2009年10月31日 星期六

all outfits confirmed @ 元朗雅麗

2009 年 10 月 27 日（星期二）


我係特登揀平日去 final confirm 衫，因為 sales 話平日試都試得自在 d，款式亦會齊 d，既然係 final confirm，所以就要勞煩大家收工後入嚟元朗一轉啦！


今次嘅主角分別有兩位媽咪、伴郎及伴娘。


元朗雅麗嘅 fitting area 真係比較細，企多幾個人都要「唔該」前「唔該」後，不過可能因為地方細細先有資金入靚衫及以一個較平嘅售價租衫出街。我都已經醒水，分批約大家入嚟揀衫，先約伴娘及媽咪 6:30 試，奶奶 7:00，伴郎收工先入嚟就約佢 7:30，最後大家都要揀到接近 9:00 先離開。


由於今次係 final confirm，所以揀定咗款就可以光明正大咁影相啦！


伴娘裙：


本來伴娘 hold 咗一條湖水綠色長裙，但係其實佢自己、我及歐陽生都覺得可以再著得靚 d，所以叫伴娘過嚟轉款。試咗大約 6-7 條裙之後，都係呢件最靚！前短後長有 d 款，白色又好啱伴娘嘅身份，加上呢條著得 young d！



奶奶衫：


因為奶奶膚色其實只接受深色衫，其他款佢又唔多鐘意，試多 4 - 5 件之後都係決定唔轉款。



媽咪衫：


媽咪就巴閉啦，hold 咗兩件旗袍，佢貪新鮮想試下著晚裝款，點知試咗 3 件都係麻麻地，我老爹由始至終都強烈建議佢著返旗袍款，加上伴娘嘅認同後，媽咪最後都決定要返旗袍。宜家 confirm 咗之前 hold 嘅其中一件。



伴郎西裝（呢件冇影相）：


由於伴郎先生屋企冇西裝，所以歐陽生就話租一套比佢。宜家伴郎 confirm 咗一套黑色西裝，企領圍邊有少少黑色嘅花領，衫身係銀色鈕，某程度上我覺得佢呢件衫會搶咗歐陽生鏡，因為歐陽生嗰件新郎黑西裝都只係普通嘅關刀圓領，少少類似絲嘅質地（希望大家明白我嘅形容詞 -_-"），宜家咁樣...... 唯有等大家以呔及背心去識認，希望唔好以為我嫁錯郎！


可惡嘅歐陽生喺伴郎先生揀緊西裝時 0 表態！！！


至於 final fitting 會喺 11 月 1x 日前後，希望改衫呢 part 一 take OK！


張貼者： 於 11 則留言:
標籤：

2009年10月28日 星期三

與殘忍的姊妹團 gathering

2009 年 10 月 23 日（星期五）


今日好準時放工，目的就係要帶 5 位漂亮嘅小姐上 Plovee 試姊妹裙。


先同其中兩位姊妹試裙......一條太長，一條太短，起初以為係個別人士身高問題，點知等其他姊妹試晒時先發覺嗰兩條係做得特別長及做得特別短。長咗嗰條可以改短，短嗰條真係冇得改，本來以為要被迫接受，點知醒目嘅姊妹著上身後發覺車功出咗問題，老闆娘都好醒目，自動自覺話做過條比我。好在重新做一條只需要兩個星期，改裙要 4 日，自問都仲有少少時間，所以接受呢個安排，最後條裙要 remark 加長 4 吋，勁！！！


第一次度身後，10 月尾就有得攞，但等埋重做嗰條，即係要 11 月頭 d 裙先齊貨，重做嗰條仲要再 fit，應該都仲趕得切啩？


fitting 完後，其中一位姊妹因為有急事需要離開，咁剩低嗰 6 位 young ladies 就去食飯，順便傾傾 rundown 及大家都勁期待嘅接新娘遊戲！


傾 rundown 我唔多講，總之又係要改啦，都慣架啦。但係一傾到接新娘遊戲就大件事咯！我哋進入餐廳嗰刻係 7:45，離開竟然係 11:45，如果唔係大家嘅男朋友打電話嚟催返屋企，根本冇人知時間......


講到我嘅接新娘遊戲，冇體能，冇核突嘢食，冇智力可言，咁玩 d 咩呢？當然我係唔會講住啦！不過惟一可以透露嘅係，我 d 姊妹原來好殘忍架！傾完 6 個遊戲之後，姊妹們都有唔同嘅 comments：


「嘩，好殘忍呀！」


「嘩，咁都唔放過佢哋呀？」


「娶你呢個老婆真係慘！」


「乜都唔理，最緊要有『視覺效果』！」


「玩緊嗰陣唔好比嘢我做，因為我應該企埋一邊笑到肚痛！」


好在各位兄弟姊妹團都係玩得之人，雖然我冇份玩，但見佢哋傾得咁開心我都好期待！唔排除到時我會喺房嗌出聲..... ^^


離開餐廳時仲遇到 3 位 bloggers，分別係 Anna、小小丸子及 CarCar，比佢哋發現咗我哋係全餐廳最大聲，最失儀嘅一枱，佢哋亦都應該聽到我呢 d 機密遊戲，殊！唔好爆出嚟呀～


特別鳴謝環節：


接新娘遊戲會議舉行得咁順利，都係多謝各姊妹嘅通力協助及 brainstorming！


多謝好伴娘 Zoe 為我（唔知係咪？）買咗一本專門玩新郎嘅書，所有嘅遊戲差不多全部喺呢本書搵到，等大家當晚唔洗頭顎顎。


多謝好姊妹 Anita 義不容辭，攬晒上身咁幫我買所有遊戲道具，仲提供咗一個人人都好期待嘅遊戲環節，當日我將個遊戲時間就交比你 in charge 啦，只有你一個最忍得笑！


多謝好姊妹 Angel，Loki，Fion 提供咗好多有用嘅意見，Angel 記得要投入 d 咁玩埋一份，如果你淨係識得企喺側邊笑，罰你要幫兄弟受難架！


好姊妹 Cat 亦走唔甩，雖然你未能出席我哋呢個殘忍會議，但係下個月初拎裙時我哋會同你 brief 一次，相信你都笑到標眼水！呢 d 遊戲，你多謝 Anita & Zoe 啦！


張貼者： 於 沒有留言:
標籤：

2009年10月27日 星期二

家有炸彈！


隨住過完大禮，意味住我哋可以開始派帖，新屋嗰度已經變成一個紅色炸彈工場啦！


我終於可以大叫：「我進入直路啦，go go go！！！」


 


首先我要多謝我公司部 printer，由於我哋冇 printer，所以我日日返到公司都滾搞佢幫我 print 帖！佢真係好幫得手架，幫我 print rundown，seating plan，table number card，menu，等等幾百樣嘢！



之後就多謝歐陽生，佢呢排好乖，成日都坐定定入利是及餅咭，幫我分擔左唔少工作吖～



暫時只係印咗兩疊派住先，其他嗰 d 要陸陸續續印架啦！




各位，準備比我炸得體無完膚未？Huh？


張貼者： 於 沒有留言:
標籤：

2009年10月23日 星期五

過大禮 @ 18-10-2009

2009 年 10 月 17 日（星期六）


過大禮前夕


過大禮前一日得我同歐陽生兩個去換唐餅 + 借禮盒，唔好睇少呢個禮盒，我已經早咗成個星期去 hold，但係結果都要問咗 8 間奇華分店先借到返嚟，好搶手亦好重，一個女仔唔好旨意會拎得到。


用咗 3 張餅咭換返嚟嘅囍餅，拎到大家死死下，因為當日仲要買埋部份嫁妝，總之仲攰過做苦工啦！返到屋企抖咗陣就執下過大禮要嘅物品。呢盆唐餅我都花咗少少時間去擺得靚靚架～



玩完唐餅就玩紅酒，由於屋企冇酒袋可以一次過放晒 4 支酒，所以用咗個膠袋代替，仲貼咗兩個囍字貼紙喺面。



四大長老都好鐘意飲呢隻紅酒。話說有一次老闆娘送咗一支呢隻紅酒比我，我拎返去同四大長老 share 嚟飲，佢哋個個都話正，所以過大禮都向老闆娘買咗 4 枝。乜年份乜酒莊乜葡萄我都唔知，淨係知係法國 Lafite 酒莊嘅酒，老闆娘真係冇介紹錯，向佢買都係 $110/支咋～ 抵飲，據悉老闆娘屋企有 1x 箱！



2009 年 10 月 18 日（星期日）


過大禮


今日係歐陽趙過大禮嘅日子，吉時係 3:30 - 5:30，男女兩家嘅親戚一早已經準備就緒。


3:45 左右，歐陽家一行 5 人殺到，我奉命入房迴避一陣，只係聽到出面嘈喧巴閉，聽得最多嘅說話係「坐吖，唔好客氣」。


可憐嘅歐陽生亦因為要迴避，所以佢就喺我屋企門口等，只係少少時間都不甘寂寞要打機.... -_-"



我屋企唔算全部跟足傳統，所以唔算太多物品。



呢個時候當然要嚟幾張合照，不過男家親友唔係咁願意上鏡，所以只有我喺度影呀影。


(下左) My lovely family


(下右) 白頭髮嗰個係婆婆，另一位老人家係嫲嫲


話說男家拎完 d 禮入女家後，婆婆一馬當先要 in charge 整個大局，嫲嫲都冇睬佢咁多，自顧自同男家親友 social



雖然我已經解釋咗 N 咁多次比媽咪聽 d 嘢要點回比男家，不過因為利是眾多，最終都係要靠自己提點下媽咪，呢一刻嘅我其實係好忙碌。



接收晒每樣禮品之後，要擇返封利是比男家，呢個儀式就由男女兩家至高無上嘅阿姨及我老豆負責。




最後就係頒發各式各樣利是：


禮金大利是 + 包羅萬有大利是，你睇我媽咪笑到佢吖......



女婿金，即係嗰 d 咩咩女婿褲、女婿鞋、皮帶、銀包等等。（大家可以留意到我嫲嫲仲係 social 中...）



奇華個網站仲話要有 4 封利是，寫住「五代同堂、百子千孫」交比準女婿，雖然唔知有冇根據，不過是但啦，利利是是嘛。



最後就係舅仔鞋，都係以利是代替。頒發舅仔鞋利是時，歐陽生兩個細佬即刻起哄：「點解冇細佬鞋利是？」



呢個叫做禮金盒，顧名思義就係放禮金，而且裡面仲要有蓮子、百合、紅豆、綠豆、芝蔴、紅棗、合桃乾、龍眼乾、扁柏、檳榔、紅繩等等。個盒宜家已經變得好 "痴 lup lup"，不過婆婆話唔可以扔，起碼要擺一個月...



最後大約 4:30 左右就結束，因為男家要盡快拎返 d 禮返男家，趕住要喺天黑前拜神。


張貼者： 於 沒有留言:
標籤：

2009年10月21日 星期三

大日子倒數 1 個月 checklist


距離成為人哋老婆得返一個月，老實講，我真係開始有 d 發 "ti" 騰。不過又好奇怪地唔知自己驚乜，因為大部份未完成嘅工作我都有晒 idea，只係未買齊材料未郁得手住，雖然萬事俱備，但係就硬係放鬆唔到心情囉。


呢幾日仲搞笑，每晚都會胃痛，已經連續痛咗三晚，好在唔係劇痛，仲頂得住。朋友問我係咪緊張得滯，我自己都唔知。


講返個進度，其實 outstanding 嗰 d 我都好努力進行中架啦，希望可以快 d 搞掂晒！












































































































































































































































































































































































































主要項目


過大禮日期：


 


18-10-2009（星期日）


過大禮吉時：


 


15:30 ~ 17:30


上頭日期：


 


20-11-2009（星期五）


上頭吉時：


 


01:30 ~ 03:30


出門地點：


 


女家 @ 天水圍


出門吉時：


 


11:30 ~ 13:30


入門地點：


 


男家 @ 沙田


入門吉時：


 


11:30 ~ 13:30


伴郎伴娘：


 


已有人選，both confirmed


兄弟團：


 


共5人，all confirmed


姊妹團：


 


共5人，all confirmed


婚紗相：


 


(1)    緣美傳說（已收相）


(2)    美麗佳人（已收相）


(3)    法國婚紗（已收相）


新娘化妝：


 


Shirley Kam（全日）


婚禮攝影 + 攝錄 + Snap Shot：


 


海洋專業婚禮（全日）


(1)   攝影師：Hero


(2)   攝錄師：阿健


(3)   Snap Shot：阿風


結婚戒指：


 


PN（已取）


新娘花球：


 


童話佈置，未定款


主婚人襟花：


 


馬蹄蘭 @ 童話佈置


襟花／手花：


 


未來弟婦負責，未收到


擬結婚通知書：


 


已做 @ 緣美傳說


囍帖：


 


已取 @ Joy’s Card


囍帖貼紙：


 


已買


觀禮邀請咭：


 


已完成


餅咭：


 


(1)    西餅 – 美心（已買）


(2)    唐餅 – 奇華（已買）


主花車：


 


白色古董車 MG


28座及60座：


 


(1)   28 座 – 生記


(2)   60 座 – 寰宇


Wedding Logo：


 


已完成


Wedding Theme：


 


紫 + 白


婚前檢查：


 


毅力醫護，已取報告


蜜月旅行地點：


 


已買 package，15/12 出發


 


 


服飾類


裙褂：


 


中五福 @ 永隆繡莊


婚紗：


 


一套 @ 法國婚紗（已 firm 款）


晚裝：


 


三套 @ 法國婚紗（已 firm 款）


男裝裇衫：


 


已買兩件


男裝禮服：


 


兩套 @ 法國婚紗（已 firm 款）


伴郎西裝：


 


一套 @ 元朗雅麗（未 firm 款）


伴娘裙：


 


一套 @ 元朗雅麗（已 hold 款）


兄弟呔：


 


未買


姊妹裙：


 


已 hold @ Plovee（已取，未 fitting）


新睡衣：


 


(1)    新郎 – 奶奶負責


(2)    新娘 – 已買


Girdle／束褲：


 


已買


男家衫：


 


(1)    老爺 – 已買


(2)    奶奶 @ 元朗雅麗（已 hold 款）


(3)    兩個細佬 – 自己搞掂


女家衫：


 


(1)    爸爸 – 已買


(2)    媽咪 @ 元朗雅麗（已 hold 款）


(3)    細佬 – 已買


褂鞋：


 


已買


婚紗鞋：


 


已買


晚裝鞋：


 


已買


新郎黑鞋：


 


已買


新郎白鞋：


 


不需要


首飾：


 


由法國婚紗及化妝師提供


金器：


 


已買


頭紗／手套：


 


由法國婚紗提供


 


 


 


儀式用品類


過大禮用品：


 


已買齊


上頭用品：


 


男、女裝已買


男女家對聯：


 


已買


敬茶茶具：


 


已買


利是封、囍字貼：


 


已買


龍鳳被：


 


已買 @ Casablanca


紅傘：


 


已買


開門利是：


 


已決定


請帖回禮禮是：


 


已「唱」散紙


花車佈置：


 


(1)   主花車 – 朋友借出，未取


(2)   28 座 – 已買


結婚公仔：


 


Snoopy，已買


蓮子、紅棗、湯丸：


 


已買


囍字Cushion：


 


已買


回門乳豬：


 


由酒樓提供及自購太興乳豬卷（已買）


封利是：


 


已完成


接新娘遊戲：


 


只落實了 20%


即日午膳：


 


無，由緣美傳說 cocktail 代替


 


 


 


註冊及晚宴項目類


場地佈置：


 


(1)    註冊 – 由緣美傳說提供


(2)    晚宴 – 由酒樓提供加少少 DIY


婚宴音樂：


 


(1)    註冊 – 由緣美傳說提供


(2)    晚宴 – 已 confirm


嘉賓題名冊：


 


(1)    註冊 – 法國婚紗


(2)    晚宴 – 美麗佳人


戒指枕：


 


由 PN 贈送 + 少少 DIY，未做


羽毛筆：


 


由緣美傳說提供


結婚證書套：


 


未來弟婦送，已收到


婚宴司儀：


 


欣欣 & 阿豪（both confirmed）


結婚蛋糕：


 


有心水 @ 美心，未訂


成長片段：


 


海洋專業制作中


婚紗相 video：


 


努力中，已完成 30%


菜單及圍數：


 


未決定


檯號牌：


 


DIY，努力中，未完成


Menu牌：


 


DIY，努力中，未完成


Welcome board：


 


已有初稿，未印


簽名筆：


 


DIY，未做


易拉架：


 


由海洋專業送出，未 confirm


香檳杯：


 


已買


回禮小禮物：


 


有心水，已落訂，未收貨


四大長老感謝禮物：


 


無


酒類飲品：


 


由酒樓提供及自備（已買）


啤牌、瓜子、糖果：


 


由酒樓提供


賓客邀請名單：


 


有初稿，不停修改中


賓客坐位表：


 


有初稿，不停修改中


全日流程：


 


有初稿，不停修改中


工作人員 task list：


 


已完成


用品 packing list：


 


有初稿，不停增加中


張貼者： 於 沒有留言:
標籤：
訂閱： 文章 (Atom)