2008 年 10 月 24 日（星期五）（續）
經過一晚嘅辛勞，終於 cut 好晒當日偷影 + 明影嘅相辦啦！點解要 cut？因為我偷影時為咗方便，一次過影幾張相，但係為咗大家睇得冇咁辛苦，我就勞煩男朋友幫我裁晒每張相出嚟啦！不過都係嗰句，始終當時作賊心虛，加上每次偷影嘅時間都唔充裕，d 相大部份都影得比較矇，希望大家見諒啦！由於我偷影嘅相片多過 20 張，超過 yahoo! blog 嘅上限，所以分開幾篇出啦！
宜家先睇我第一套衫：a-line 婚紗 + 皇冠
拍攝景點：室內景，如 Bar 景，鋼琴景，梳化景等等
溫馨提示：相中人乃豬扒一件，為閣下著想，如有不適，請立即終止觀看。
呢張相係所有相中最清楚嘅一張！如果無記錯，最頂嗰張好似被我 out 咗，實在頂唔順自己咁含情脈脈......
呢張喺第一 around 時被我 out 咗，但係男朋友好鐘意呢張，仲指明要晒做 2R 銀包相，可憐嘅佢淪為相中嘅大配角。
每 pair 新人都會企喺三角鋼琴前擺嘅 standard pose，不過我由細到大都好鐘意鋼琴，加上琴邊有我嗰對 snoopy 公仔，所以......好似冇 out，我都唔係太記得啦！
呢張又係 standard pose，有影過法國婚紗嘅準新娘都一定有咁影過，不過我又幾 buy 呢個 pose，我覺得好 moody，佢哋仲做埋黑白 effect，開正我嗰瓣，所以最終我都揀咗！
本人嚟講好鐘意呢張，不過男朋友當時話要 out 架，但係我實在唔捨得（我特別鐘意 d 唔望鏡頭／合埋眼嘅 pose），最後喺我威迫利誘下要咗啦！哈！驟眼睇好似大家互不瞅睬，不過其實我同男朋友只係合埋眼，懶係 enjoy 緊 d 陽光咁咋 ～
呢張...... 好似被我 out 咗啦，因為睇真 d，我其實擺咗一個好高難度嘅 pose，條腰屈到 S 型唔似 S 型，有 d 勉強。
呢件衫只係影到咁多，待續......
回覆刪除點解out左第一張呀? 我覺得幾好喎~~~~
仲有, 呢張影得你咁靚, 唔要又好可惜....
[版主回覆10/26/2008 20:30:00]第一張好咩? 但係我睇唔慣自己扮有感情喎~
下面嗰張最終都要咗, 都係男朋友嘅意思啦! 佢仲晒咗做 2R
post出黎呢幾張都幾靚wor~你就好啦,,,笑得咁靚,放升有理,我仲擔心緊唔知點笑好呀!
回覆刪除最尾0個張黑白其實幾靚wor~做咩唔要埋呀!
[版主回覆10/26/2008 20:32:00]其實法國都 ok 嘅, 所以真係學你話齋, 放血有理! 但係你唔洗擔心, 你影之前你個攝影師通常都會同你試鏡, 睇吓你兩個點笑最好睇!
最尾嗰張? 好似真係冇要到架!......唔知呀, 有 d 唔係幾似平時嘅自己囉 ~
放心啦，你點都唔扒得過我~
回覆刪除你已經影得令過我果輯十八萬倍了
[版主回覆10/26/2008 20:32:00]唔好咁講啦 ~
你嗰輯真係好差咩?
你有無試過係朋友
回覆刪除生日 ， 結婚 ， 聖誕節 ， 情人節 ，
諗唔到送乜野禮物??? 入黎睇下，有驚喜
去我個blog睇下
你好衰呀,成日都分幾個post出相, 搞到我次次都到喉唔到肺呀........ 快d出埋d相佢啦!!好心急呀~
回覆刪除[版主回覆10/26/2008 20:32:00]冇辦法啦, 我偷影咗超過 20 張, 所以要斬件呀!
d 相都唔錯wo﹗ d 角度幾好吖﹗
回覆刪除[版主回覆10/26/2008 20:33:00]多謝! 其實好似張張都差唔多, 我男朋友 cut 相 cut 得好狼死架!
out左都可以咁靚，你呢輯相真係抵你out哂budget喇~
回覆刪除快d繼續post喇~~~~
[版主回覆10/26/2008 22:02:00]^^, 多謝, 其實有 d 我都 out 唔落手, 好多都係 bf out 架咋!
法國既相真的不錯..^^你好美哦.
回覆刪除[版主回覆10/27/2008 10:57:00]絕對認同原來法國出品都 ok 的! 但我就唔認同我好美啦! 你最好配返副眼鏡, 哈哈 ~
我同hydi一樣都係覺得第一張靚wor. 我覺得影後你好自然好靚ar!!
回覆刪除而au yeung想要o西做2R o個張都好靚! 我覺得你睇住你老公仔o個d相特別靚, 好自然, 笑得好sweet.
好期待你其他驚喜之照!!
[版主回覆10/27/2008 10:59:00]嘻, 多謝先!
宜家點算喎, 個個都話第一張靚, 但係我已經 out 咗啦!!!
我覺得你"伏"o係琴o個張好靚呀! 個樣好似諗緊你男友咁!嘻嘻!! 我都好鐘意琴ga! 以前屋企有座琴ga! 不過因為冇再學所以阿媽俾左人喇>.<
回覆刪除[版主回覆10/27/2008 11:00:00]係呀係呀, 我對鋼琴都情有獨鐘架, 以前都學過........1年咁大把! 後來因為學咗琴對成績有負面影響, 所以媽咪唔比我學 lu ~
我都覺得你「含情脈脈」嗰張幾靚呀, 仲咩out左佢呀...
回覆刪除同埋你男朋友個配角嗰張, 我覺得好自然喎, 簡得無錯。
[版主回覆10/27/2008 11:01:00]死啦.....又一個 blogger 話嗰張靚添........唔通要叫法國 d staff 幫我喺垃圾筒摷返呢張出嚟???
好在配角嗰張男朋友後尾勾返出嚟話要買, 否則有掉咗落咸水海 ~~~
好得喎，影得唔錯，見你影得咁靚對法國婚紗更有信心！
回覆刪除我想講好耐架...你真係好叻....成日都俾你偷影到！叻！
[版主回覆10/27/2008 11:02:00]^^, 係呀, 未影之前都驚法國好多 standard pose, 不過睇相時又唔覺真係咁差喎, 所以你都快 d book 啦!
偷影嗰方面我同男朋友次次都夾手夾腳影先得咋, 一個睇水, 一個做嘢!!!
d 室內相可以話係賓妹影婚紗相，有幾張係我直頭係黑，仲有d 角度一定冇你果輯咁好，成個扒樣....所以我話你扒極都唔及我~
回覆刪除[版主回覆10/27/2008 17:29:00]真係? 咁講法你個 cam man 好唔掂喎, 重影有理!!!!
嘩，條“蝴蝶夫人”頸鍊又真係一樣咁滯喎，ML同FB真係不愧為姊妹公司喎！
回覆刪除第一張真係幾靚喎，你out咗好可惜呀，不過好在你都偷影咗！
[版主回覆10/27/2008 17:30:00]係呀, 真係估唔到雖然係姊妹公司, 連呢 d 飾物都會一樣喎, 個感覺好得意呀!
死啦, 又有位 blogger 話第一張靚, .....不過佢哋應該扔晒 d 相啦! 好在真係偷影咗啫 ~
點解你地咁醒既??? 可以偷影!!!!!! 好叻呀~~
回覆刪除[版主回覆10/28/2008 10:39:00]因為個 sales 當日行開咗 5 次咁多, 我哋咪拿拿聲郁手囉! 仲有 13 張其實係以借相辦形式咁偷影返嚟架!
偷影到咁多張相好厲害呀！
回覆刪除你話out咗果d 覺得都好靚噃！仲有你既髮型 set 得好好
[版主回覆10/28/2008 10:41:00]^^, 或者因為同個 sales 多嘢傾, 佢好多嘢都當睇唔到啦!
係呀, out 咗嗰 d 有部份自己都覺得靚, 不過奈何真係 budget 問題, 唔可以要太多相啦!
heehee第一張真係靚喎
回覆刪除[版主回覆10/31/2008 16:59:00]真係? 嗰張應該係我唯一一張微笑嘅相 ~ 我張張都露齒笑嘅 ~