多謝 blogger MS818 兩脇插刀，幫我裁晒 d 相出嚟等我可以睇晒做油畫嘅效果。宜家我再逐一 post 出嚟，麻煩大家再留隻字，睇吓裁相後我應該揀邊幅晒油畫吖........thanks!
第一張
第二張
第三張
第四張 (A)
大家係咪一致認為牆上面嗰舊嘢 + 男朋友隻手指尾好礙眼呢？
第四張 (B)
我嘗試運用我僅僅嘅 photoshop 知識去執走牆上面嗰舊嘢，驟眼睇其實都可以接受，不過晒大咗之後應該發現好多瑕疵架，如果最終真係揀呢張，就要麻煩電腦高人出手啦！宜家比住呢個核突版大家睇吓先（我仲貪得意整走埋男朋友隻手指尾添呀）！
第五張
第六張 (A)
早兩日我喺屋企不斷翻睇 d 相，慢慢地開始催眠自己............ 其實要睇到成件婚紗都唔係咁重要啫，我美麗佳人嗰幅油畫都係得上半身之嘛，所以我就揀咗以下呢一張列入考慮範圍。
優點：呢張影到男朋友好瘦呀，哈！佢平時都唔係呢個 size... 而且我覺得我另外兩張油畫都係半身 / 全身，反而冇一張係大頭喎，咁不如今次玩大佢，晒張大頭啦！而且呢張我覺得都幾 sweet 吖，又影到我個頭飾添！
缺點：唔知點解一望到呢張相我就會望住男朋友隻錶，好似有少少搶咗鏡添！不過另一方面都留意到大家隻結婚戒指，咁都好 d！
結果...... 我實在忍唔住成日望住男朋友隻錶，所以我使出我 photoshop 嘅皮毛知識執走咗隻錶，仲幫自己漂白咗 d 牙添，就得出以下呢張相啦！
第六張 (B)
呢張係咪順眼得多呢？我就覺得係啦！
第七張
優點：直相。sweet pose！又影到我全件婚紗，表情都唔錯吖！
缺點：其實相中人嘅比例係咪細咗 d 呢？
相就睇晒啦，又到你哋比意見嘅時候啦，thanks everyone！！！！！
沒有留言:
張貼留言