頭花 @ 法國婚紗

下個再下個星期一就要去法國婚紗影埋第三輯婚紗相。

記得初初去揀衫時個 sales 問我要唔要加 HK$180 買鮮花頭花，我 reject 咗。呢排喺屋企做準備功夫（即係研究吓邊件婚紗襯咩髮型）時，發覺大部份嘅園景相都會加頭花，反而影室內時先用頭飾。雖則我有 3 個造型，不過都已經知道當日大概係會點安排 d 衫...

園景 --- 婚紗 (1)

indoor --- 婚紗 (2) + 晚裝

而且我都上過法國婚紗個網頁睇吓 d 明星係點 set 頭，發覺影園景的話用花真係靚好多架！

～．～．～．～．～ 園景篇 ～．～．～．～．～

～．～．～．～．～ 室內篇 ～．～．～．～．～

好明顯園林景用花的話真係靚好多，頭飾就留返喺 indoor 先用啦。

由於當日我影相時間係 12:00，應該趕得切去花墟買少少頭花，所以我決定咗啦，嗰朝早先去花墟買花先，聽人講仲話買一紮都只係 $30 左右，相比起法國開價 $180，真係平咗好鬼多。

不過，我都唔知買咩花好，又唔知係咪就咁講話買頭花，咁花店 d 人就識得幫我執，暫時我只知道有好多網友都話 ivy 葉係必買，因為襯喺頭真係好靚喎！不過我諗我會朝住「粉色」嘅方向去買......