記得要佈置呀!
嘩~~~你窗口好有xmas feeel! 好似真係飄雪咁
回覆刪除[版主回覆12/19/2008 11:13:00]係呀, 所以每次我都最鐘意個窗口....因為真係好靚呀, 其次都係因為由我自己操刀嘛~
嘩~~原來你地已經買左三年樓....佈置左三年christmas架la...我好期待下年...我可以佈置自己既家呀~~~~
回覆刪除[版主回覆12/19/2008 12:08:00]係呀, 唔經唔覺原來已經 3 年啦~
放心啦~ 下年 x'mas 好快就會到~
2個一齊佈置真係好sweet又浪漫ar!!
回覆刪除希望大家都有個快樂聖誕la!!!
[版主回覆12/19/2008 14:48:00]其實唔係你想像中咁 sweet 架咋...我哋各有各佈置, 冇交流可言, 哈 ~
我都祝你有個快樂聖誕節!
歐陽好 Sexy 啊~~~~ XD XD 屋企有聖誕樹真係好正﹗ 咁先叫聖誕節架嘛~ 你地真係好心機﹗
回覆刪除[版主回覆12/19/2008 14:49:00]haha......係呀! He is my sexy baby......(嘔)
好好氣氛呀! 我都係o個個問題 - 懶，所以屋企唔會搞佈置...
回覆刪除[版主回覆12/19/2008 16:05:00]其實我都係因為懶所以拖到得返一個星期先去佈置，放兩三個禮拜又話拆走...... 其實都係攞嚟搞，哈！
我同你一樣呀，好like x'mas , 如果我有自己嘅屋，我都會報置架，我等緊明年今日應該有呢個機會啦，到時再同你share 報置情況．．．．haha．．．．
回覆刪除（男朋友見我係咁影佢，佢怕醜著返件衫遮住自己嘅豬腩肉... 哈！）我見到你呢句，我咔一聲笑左出黎，我覺得你bf 好搞笑．．．
[版主回覆12/20/2008 10:28:00]X'mas 真係好有氣氛, 所以好多人都好鐘意呢個節目架! 如果你下年有自己嘅屋, 記得記得要佈置, 咁會開心好多架!
哈~ 因為男朋友真係肥...你睇佢幾咁虎背熊腰.....佢怕醜~
hhahahaa~~自從大個左之後, 屋企都冇裝聖誕樹, 男友家又唔興!
回覆刪除叫au yeung搵埋我地上來house warming好啊!
[版主回覆12/20/2008 10:30:00]做咩唔要聖誕樹呀? 咁有氣氛~
好呀, 你幾時上嚟? 不過上嚟之前最好通知聲, 因為我好似自從入伙之後都冇抹過間屋, 哈 ~ (一般嘅掃地拖地除外啦)
回覆刪除小 ”老人” 好得意～！
[版主回覆12/20/2008 11:30:00]哈, 係呀, 佢哋一人一邊好搞笑~
真係佈置得好有聖誕氣氛喎~
回覆刪除我都好鍾意聖誕節架~又係覺得要佈置到間屋企靚靚先得~
整到屋企咁靚~朋友黎到都開心d啦~我都祝你聖誕玩得開心d啦~
[版主回覆12/21/2008 15:44:00]冇錯呀, 如果自己有自己嘅地方, 當然要將佢佈置得靚靚啦, 咁樣過節先過得開心吖嘛! Merry Christmas!
MERRY CHRISTMAS~~我都好想快d有新屋俾我地佈置呀!!!
回覆刪除[版主回覆12/24/2008 10:37:00]Merry Christmas 呀! 你都快啦, 我見你得閒都去睇樓, 比心機呀, 聽講宜家買樓自住買得過喎!
回覆刪除新屋佈置， 一定好開心！Merry Christmas!