越接近婚期，有好多手作仔都要開始構思啦，今次先做 Welcome Board！
其實上網都搵到好多 Welcome Board Sample 可以參考，不過點樣擺出嚟對我嚟講係一個問題。由於我冇搵佈置公司，所以材料方面就要自己落手。有朋友叫我整大個 d，即係好似油畫或 Foam Board 嗰 d 咁，原本都有考慮過，不過最終都決定做返細細個，好似相架嗰 d size 就算。因為我已經有 3 幅油畫 + 1 幅 50" 易拉架海報，再放埋咁大個 weclome board 的話，我驚塞實晒酒樓個門口，而且整咁大幅，第時收藏都係一個問題！
決定咗 size 當然就要向材料入手。我諗住做 B5 size，然後用個迷你油畫架托住擺喺 reception table。所以就走咗去 Jusco $10 店睇吓有冇筍嘢執，搵搵吓，發覺原來都買到嘢喎，而且成本好平，買齊都應該 $50 左右。不過 budget 嘅嘢當然係豐儉由人啦。
一個 welcome board 大致都係分開兩部份，一 part 係相架，另一 part 係個 stand！
相架方面，喺香港買真係好貴，所以諗住喺 $10 店隨便買個見得人嘅就算，第時用唔著都唔肉赤，而且相架都未必用唔著吖。我去嗰間 $10 就有好多相架，款式都幾齊，又有唔同 size 任揀，冇記錯好似係 $10 一個。
至於 stand，其實 Jusco $10 店都有好幾款。最大路當然係呢類迷你油畫架啦，$20 一個，已經可以承托到 A4 / B5 size 嘅相架，幾 OK 架！
如果 閣下個 welcome board 係大 size d 嘅，就可以考慮呢款。左邊嗰款大上面嗰款唔係太多，同樣賣 $20。右邊嗰款白色架就明顯大 d，所以價錢都貴 d，賣 $60。
如果想要靚 d 嘅 stand，佢哋都有呢款，不過我已經偷偷地拆出嚟試過，其實係企唔穩架！要買的話真係要諗真 d！
其實擺出嚟就係咁嘅樣～
最後..... 其實我乜都冇買到，我只係想望吓材料齊唔齊及影相，等我呢幾個星期喺屋企鑽研吓用咩主題整個 welcome board 先再去買材料，有打算整 welcome board 嘅網友可以去 Jusco $10 店望望呀！
JUSCO 的10蚊店,好多野睇呀!
回覆刪除[版主回覆09/15/2009 15:55:00]係呀, 原來嗰度都有好多筍嘢執架!
我都諗住自己整呀...細細張放係RECEPTION 位就啱啦
回覆刪除[版主回覆09/15/2009 15:56:00]係呀, 自己整可以鐘意點設計就點設計, 細細張仲好, 太大張第時都唔知點收藏!
嘩...唔該晒你既分享..好有用呀!!!
回覆刪除[版主回覆09/15/2009 15:56:00]唔洗客氣! 自己 diy 可以為所慾為吖嘛, ^^
哈~~ welcome board 都 DIY真係勁呀！
回覆刪除我果陣都冇諗過，放係reception 枱一定好靚啊！
[版主回覆09/15/2009 15:56:00]我唔想搵出面 d 人做呀, 嗰 d 做親一定勁大張~
我想用這個做SEATING PLAN BOARD, 等我揾日放工去SEE SEE 夠唔夠大先
回覆刪除[版主回覆09/16/2009 11:31:00]查實我都有諗過用埋 seating plan 架, 你去睇下, 應該有得賣!
thanks for sharing..我都好鍾意去$10店 :)
回覆刪除[版主回覆09/16/2009 11:32:00]係呀, 因為有時都有好多又平又啱用嘅嘢買到!
WAH! 好好既分享ar!!! ^__^ 慳返唔少!!
回覆刪除[版主回覆09/16/2009 11:32:00]多謝! 都係突然靈機一觸!
"不過我已經偷偷地拆出嚟試過"
回覆刪除唔怪得我行街買野… 成日都見有d 包裝硬係俾人拆開過…
估唔到阿嫂都係個d XX 既一份子… too bad
[版主回覆09/16/2009 11:32:00]係啦, 我真係要改下先得!
睇黎你都會整咁喎, 好想快D睇你既作品!
回覆刪除[版主回覆09/16/2009 11:33:00]呢個項目出奇地由歐陽全權負責, 前排仲比咗個稿我睇啦!
加油丫~好期待你整起左個樣丫,嘻嘻,到時有埋個logo會更靚~
回覆刪除[版主回覆09/19/2009 13:07:00]其實已經有初稿啦, 爆晒冷係歐陽生負責囉~