2009 年 7 月 11 日（星期六）
其實呢日除咗去睇《殺人犯》及喺 Times Square 放血外，仲有一個任務，就係去 site visit 我嘅擺酒場地 --- 利舞台廣場麒麟閣。
喺 esdlife 收到風，話麒麟閣近排換咗新佈置，早於六月中已經想去 site visit，不過當時酒樓話仲整緊，叫我七月頭先上去。踏入七月，已經問定佢哋邊日有人擺婚宴，因為想乘機睇吓 set 場後個 look！知道日期後，就搵埋同我同一地方擺酒嘅 blog 友小高一齊上去。酒樓經理千叮萬囑我哋三點半左右就要上去，咁先可以睇到新娘房！
電梯大堂大門口：
席前小食及什果賓治供應處
新娘房（的確大咗好多），陳經理仲話有兩張梳化椅未送到，而且下個月會喺房入面安裝一部電視直播大廳嘅情況，聽到呢個消息我同小高都一齊開心到舉起手指公！
新娘房內嘅更衣室（企 3 個人都不成問題）
大廳及 march in 通道
reception table，呢個真係要搞搞佢...
油畫架及 welcome board
backdrop --- 感覺 grand 咗，比較鐘意佢一左一右嘅通花裝飾
麒麟閣有 3 款 backdrop 比我哋揀，當晚可以隨意更換 backdrop，好似拉窗簾布咁拉開就得啦！
小高 + 陳經理
由於酒樓樓底唔算高，所以個台都唔可以造得太高。幸好我當日測試過，假設我著住高踭鞋咁企上去，都仍然可以望到全場，而且都唔會遮住自己個名牌。
用嚟放婚紗相簿嘅枱，唔知呢張圓枱夠唔夠我放呢？
枱花 + 結婚蛋糕
menu 牌...... 呢個就麻麻地啦，睇嚟要自己 DIY 先得！
仲有呢條長樓梯，簡直係利舞台嘅景點之一！結婚當日一定要喺呢條樓梯影多 d 相先得！
最後當然要同靚女小高影返張相啦！
最開心莫過於酒樓嘅佈置竟然用咗紫 + 白，同我初時 plan 嘅 theme color 不謀而合，好嘢，天助我也..... hohoho！
現在個場真係好好wor, good!
回覆刪除[版主回覆07/18/2009 11:13:00]個場越嚟越好, 我都幾滿意!
個新娘房非常good啦, 我酒店果度鬼咁細, 不過細都有細好處... 唔洗d閒雜人等躝入去霸位, arhahahaaaa......
回覆刪除咁你另外找佈置公司ga ma?
[版主回覆07/18/2009 11:22:00]係啦, 最可取都係個新娘房夠大, 擺晒所有嘢入去都得, hahahaa!
唔會啦, 我唔搵佈置公司啦!
新娘房真係...幾大幾唔錯wo~~到時可以係入邊...點舞都得la~~~wakakakk
回覆刪除[版主回覆07/18/2009 11:22:00]係呀, 個新娘房大咗好多, 到時都唔會咁迫夾啦!
真係好good wor^^
回覆刪除[版主回覆07/18/2009 11:22:00]thanks ar!
新娘房較左喎！
回覆刪除張圓枱緊係唔夠你擺相簿啦！另外你唸唔唸住擺8r/12r相架相出嚟呀？我唸起要擺咁多野就辛苦啦！
[版主回覆07/18/2009 11:23:00]haha....我都咁諗, 相架我會擺啦, 實行乜叉都擺晒出嚟, 所以我都驚嗰張枱唔夠我擺, haha~
好靚喎~
回覆刪除[版主回覆07/18/2009 11:23:00]thanks!
個台真係靚過之呀!! 做咩歐陽生好似唔開心咁?
回覆刪除[版主回覆07/18/2009 11:24:00]backdrop 個牌都有改過呀, 同之前唔同晒!
係咩? 其實佢嗰日冇乜嘢架...
好靚呀! 佢個人名牌好特別呀.... 羨慕中~
回覆刪除[版主回覆07/18/2009 11:24:00]hehee.... 唔洗羡慕, 遲 d 又輪到我羡慕其他人架啫, haha~
有電視直播真係無得頂呀~
回覆刪除[版主回覆07/18/2009 11:24:00]係喎, 我都估唔到佢哋會有個咁嘅安排, good!
好靚呀！ 個新娘房真係好正！
回覆刪除[版主回覆07/18/2009 11:25:00]係呀, 嗰陣簡直興奮過睇示範單位呀!
麒麟閣裝修完的確靚咗噃
回覆刪除最開心係他們咁啱用紫色同白色囉,哈哈
[版主回覆07/18/2009 11:25:00]冇錯冇錯, 最開心都係竟然同我啱 color tone!
放相個張枱真係好似細左d 喎~但個backdrop 真係好靚~
回覆刪除[版主回覆07/18/2009 11:26:00]heheee.....我都咁諗, 或者到時放 d 相架喺 reception, 擺晒 d 相簿去張圓枱啦~
我係你地樓下利寶閣擺, 好多佈置都差唔多, 不過我都未去睇呀, 搵日都要去睇下先
回覆刪除不過我好鍾意個新娘房呀. 唔知我果度係咪咁架呢 ?
[版主回覆07/19/2009 16:30:00]咦, 咁啱嘅, 原來你都係喺利舞台擺酒!
我估個間隔應該差唔多架, 所以你都唔洗太擔心!
紫色加白色真係好靚...我都好鍾意, 因為係紫色就乜都好!!
回覆刪除[版主回覆07/19/2009 16:31:00]係呀, 真係估唔到呢樣嘢同酒樓夾到咁啱, 我估我今次係死好命!
我琴晚去完麒麟閣飲，係張相簿枱比較細，其他基本ｄｅｃｏｒａｔｉｏｎ已經好好，唔加野都足夠！同埋紫色ｂａｃｋｄｒｏｐ真係好靚囉！
回覆刪除[版主回覆07/19/2009 16:31:00]係呀? 多謝你嘅情報呀! 我都覺得相簿枱細咗 d, 所以都擔心唔夠我擺, haha!
最開心係新娘房裝修左真係舒服好多呀~之前係用布簾架咋~我都畀10個good呀~
回覆刪除呵呵~另外一樣係佢地個backdrop整得愈來愈靚~嘿~開心[屎]你呢~
同埋我發現你同小高都係愈來愈靚~嘻嘻~
[版主回覆07/19/2009 16:33:00]嘩, 唔係啩~ 我邊樹係越嚟越靚呀.... 越嚟越肥就有我份~
好開心呀, 希望到時擺酒順順利利啦!
沒想到麒麟閣變得咁好，真係好開心！最中意係個台，不過塊名牌就麻麻地喜歡...但大部份都咁好，就算啦！haha...
回覆刪除[版主回覆07/20/2009 10:40:00]係呀, 我都冇諗過會變得咁令人滿意! 不過最麻煩係個 reception table, 睇嚟真係要比心機搞搞佢!
個新backdrop 好靚呀!!!
回覆刪除[版主回覆07/20/2009 10:40:00]我最鐘意就係佢兩邊嗰 d 通花 pattern, 唔錯呀!
我同你一樣. 最欣賞台兩邊個通花. 好潮! 正~
回覆刪除[版主回覆07/21/2009 11:17:00]係喎, 估唔到會發生喺呢間酒樓身上 ^^
個backdrop 整左真係靚好多呀 , 仲要係你喜歡嘅紫白色喎 , 好戥你開心呀....
回覆刪除[版主回覆07/22/2009 11:20:00]係呀, 真係夾都冇咁橋呀.... 竟然係紫加白.....好開心!
Jenny
回覆刪除你好呀!! 我都係book 左麒麟閣呀!! 想問下你大約會開幾多圍??
[版主回覆10/13/2009 10:40:00]你好呀!
我宜家 hold 咗 25 圍地方, 我估計 bd 當日七除八扣之後, 應該開到 22-23 圍啩?
我都係預計20-23圍, 但唔知避唔到d柱位呢...
回覆刪除[版主回覆10/14/2009 17:03:00]20-23 可以架, 我當初都係 hold 咗 20 圍地方, 陳經理都話可以避到柱位!