之前講過因為緣美傳說輯相出咗少少問題，所以佢哋自動自覺送一張 16x20 油畫比我，但係我揀嚟揀去都仲未揀到究竟晒邊幅好。
今次揀嘅油畫係有條件地去揀嘅：
(1) 我同男朋友都要望鏡頭！因為之前美麗佳人及法國婚紗嗰兩張都唔係望鏡頭，所以今次一定要搵張望嘅！
(2) 相中人笑容一定要靚啦，我唔想要張苦瓜乾！
(3) 最好睇到晒整件婚紗禮服。
經過一輪篩選之後，得出以下 6 張相符合以上條件。不過呢 6 張都唔係特別出眾，張張都唔夠完美，因為我發覺原來我哋合埋眼呀，唔望鏡頭呀嗰 d 相先最靚最有 mood，但另一方面我又真係好想要一張係望鏡頭喎！所以麻煩各位幫幫眼，比少少意見晒邊張做油畫吖！
第一張
優點：相中人嘅表情唔錯，一望到張相好似有一種「我哋結婚啦！」嘅感覺。
缺點：張相打橫，男朋友話油畫打橫會好怪 <--- 其實我就冇乜大所謂，反而我覺得好似睇唔清楚件婚紗同男禮就真！
第二張
優點：放大後其實好清楚地睇到我同男朋友都笑得好開懷，而且影到件婚紗好靚呀，又睇到頭飾！
缺點：個 pose 好怪，唔知點解我仲覺得有 d 老土，有 d 娘，又唔夠 sweet！
第三張
優點：表情 ok，pose 夠 sweet，而且又再一次 show 到我件婚紗！原來放大後仲睇到大家對結婚戒指同埋隻求婚戒指添架！
缺點：左手邊棵植物好似影響咗幅相嘅構圖，嚴重 d 嚟講仲有少少搶境添！又睇唔到我個頭飾，成個 look 好似唔似新娘子咁...... 係咪我諗多咗呢？頭飾係咪真係咁重要呢？
第四張
優點：pose ok，sweet 程度尚算可以。
缺點：男朋友表情好似唔夠上面嗰 d 笑得咁開心，而且件婚紗...... 唔係話唔好，始終都叫做影到成條裙，不過如果有得揀，我鐘意好似上面咁坐喺度多 d 囉。
第五張
優點：............ 諗咗好耐都寫唔出。
缺點：黑白...... 我宜家係做油畫，唔係車頭相囉！男朋友又笑得唔夠歡容，左手邊嗰嚿嘢又怪怪地，大家再睇睇男朋友隻手指尾...... 搞咩呀？？？又影唔到件婚紗...... 仲有...... 最緊要...... 大家覺唔覺我好似比人捉埋一邊非禮然後比人發覺咗？
（張相諗到咁多缺點，係咪唔應該比佢入選呢？）
第六張
優點：笑容唔錯，睇到大家嘅婚紗禮服，pose 都可以。
缺點：背景好似冇咩特別，而且又係一張橫相......
諗咗咁耐都諗唔掂！不過如果真係要揀，我諗我會偏向晒第二張、第三張或者第四張！你哋呢？你哋又點睇？比少少意見，留隻字吖...... please！
hi!第三張好靚,好sweet^^
回覆刪除[版主回覆12/05/2008 12:05:00]宜家我都係心水第三張呀, 不過覺得棵植物搶咗我哋鏡囉!
Jenny, 又到out相的時候，真令人頭痕....！如果比我揀，比較喜歡第二和第三張。
回覆刪除先講第二張，你們的笑容很甜哩！不覺老土呀！而且睇到婚紗及頭飾。
第三張也不錯，你個樣仲幾冧添！反而我覺得有d綠色植物陪襯都唔錯、構圖ok！
[版主回覆12/05/2008 12:06:00]係呀, 真係揀得好痛苦, 又唔想做錯決定喎!
我都比較鐘意呢兩張, 不過始終都有 d 缺點....多謝你嘅意見呀!
第三張同第四張都幾好呀~~都SWEET呀~
回覆刪除[版主回覆12/05/2008 12:06:00]冇錯.....我暫時都係咁揀 ~
我揀5&6
回覆刪除[版主回覆12/05/2008 14:23:00]你竟然揀第五張???
我揀呢張~~~~
回覆刪除[版主回覆12/05/2008 14:24:00]呢張都有諗過, 個景好似都 ok!
我揀 3 or 6 ~
回覆刪除不過第3張又真係好似比棵野搶左dd 鏡wor...有冇得執走佢架?
[版主回覆12/05/2008 14:25:00]其實我都有諗過執走第三張嗰棵嘢.....不過我自問就唔得啦, 或者要請教一 d 專業人士先得 ~
我會簡1 & 6 , 1係因為張相清清地 , 放大左應該靚d , 6係因為睇清楚你地2個嘅婚紗同禮服 , 不過2張都係你bf 唔like 嘅橫相tim....
回覆刪除如果直相 , 我會簡3 , 不過唔知張相會唔會太細呢 , 同埋有堆草係度 , 個度好似有d礙眼 , 堆草個size 好似同你2個差不多大小.....
[版主回覆12/05/2008 16:51:00]咪係囉....我就係咁覺得! 嗰棵草越睇越篤眼篤鼻, 唔知有冇辦法整走佢.......
YES 我都鍾意睇六張....呢張除左你地二個影得靚之餘...背景棵樹都影得好有氣勢....好有美感!! SOSOSO 我投6號一票!!
回覆刪除[版主回覆12/05/2008 16:52:00]"氣勢"!!!!!! 估唔到 d 樹竟然有氣勢, 哈! 好, 我會考慮吓!
我投第6張, 你地2個都笑得 好自然!!
回覆刪除[版主回覆12/05/2008 16:52:00]估唔到第六張有咁多 fans 喎!
我揀6
回覆刪除[版主回覆12/05/2008 17:46:00]望望吓 6 又好似唔錯咁喎 ~~~
2&4唔係唔好....我只係覺得太細個人....張油畫唔大既話都係揀d個人大小小既好睇d.....
回覆刪除如果係我揀.....我會揀6......我幾鍾意個景.....橫相做油畫都幾特別丫...
[版主回覆12/06/2008 11:04:00]其實 bf 都慢慢地接受可能要用橫相做油畫啦, 所以最終要揀橫相我諗問題不大!
我都有諗過第 2 & 4 人物比例好似細得滯, 不過如果最後真係決定呢兩張, 我可能會裁細 d 張相先晒....但係.....又好似唔係咁靚囉 ~
我會揀2, 3 & 6。首先第二張真係吾覺老土, 仲有你想要的3大條件；第三張就真係比棵植物好影響, 我影個時都有一張係咁, 所以冇揀到，不過你哋個pose 好sweet wor!!第六張，其實都吾錯，雖然好似乜都冇, 但個天影出來吾錯wor； 最後我會選 "2"
回覆刪除[版主回覆12/06/2008 11:06:00]^^, 多謝呀! 我都考慮咗好耐究竟揀唔揀 2......真係好擔心個 pose 好似老土得滯.......不過你 d 意見都好有用 ~ thanks!
如果你想要一張好正宗既油畫相,我覺得3號係最符合要求既~~
回覆刪除[版主回覆12/06/2008 11:06:00]係呀....不過嗰棵嘢真係想執走佢 ~
我會揀第三張.....
回覆刪除第六張都唔錯 ^^
[版主回覆12/06/2008 11:06:00]咁你覺得棵嘢礙唔礙眼呀?
6號仔丫唔該﹗
回覆刪除[版主回覆12/06/2008 11:10:00]又一票投 6 號啦!
我揀6號, 呢張唔錯~
回覆刪除[版主回覆12/06/2008 11:10:00]再嚟多一票添,.......唔通佢最後會高票數當選???
最後一張....顏的對比好啱....又一種小小復古色, 又自然
回覆刪除[版主回覆12/06/2008 11:10:00]復古....無錯...都有少少 ~ 仲好似有少少台灣 feel 添!
No. 6
回覆刪除[版主回覆12/06/2008 11:11:00]嘩, 果然係大熱呀!
我鍾意第 2 張呀 ^^ 但其實我覺得橫相都 OK 丫... ^^ 因為我都諗住整橫相...
回覆刪除[版主回覆12/06/2008 12:11:00]thanks ar! 我會請 IT 高人幫我試吓執走果棵嘢先~~~
我諗諗吓橫相都 ok~
其實第5可唔可以叫佢地俾張彩色版? 因為我見你地2個都拍得好好樣才覺得好啊....
回覆刪除[版主回覆12/06/2008 22:17:00]我諗呢樣真係要同佢哋傾吓睇吓仲有冇, 或者可能佢已經 deleted 都未定 ~
我鍾意第六張, 好特別呀~~
回覆刪除[版主回覆12/07/2008 15:53:00]其實我真係有諗過第 6 張架, 不過唔知 bf 介唔介意係打橫呢?
最尾一張，good！因為好warm，其實背景唔太重要，最重要係overall個mood靚。
回覆刪除[版主回覆12/07/2008 15:53:00]咁又係, 呢 d 都係講 mood 啫, 後面係咩都冇所謂啦 ~
要提提你一樣野，16" x 20"油畫其實好接近方形，做既時候會cut咁你一D背景，會好影響成張相個感覺。 如果今日有時間，我試cut幾張相你地睇，可能好影響你地本人同大家版友既選擇
回覆刪除[版主回覆12/07/2008 15:54:00]裁相呢個問題我都有問過緣美傳說 d 人呀, 佢話會同我盡量就, 但係大前提我連決定晒邊張都未有定案!
thanks ar....... 如果你真係幫我 cut 到, 咁我就易決定好多啦!
岩岩cut完d相,依家jenny ,au yeung及大家所睇到既係最後油畫cut出來個d.
回覆刪除由於無人揀第一張,唔做啦! 第二張
第三張:
其實呢張放大左有少少矇,你要叫佢整sharp d.
我已經將棵植物既effect減至最細,所以整體其實縮細左。不過原相pixel夠大,16" x 20"唔算好大相,唔會起格掛~
第四張: 呢張易搞的. 第五張: 呢張最惡搞: 如果真係要,要番原本既彩色相同埋執走舊野!超礙眼! 第六張: 呢張最易搞,效果最理想添~ 睇完呢堆扮製成品,我揀4 及 6.而第3張有明顯改善.
[版主回覆12/08/2008 10:46:00]嘩, 唔該晒你呀, 你話我識著你係咪人生人最榮幸嘅其中一件事呢???? 不過我真係想問問, 如果我就咁 save 你呢幾張相, 個 pixel 係咪足夠晒成 16x20 油畫架?
唔係好明,我轉貼第三張去你度點解會起格起得咁緊要既! 去我相簿睇番第三張~ 第三張
回覆刪除[版主回覆12/08/2008 10:49:00]Thanks!!!!!
條link錯既~ 再來 第三張
回覆刪除[版主回覆12/08/2008 10:48:00]呢個都 ok 喎~~~~~~ 果然有重新嘅睇法吖!
Mr.V 投第6張 hehehe~~~~
回覆刪除[版主回覆12/08/2008 10:49:00]hehe.....thanks mr. v ar!!!!
我簡第六張，你地個表情同拍攝個角度都好好！最主要係cut左都唔會覺得好壓迫。
回覆刪除不過張相較沉色，如果你另外嗰d油畫都係好鮮色就無所謂可以簡張沉色。
[版主回覆12/08/2008 10:55:00]冇錯冇錯, 顏色都係一個要考慮嘅問題, 我另外嗰兩張一張比較鮮色, 另一張都係沉色 (因日落), 咁.......再諗諗先 ~
如果我係你我都會心大心細AR! 好la, 等我每張都比小小comment你la!
回覆刪除第一張: 個feel比較輕鬆, 好似你話dry有種"我地結婚o勒"o既感覺. 但我個人覺得如果做油畫, 貴麗o既感覺唔小得, 所以我唔會選擇呢張做油畫.
第二張: 呢張我覺得幾好, 影得你條裙好靚好出, 而au yeung整個look都影到出來. 另一方面有頭飾同冇頭飾個分別真係幾大, 有的話個樣影起上來sharp好多. 我見你話個post老土, 我反而唔係太覺得. 我個人則較著重2個人個笑容, 我覺得o甘多張呢張個笑容係你2個最夾同最自然o既笑容! 我buy呢張做油畫!
第三張: 雖然呢張冇左個頭飾但係個post就好過第二張, 2個人依旁住一齊感覺上更加sweet, 再者個笑容又有第二張o甘好wor! 但學你話dry左面個樹真係太大lu. 如果可以執到留言者ms818 o個張o甘呢就正o西lu. 我都buy呢張做油畫!!
第四張: 我本身唔仲意d向前卦o既post, 因為睇起上來就跌就跌o甘好唔踏實. 而且呢你條裙個腳好似離開左個地下, 搞到你好似冇腳o甘感, 感覺不大好. 我唔會選擇呢張個油畫!
第五張: 我覺得黑白都唔係問題黑白都幾有feel反而有三點我覺得好有問題. 1) au yeung隻手指尾真係好唔得好似好辛苦o甘. 2) au yeung個笑容同你唔夾. 3) 我覺得呢張相影唔到你個尖尖面型出來反而有小小腫, 我唔選擇呢張個油畫!
第六張: 雖然個背景好似好靚, 但你有個發現一望埋張相度好易focus左o向d樹木度感覺好頭云對眼有小小唔c服. 好似d樹花得制而且搶左o向左面o既一對主角. 如果o甘細張己經頭云, 放大左做油畫咪仲云. 我唔選擇呢張.
heehee~~comment就講完lu. 希望你唔好覺得我太長篇la. 呢d都係個人意見希望比到d新睇法你la!!
[版主回覆12/08/2008 16:33:00]欣欣....我真係要好好好多謝你呀, 我最鐘意你咁長篇分析晒每一幅相, 真係開心都嚟唔切呀! Thanks!
其實我都諗緊究竟好唔好要第二及第三幅, 畢竟我自己最滿意都係呢兩張~~~ 唉 ~~~
好嬲好嬲好嬲ar~~~我頭先打左好大篇comment比你但係一按save就load唔到上來. 火都來埋! 唉~唯有再打過la!
回覆刪除第一張: 個feel好輕鬆, 學你話dry好似同緊人地講"我地結婚o勒", 但我個人覺得做油畫的話貴麗好似好d, 所以我唔選擇呢張做油畫!
第二張: 我覺得呢張影得你條裙款好出, 而au yeung成個look都影到出來, 效果幾好. 而且你真係講得o岩, 有頭花比起冇頭花影出來個樣都係sharp好多. 最仲要係你地2個個笑容都好一至好自然反而我覺得個post唔太老土可接受o丫. 所以我buy呢張做油畫.
第三張: 雖然冇左個頭花但係呢個post比第二張好wor. 我覺得2個人依旁住一齊個感覺好sweet. 笑容方面呢張同第二張一樣都好自然好一至. 但學你話dry都係左邊個樹累事la. 如果可以執到留言者ms818 o個張o甘就正o勒. 我都buy呢張做油畫.
第四張: 我一向都唔仲意d post係向前卦o架. 個感覺好似跌下跌下o甘好唔踏實. 而且你有冇留意ar, 你裙腳吊起左冇痴住個地下, 感覺上你好似冇腳o甘, 唔係幾好唔係幾好. 我唔選擇呢張做油畫!
第五張: 查實我覺得黑白都冇所謂反而有d feel tim! 但係有三個好大o既問題. 1) au yeung隻手指尾真係好怪好似 好辛苦o甘. 2) au yeung個笑容同你好唔一至. 3) 張相影唔出你尖尖既面型反而影到有小小腫. 所以我唔選擇呢張做油畫.
第六張: 我一望呢張相就focus左o向個樹景度反而忽略左右邊對主角. 而且呢一望埋d樹景度好花ar, 對眼有小小壓迫而且又有d頭云. e家o甘細張己經有呢個感覺如果放大左咪仲云. 我唔選擇呢個做油畫!
heehee~~比完comment lu. 希望你唔好嚴我長篇而且可以令到你有新睇法la!!
[版主回覆12/08/2008 16:43:00]冇事啦, 唔好激氣啦! ^^
我鍾意最 last o個張!
回覆刪除[版主回覆12/08/2008 16:46:00]等到望穿秋水....終於等到你嘅意見啦.........thanks!
我睇晒咁多張,都係覺得最尾果張最好呢!
回覆刪除個FEEL好靚,你兩個又冇比其他野搶左鏡頭
[版主回覆12/09/2008 10:23:00]又一位朋友仔投最尾嗰張......不過你都講得啱, 論搶鏡尾嗰張真係冇嘢搶咗我鏡!
本來冇睇你d 形容,我會投第5嫁,因為個人既大小適中,雖然mr au yeung冇笑,不過呢張個樣好似coolcool地最靚仔wor, 但睇完你d形容,又覺得講得好arm,所以最後我投6號一票!!!
回覆刪除[版主回覆12/09/2008 10:24:00]haha......我本來都想揀第 5 張, 因為好似 d 比例最靚, 不過黑白喎....怪怪地咁....
我鐘意２．．．
回覆刪除[版主回覆12/09/2008 10:24:00]2 其實都幾好, 係驚兩條友太細粒啫 ~
I like No. 6 ~~ GOOD 啊
回覆刪除[版主回覆12/09/2008 10:24:00]又係 6 呀!!!
我又俾下意見先~~
回覆刪除NO.1 : 男主角個嘴V得唔好睇, 同埋放大了背肌會好勁
NO.2 : 個POST唔夠SWEET呀
NO.3 : 個POST好似普通影相咁........有點太普通
NO.4 : 男主角笑得唔夠自然喔
NO.5 : 男主角D手指........哈哈有D怪, 放大會好覺呀
NO.6 : 我最喜歡依張, 大家都自然, 而且背景舒服又襟睇
[版主回覆12/09/2008 10:25:00]睇返你 d 意見, 全部都係男主角出咗問題咁滯.......男主角: 如果你睇到以上嘅意見, 唔該你好好檢討吓, haha....
第六張好d, 好靚~
回覆刪除第一張睇唔清楚個樣
[版主回覆12/10/2008 10:40:00]^^, 我都覺得第一張麻麻地, 唔夠清楚呀~
你唔好咁講啦, 可能男仔小影相, 所以先會咁 , 我揀相果時都係因為我個男主角, 所以好多相都唔要得, 諗諗下, 都唔知佢係咪專登架
回覆刪除[版主回覆12/10/2008 10:43:00]其實我知 bf 唔係好識得笑, 所以佢個表情通常都唔會 sweet 得去邊~ 不過算啦, 可能男仔真係少影相所以唔慣啦!
有時我都唔理得咁多, 如果男主角影得唔靚 (但係當然唔好太差啦) 我都會照買嗰張相.....所以我咪咁敗家囉, 哈!
我支持第六張呀! 我覺得打橫都無所謂呀!靚就得啦!
回覆刪除[版主回覆12/11/2008 10:29:00]多謝! ^^
我稍後會再 post 多少少出嚟, 到時再比意見吖, 嗰陣應該要做 final decision 啦!
Hihi~~~ 我幾鍾意 第二 , & 六呀!!
回覆刪除[版主回覆12/12/2008 10:33:00]其實第二我都越望越鐘意, 因為兩位主角都非常之 "在狀態", 不過又有其他因素影響....