2008 年 10 月 6 日（星期一）
今日上咗去美麗佳人睇第一次執相！入到去見到有 2 pairs 新人 check 緊相，嘩，嗰幅 24x30 油畫實在太巨型，到時我都唔知點樣由尖沙咀拎返入元朗，除咗油畫之外仲有幾本相簿，幾個相架...... 睇嚟到時要幫襯吓大象、雞記等等。另外有一 pair 人佢哋揀咗幅大頭相做油畫，原來當見到個人頭被放到咁大時，都有 d 嚇人架喎，所以都係揀返 d 細少少嘅相做油畫會舒服 d（純粹個人意見）。
開始睇執相時其實都唔知 designer 同我執咗 d 咩？後來問返阿 Mag，佢話主要係幫我哋執咗眼肚，笑紋，如果有 d 肉係比較明顯的話就執埋佢，即係好似呢張咁：
佢哋同我執咗格肋底嗰兩舊肉仔，可惜執完之後覺得太假，所以男朋友唔收貨，叫美麗佳人執得自然少少。
除此之外，其實都冇乜特別嘢。主要都係執返 d 牙白淨 d，包包面的話就執瘦 d。不過我叫美麗佳人幫我喺晒做油畫嗰幅相執走粒墨......
講真，其實粒墨唔係好覺眼，而且脫咗墨就唔係我，不過我又唔想晒大咗之後見到自己粒墨篤眼篤鼻，所以都想執走咗佢先。
仲有呢張......
本來想同自己瘦 pat，可惜阿 Mag 話呢張因為個背景問題瘦唔到，唉，做咗巨躉添！其實我都知未必可以瘦 pat，因為個背景 d 竹棚實在排得太整齊，如果一郁個 pat 的話，後面 d 竹棚就會穿崩...... Oh，咁算啦！
除咗呢 d 之外大致上全部都 ok，而且當晚同美麗佳人 d staff 都幾好傾，我想改 5x7 嘅相佢又比我改，原本用咗呢張做 5x7
但係諗諗吓覺得好似得我一個人開心咁，男朋友又唔係望鏡頭，所以心思思改咗用呢張
好好彩地美麗佳人又比我改，所以都好滿意！然後男朋友又唔要山明水秀嗰張，轉咗用呢張做第二張 5x7
佢話佢好鐘意呢張喎～
so far 我都仲好滿意美麗佳人嘅服務，希望可以 keep 住落去啦！
宜家再等美麗佳人電話睇第二次執相，由於要再執嘅數量唔多，應該可以好快搞掂！期待收相呀～
24x30 油畫 真係要睇過實物先知又幾大 不過CALL車都好過拎咁重同辛苦嘛！收相真係好期待架！~ ~
回覆刪除[版主回覆10/09/2008 12:22:00]24x30 再加埋個油畫框都有半個人咁高架, 所以拎相之前最好要 book 定車, 不過要睇睇一向自認力量型嘅男朋友意見先, 話唔定佢可以自己抬返元朗, haha~
睇左你的分享都替你們安心，應該無問題架啦！放心吧！
回覆刪除[版主回覆10/09/2008 12:50:00]我諗應該都冇問題嘅!
第一幅執得真係有d怪~ 快d叫佢執靚d!!
回覆刪除[版主回覆10/10/2008 10:47:00]我叫咗啦, 所以 d 相暫時仲未 ok, 要再等睇第二次執相呀!
d相好正喎,用左邊張做油畫呀?
回覆刪除[版主回覆10/10/2008 15:26:00]用咗海灘景 (即第二張) 做油畫
紅色果條裙好靚吖
回覆刪除[版主回覆10/11/2008 12:14:00]原本都對呢條裙麻麻地, 不過試上身之後好似越著越鐘意咁
d加拿大真係唔易執, 我而家都係攪梗執相, 大量加拿大要修
回覆刪除我d鬼祟肉實在太肆虐, 只好讓佢地盡力執得幾多得幾多
[版主回覆10/13/2008 10:50:00]係啦, 最弊就係要執得自然先難!