火熱動感 la la la

呢首歌係我喺搵婚宴音樂時無意中發現，實在係太太太經典啦！

幾時都覺得自己出生喺 80 年代初係好幸福，因為成日都有人話當時有好多好歌聽，首首都會 hit 得起～ 而且嗰段時間有好多深入民心嘅事，例如四大天王啦（雄霸樂壇十幾年），每年嘅頒獎典禮都爭最受歡迎男／女歌星爭到頭崩額裂，唔會好似宜家咁，唔係呢個拎就嗰個拎，我都冇睇呢類頒獎禮好耐啦。之前睇到篇娛樂新聞，有個資深歌星都話應該要搞搞香港嘅樂壇，宜家出席頒獎典禮嗰 d 有 7 成都係新人，撞口撞面都唔知佢叫咩名。<-- 哈，又講得幾啱喎！

講返首歌，我真係超級鐘意！鐘意嘅原因唔係因為有郭富城份（呢個係次要原因啦），而係睇見佢哋 4 條友好似好 friend 咁，一路睇都覺得佢哋玩得好開心，唔知宜家仲有冇機會見到呢？我頭先一路聽首歌，腦海中就有好多讀書時嘅記憶！記得讀中學時都有玩過陸運會嘅啦啦隊，我哋都有份跳呢首歌架！時至今日，有時同 d 朋友去唱 K 都會點呢隻歌玩餐飽，唔知點解，呢隻歌音樂一起，成場嘅氣氛就 high 爆！

¯火熱動感 la la la ¯　　　主唱：郭富城 + 鄭秀文 + 許志安 + 梁漢文

合：LA...... LA...... LA......

梁：名字是好動派　行動是要在陽光中　趕走苦惱失敗
全人類也越界　舉起手反對自我被活埋

郭：為何脈搏極快　原來受那艷陽唆擺　擺一擺也不壞
投入活躍地帶　應該將盔甲換上運動鞋

△許、鄭：一到夏季　氣勢昇高　這個夏季　鬥志利似刀
當氣候跳升一百度　活著實在好

☆合唱：來自夏日的心怎會沒想像
沉悶的一切最需要　你的美麗狂想
原來躍動的心感覺同一樣
誰若想歌唱　放心唱　(要) 開夠六千場

許：名字是好動派　行動是要暫停打呔　不鬆綁太失敗
為何扮相極怪　好應該飛快換上運動鞋

鄭：誰願做冷艷派　流汗定較淚流偉大　輕鬆怎也不壞
無論是怨是債　將苦水給這夏季慢慢曬

郭、梁：一到夏季　氣勢昇高　這個夏季　鬥志利似刀
當氣候跳升一百度　活著實在好

Repeat ☆

合唱：LA...... LA...... LA......

Repeat △ (合唱) ☆

合唱：LA...... LA...... LA...... (fade out)

P.S. 又比我攝到位去讚我嘅美男子 --- Aaron！唔知大家有冇留意，整個 MV 中我諗佢出鏡率佔咗 1/3，會唔會因為嗰陣 (1992 年) 佢已經開始紅呢？又會唔會因為佢有好多不同嘅跳舞動作，咁呢首歌又係快歌，所以影得佢多 d 呢？