婚前焦慮症之 --- 終於輪到我

2009 年 7 月 11 日（星期六）

婚前焦慮症...... 終於都發生喺我身上，我喺婚前 4 個幾月先出現徵狀，係咪已經算比面我？因為我見有 d 嚴重嘅朋友，喺婚前大半年開始已經出現啦！

最普篇嘅徵狀當然係發惡夢啦！仲要係發到自己紮醒咗，有少少流汗，仲要嚇親身邊嗰個，醒咗之後仲攰過未訓之前，到打 blog 呢一刻我都仍然好眼訓！

－　d 婚紗晚妝禮服夜晚 7:30 左右先拎到上酒樓

－　因為自己減唔切肥，加上又心急，著婚紗時搞到胸口嗰度爆咗線，又冇帶針　　線包（結婚著唔到婚紗？唔係呀化？）

－　nu bra 爛咗，當晚又冇帶 girdle

－　全晚班兄弟唔知做咩圍埋一齊吹水、玩都冇幫手

－　個花球從來冇出現過

－　酒樓根本唔係酒樓，只係比咗幾個房我，仲要全白色好似病房嘅房，唔知點 　　march in

－　我阿媽著住街坊裝冇 set 頭喺嗰間所謂嘅「酒樓」出現，仲猛嗌肚餓，催我　　開席，仲話餓到頂唔住，自己去煮個公仔麵食（吓？）

－　最終夜晚 11:xx 先開席

個夢有咁荒謬得咁荒謬......

其實一向以嚟我都覺得自己承受嘅壓力不算太大，男女家都比好多自由我哋，而且可能因為我較早就開始籌備，樣樣嘢都好似好 smooth，忽然間就有呢個情況發生，相信都係因為近排我日日都要對住嘅 "rundown" 令我出事啦！而且早幾日同我個化妝師溝通過後，發覺個 rundown 要大改，好很煩！

第二件事就係 budget，結婚擺酒個數目真係唔少，而且近排我父母話要加多 5 圍，由原本預計擺 20 圍增加至 25 圍，加上對於 honeymoon 一事又要嚴守 budget，種種原因令我百上加斤。慳錢真係好辛苦呀！

歐陽生，我同你講呀，婚後我 shopping 洗錢時你唔准阻止我呀！