2009 年 6 月 19 日（星期五）
早排我都講過太興做緊 promotion，買 20 張乳豬券就有 85 折，原來今次真係好抵，因為原價係要買滿 50 張先有 9 折架！
不過太興真係好麻煩，一定要十張十張咁買，我幾經辛苦先搵到 4 個 bloggers 夾份買，好在平時去食茶餐都可以當 cash 咁用，各位 blog 友先肯買多少少夾到齊頭。
40 張乳豬券...... 佢好似一張餅咭咁有齊信封，咁就可以四四正正咁送比親戚啦！
太興都算細心，有埋分店地址可以方便親戚自己去換豬食，而正面都好靚靚咁有個囍字。
有效期至 2011 年 12 月 31 日，夠晒時間比親戚換啦！起初我打電話問太興，佢哋又話有效期得兩年，仲要由購買日起計，我仲以為到我結婚時得返半年，原來唔係...
咦，又幾好樣喎！不過我o地女家好親o既親戚真係唔多，所以無諗住買...
回覆刪除[版主回覆07/07/2009 13:48:00]係呀, 估唔到佢哋又幾照顧周到呀! 仲有埋分店地址, 呢樣有少少 out of expectation!
整得幾靚喎！如果可以當現金用，話咁快就用o西，最衰我屋企無太興，唔係買返d當cash用都得！
回覆刪除[版主回覆07/08/2009 11:13:00]係啦....我屋企附近都冇太興, 不過我都有辦法用晒佢嘅, 嘻~
我都有買到啊!!
回覆刪除[版主回覆07/08/2009 11:14:00]醒目女!
吾知係我結婚前有冇下次呢... ...我要多加留意......
回覆刪除[版主回覆07/08/2009 11:15:00]係呀, 要多加留意! 得閒可以去 esdlife 餅咭嗰邊 8 吓, 有消息都會有 jm 講架!
我都有買~ 不過佢地都無地址同信封俾我~ 可能我個樣太似自用啦~ 唔似結婚用來派, 哈哈
回覆刪除[版主回覆07/09/2009 12:19:00]haha...唔會啩, 點會買 20 張自用...你記得問佢拎返, 冇信封點派比人喎~
結婚要派乳豬券ga?
回覆刪除[版主回覆07/09/2009 12:19:00]係呀, 我當回門乳豬咁派, 因為我女家親戚多, 酒樓嗰隻豬唔夠分呀!
梗係啦..等咗佢咁耐...終於有85折喎..仲唔買..都唔知幾時先再有啦
回覆刪除[版主回覆07/09/2009 12:19:00]係呀, 所以都搵齊 bloggers 一齊夾份買, 勿失良機, haha
Janet : 你可以去問佢哋攞番架...
回覆刪除[版主回覆07/09/2009 12:20:00]係啦, 我都叫佢去攞返!