Snoopy 結婚公仔 - 拎咗啦

大大話話都影咗兩輯婚紗相，下星期仲會影埋第 3 輯，我對 Snoopy 公仔出現過幾次，都未有時間介紹吓佢哋添！好啦，就趁住今日就帶佢哋出嚟 social 啦！

以下係一段超白痴嘅對話

～．～．～．～．～．～．～．～．～．～．～．～．～

司儀：「有請一對新人進場。」

[背景音樂：結婚進行曲]

司儀：「喂，你哋做咩行到離行離列架？？？煙 un d 啦！」

司儀：「咁先係架嘛！乖啦！」

眾人手指指：「嘩！一對新人好靚仔靚女呀，你睇佢哋幾登對，幾開心！！！」

司儀：「march-in 完啦，錫啖啦！」

眾人：「唓...... 都唔錫嘅，挨埋少少就當係啦？搵笨...... 冇嘢睇！散水啦！」

 

好啦，正經 d 介紹吓佢哋啦！

男仔出場啦！！！

老公：「睇吓我幾咁 gentleman，有條羽毛喺頂帽度架！」

老婆（不屑地）：「超，你發姣之嘛！」

老公：「稍安無躁，你睇我件禮服幾靚，有條鍊，兩邊仲有施華洛世奇水晶架！」

老公：「入面仲有一粒！你靚爆全場之外，我都要扮得型仔 d 襯返你架嘛！」

老婆：「咁又真係幾型仔嘅！好，到我出場啦！今日係我做狗以嚟最靚嘅一日呀！」

「睇吓我個泡泡裙大拖尾，我至鐘意架啦，仲好閃架，不過過鏡後睇得唔清楚！！！」

「你睇吓我個頭飾，係咪好高貴呢？你有條鍊，我都有架，不過我擺喺頭上面之嘛，我都係施華洛世奇水晶嚟架！」

「仲有一個好長好長嘅頭紗，我知你最鐘意我戴長頭紗架！我特登做咗呢個頭紗嫁比你！」

老婆：「仲有我手上呢個花球呀，係你同我一齊揀架！你記唔記得呀？」

老公：「我當然記得啦！同你一齊嘅每一分每一秒都記得呀！」

眾人：「嘔死呀...... 唔好晒命呀唔該！！！」