擬結婚通知書 @ 緣美傳說

2009 年 9 月 12 日（星期六）

終於都收到緣美傳說電話約我上去做擬結婚通知書。本來個期最快要排到 9 月 26 日，但係我覺得好似遲咗 d，於是 Zita 就幫我提早到上個星期六做，呢日仲係我同男朋友拍拖 9 年半，呢日做擬結婚通知書好似特別有意義！

起初仲以為單對單咁見律師，但係原來完全唔係嗰回事。只係呢日有人結婚，咁既然個律師一場嚟到，就順便幫好多對準新人集體簽字...... 不過緣美傳說咁做係可以明白嘅，真係單對單的話個律師都好唔得閒！

隔離個白玫瑰禮堂有人結婚，所以咁多對等做通知書嘅準新人都喺呢個禮堂等。

其實等嘅時候都幾無聊～ 隔離禮堂對新人未 ready，律師就走過嚟做兩 pairs，之後就走咗過去啦！大概 15 mins 之後先再返嚟呢邊繼續做通知書，無聊就影下相啦！

律師返到過嚟呢邊之後第一 pair 就到我哋，就係佢幫我哋做通知書架啦！不過佢又唔係當日幫我哋主持婚禮嗰位律師喎！

Zita 幫我 check 咗期，原來 1121 嘅律師叫 Jacky Wong，comments 都唔錯喎，咁就好啦！

做通知書時，其實都只係對一對大家嘅資料，show 埋自己張 ID card 比律師再對一次，冇問題就簽個名，咁就搞掂！完全冇好似其他 blog 友咁要宣誓！我問過律師點解唔洗讀吓字宣個誓，佢話唔洗，簽咗名就係架囉喎～ 嘿，是但啦，總之結到婚就得啦！