2008 年 10 月 24 日（星期五）（續）
因偷拍關係，以下相片會繼續比較矇查查，敬請原諒。
今次睇嘅係我第二套衫：藍色晚裝 + 藍色頭飾
拍攝景點：法國婚紗 studio 景
溫馨提示：相片中人乃豬扒一件，為閣下著想，如有不適，請立即終止觀看。
呢張我見到即 out...... 都係嗰句，忍唔住有條茂利喺度發姣囉！
呢張個背景平平無奇，如果冇記錯好似都 out 咗，況且我手頭上有好多呢 d 角度！
呢度先讚一讚攝影師阿 June，我帶咗以下呢張相比佢做 reference，叫佢同我影張差唔多 mood 嘅出嚟，佢又真係交到功課比我喎！Thanks June！
Reference photo --- 注意：相中人唔係我嚟架！！！
呢個先係我嚟架！超鐘意啦，完全影到我要求嘅嘢，試問呢張又點可以放過呢？我仲晒大咗做 10x12 添呀！
其實喺我著呢件衫影相時，攝影師阿 June 有好幾個 pose 都要我摺高條裙影我對豬腿...... 我實在唔明點解要咁做，唯一解釋就係......... 可能當時阿 June 太肚餓，見到一對咁有肉地嘅豬腿時想影低留念！
大家有冇見到豬右脾嘅小腿被圈起？因為我要求執瘦佢！！！！！！！點解我要執？因為男朋友揀咗呢張相呀，我初時仲諗住 out 添...... oh my god！
你想點呀？又扮 cute！！！所以呢張好似都係 out 咗。
好好地咁坐喺度咪好囉...... 呢張唔記得有冇要到 lu！
一見到呢張相，男朋友就問我：「你幾時影咗張裸照架？點解好似冇著衫咁嘅？」為免令到呢輯相涉及色情成份，呢張我係 out 咗嘅 ～
呢張係我最鐘意嘅相片之一，一人坐一邊，有 d 「幾米 --- 向左走向右走」嘅 feel，加上張相嘅四周其實做咗少少色 tune，所以我好快就抽起咗呢張，然後同男朋友講：「呢張我一定要！」不過我啱啱望真 d 先發現，男朋友個 pose 好似人哋搭巴士訓著咗咁囉，-_-"
呢張...... 好似有要又好似冇要，因為有好多同類型嘅 pose，都唔係記得太清楚！
晚裝偷影部份暫告一段落，待續......
你D相好正呀，好有feel，我好肯定我個 cam man 無同我影呢D 相，佢影埋D o野好 standard o架，好似交功課咁！我估到我揀相o個陣一定完全無驚喜！ 你著呢件 EG 好靚呀！加錢都值得！
回覆刪除[版主回覆10/27/2008 17:21:00]咁快打定輸數? 話唔定都 ok 呢! 其實 standard pose 就無可避免, 不過 standard 得嚟唔該要有 d heart 囉!
呢輯幾靚喎? 又out咁多又係好sig............
回覆刪除[版主回覆10/27/2008 17:23:00]哎吔....其實呢輯有好多都 out 唔落手架, 個 sales 每拎一疊相出嚟比我揀時, 我先會望晒全部相一次, 揀咗自己必定會要嗰 d, 然後就留返 out 相呢個重任比歐陽, 有時佢 out 咗 d 自己有少少鐘意嗰 d 都好心痛架!
你好勁!! 偷影到咁多, 冇人看住你o既咩??
回覆刪除[版主回覆10/27/2008 17:23:00]我都係趁個 sales 走開時先偷影, 我數過佢走開咗 5 次呀, 所以咪搏命影囉!
d 相好多都ok wo，對自己有信心先得架...
回覆刪除[版主回覆10/28/2008 10:26:00]Thanks! 有時 d 相 ok 都係因為個攝影師有料到, 並唔係相中人 ok 嘛......^^
d相都影得唔錯呀~~你都唔肥,更加唔可以稱得上肥腿啦~~
回覆刪除[版主回覆10/28/2008 10:27:00]都唔係架, 嗰舊肉仔減又減唔到, 唯有叫法國同我執走佢囉 ~
EG 個造型 都好好睇呀！但OUT相時真係要好狠心先得. . . 影得好唔要真係唔捨得架！~呢個任務好艱鉅~
回覆刪除[版主回覆10/28/2008 10:28:00]嘩, 超級認同呀, 有時真係唔知點 out 好, 所以呢 d 任務通常都留返比男朋友, 第時怨都有得怨佢吖嘛, 哈哈!
=> 又會俾佢諗到用裸照形容，唔講唔覺. . .講開就有少少啦！ (haha~lowcut 嘛!)
回覆刪除[版主回覆10/28/2008 10:28:00]hey....佢咸濕吖嘛, wakakakaka
好羨慕~~
回覆刪除我都瘦到好多 ~ 得閒交流下 la~
http://hk.myblog.yahoo.com/iamchloeng/article?new=1&mid=1832
[版主回覆10/28/2008 10:29:00]我再瘦少少就夠啦, 否則男朋友唔要我, 扔我去埃塞俄比亞架啦!
呢輯仲影得靚，真係好好，影得好靚呀，鐘意你著晚裝多d hee...
回覆刪除[版主回覆10/28/2008 10:31:00]係呀, 真係估唔到呢輯做到我嘅要求, 自己都覺得佢哋影得唔錯呀!
一人一邊o個張好好FEEL呀!! 聽你講完你男友又真係好似o係巴士訓覺! 哈哈哈哈!!!
回覆刪除[版主回覆10/28/2008 10:33:00]哈哈, 係呀, 嗰張做埋 tune 色真係唔錯架, 不過望真 d.......
唉, 幾時都話男友唔識擺 pose 囉!
嘩! 你個身材真係好鬼正，好平均呀！ 羡慕死！
回覆刪除你隻腳仲叫「豬腿」，如果豬腿好似你咁瘦就無人買啦！
你件eg真係幾靚呀, 尤其是上面好鐘意。我覺得深色eg好似襯個景多d喎，死啦！我簡左桃紅色呀，好似唔係好襯喎！
[版主回覆10/28/2008 11:56:00]唔係啩??? 我身材麻麻地架咋! 應大嘅又唔大, 應細嘅又唔細...
我試衫時都揀唔到邊件 eg 好, 其實揀呢隻色都係個試衫 sales suggest 架, 佢話深藍色襯佢哋個 studio 景喎, 所以我都係聽佢講咋, 幸好佢冇老點我, 哈 ~
今日本來好忙,要趕番娘家幫阿媽做d野, 不過好想睇埋你d相先走 好彩都無失望,尤其是件晚裝~ 我好鍾意呢件衫既,你知既~如果我當日結婚時見到呢件,我都會租黎著~ 我反而覺得你個張所謂"裸照"無咩野,反而執脾脾個張有d"個d feel~~~" 你男友曳曳啦,揀呢張~ wakakaka~
回覆刪除[版主回覆10/29/2008 10:37:00]嘩, 多謝你咁支持我喎 ~ 果然係我忠實 fans! 哈哈!
嗰件晚裝起初我 confirm 時唔算好鐘意架, 應該係話冇乜驚喜 ~ 仲冇衝動 hold 添! 不過 sales & bf 都話我呢件著得最好睇, 加上 sales 又話呢件晚裝襯佢哋 d studio 景, 喺無所謂嘅情況底下我先 hold 咗, 估唔到宜家影出嚟個效果又咁好喎!
其實我都覺得嗰張疑照裸照冇乜嘢, 梗係某 d 人個心本身存有歪念, 所以一見到就覺得係裸照啦!
冇錯冇錯, 扯高條裙嗰張我覺得有 d 格格不入, 好地地一條長裙唔知點解要 "拿" 高佢....不過算啦, 難得 bf 鐘意 (佢成日都表現得好平靜), 咁就由佢買囉 ~
嘩, 你偷影到咁多既....
回覆刪除[版主回覆10/30/2008 16:13:00]因為個 sales 成日騰嚟騰去, 我咪有機可乘囉 ~
嘩..你好勁呀...偷影左咁多..我都諗住偷影架.....我岩岩上星期影架...好期待快D睇相呀...
回覆刪除[版主回覆10/31/2008 12:48:00]咁你約咗幾時睇相呀？如果一有機會好即刻偷影呀，仲要主力偷影一 d 你 out 咗嘅相，咁先有用架！
套晚裝好靚呀
回覆刪除[版主回覆10/31/2008 17:00:00]多謝, 我宜家睇返先知原來好多人揀呢件晚裝架!
其實真係好多張相都OK喎....點解唔要呀...
回覆刪除(話時話,我係幸煩呀^^)
[版主回覆10/31/2008 17:01:00]哦.....原來你係幸煩!!!! 歡迎呀!
唉, "筆直" 有限吖, 所以唯有忍痛割愛! 無法子啦, 我又落唔到手, 就交比我男朋友去 out 相, 佢係超忍心嗰隻....
我幾鐘意你呢幾個造型呢﹗ 好sharp﹗好正﹗
回覆刪除[版主回覆11/01/2008 20:50:00]^^, 多謝, 呢個效果的確超出咗預期....
Hiya~ 你d相好靚呀~ 我今個saturday去FB影喇, 都係揀左呢條EG, 開頭都擔心影相唔靚, 而家見到你D咁靚, 放心D喇 ^^
回覆刪除[版主回覆11/03/2008 15:24:00]恭喜晒呀, 你今個星期去影相呀? 奸爸爹呀!
呢條 eg 原來都幾 hit, 我之前見過有幾個 jm 都揀呢條影相呀! 不過你放心啦, fb set d 造型都唔錯架, 你當日好好 enjoy 去影相啦!
hi jenny~你d相影得好靚呀!! d pose 仲好自然~好似model!!!
回覆刪除btw 你既婚期係 1121, 我係 1122呀!! =)
[版主回覆11/04/2008 10:15:00]hello, nice to meet you! 既然大家咁 q, 梗係要 add 你先啦!
傻啦, 我邊樹似 model 吖, 都係 d 攝影師教我咁擺 pose 之嘛!
晚裝相好靚丫,真係out左果d都咁好咁靚
回覆刪除[版主回覆11/04/2008 10:15:00]係呀, 今輯我非常之滿意呀, out 咗嗰 d 其實都考慮咗好耐先 out 架!