自從上次放咗幾個不同嘅 Wedding Logo 出嚟之後，有好多網友同我一樣，都鐘意第一個，所以我就決定以呢一個 logo 作為我同男朋友嘅 Wedding Logo！
加上有好多網友都話加咗 "Wedding" 呢個字之後反而好似花咗 d，所以我又跟手改一改，宜家出嚟呢個完成圖，你哋又點睇呢？
Jenny & Oliver Wedding Logo
可惜......難題又再出現，唔知點解我轉咗 jpg 之後，個 logo 會細咗咁多嘅？但係 png / enf file 就冇事喎........點算？各方高手......你哋又要幫我啦......thanks！ (另外我要多謝 blogger "大蚊" 教我點樣整走個黑色 background，我成功咗啦！）
**********************************************************
上個星期，我終於都順順利利搞掂咗公司一年一度嘅業績報告，嗰份報紙稿已經喺 23 號出咗街，不過接住落嚟就要要做嗰份好似電話簿咁厚嘅年度報告，亦即係 d 股民成日攞住嚟刨嗰本........不過，全年最大單嘅工作已經尚算順利過渡！雖然呢個禮拜日日都由 10:00 a.m. 做到夜晚大概 12:00 - 2:00 a.m.，不過會計部嘅同事 (Mandy) 仲犀利！上年我已經喺公司創下咗 OT 紀錄，做到凌晨 3:00 幾，點知 Mandy 喺今年出業績報告時同班 Auditors 打破咗我紀錄喎......佢哋成班人做到第二朝嘅 6:00 幾，Mandy 第二日返下晝，但班 auditor 好似係鐵人咁，第二朝如常十點幾已經見佢哋返嚟繼續摶命.......眼見佢哋一個二個個樣殘到不得了，仲要係 big four audit firm.......比著我，我會攞幾年經驗就唔做，後生遙遙，為乜事要捱壞自己身子呢？Audit 呢一行真係唔好做，全年都咁鬼忙，日夜癲倒，佢哋就快連阿媽係咩樣都唔記得啦！
***********************************************************
下個星期五就係小女子第二十六年生日.......唉，過多幾年，年齡將會係我嘅 "咪咪"，一切保密.......
唔知當晚會點慶祝呢？男朋友已經請咗假，我下個星期亦會遞假紙，期待中......
另外，就快到 15/5 啦，呢日我就會去 PN 拎對結婚介子，我好想快 d 收到，我一定會成日攞出嚟睇，或者影結婚相時都會帶埋去，到真係埋位影相時先帶上手.....始終結婚介子有佢嘅意義，我都唔想未到正式嗰日就成日帶上手玩。
很美的 logo
回覆刪除[版主回覆04/29/2008 14:28:00]多謝多謝！但我成日都覺得人哋嗰 d 靚 d！
呢個唔錯呀~
回覆刪除不過個底色會唔會淺番少少,驚佢深過睇唔清楚你地個名呢?
[版主回覆04/30/2008 11:29:00]底色呢家嘢我唔識搞呀, 因為個圖我係喺網上搵返嚟, 已經係 ready made 圖片....唔知有冇得改佢個顏色呢?
我最勁的記錄係在公司通頂直踩至第二日的十點,中間訓了一個鐘
回覆刪除[版主回覆04/30/2008 11:29:00]嘩.....我都發覺多嘢做起上嚟, 大家都變成鐵人.....
個logo好靚wor~~你真係好心機呀~
回覆刪除我都有朋友做big four,,,,做到冇晒青春,,,,呢行點解d culture會咁嫁?真係做死人呀!!!!
仲有呀~下個week生日快樂~~~yeah~~~祝愈黎愈靚,想點就點啦~
[版主回覆04/30/2008 11:42:00]我都係見有時間就搞吓佢, 不過都好大可能將來會用架!
係啦, 做 audit 真係攞你命.....捱都咁嘅款....
多謝, 祝我願望成真....哈!
搞掂左就好~
回覆刪除我估係因為我畀你張圖set左做300 dpi,所以細左. 不過你預左logo應該係細既,太大就係圖案,唔係logo. 如果你想幫忙,你寄番個 .ppt file畀我啦!
[版主回覆04/30/2008 11:43:00]你又講得有道理, logo 應該係細 d.....
好, 如果我要幫手, 就拜託你啦!
呢個唔係咁好,唔清呀
回覆刪除[版主回覆04/30/2008 11:43:00]其實可能因為其他問題咋, 個 original file 好清架!
最終決定用哩個logo,
回覆刪除不過我覺得紅色比較深左少少, 拎到d字唔係太突出啦!!
[版主回覆04/30/2008 11:44:00]我都擔心呢個問題! 尤其是如果我將呢個 logo 印上請帖度, 就會變咗底色太近....不過個心型係 ready made clip art, 我都唔知有冇得改佢....
原來妳同我同年，哈哈！
回覆刪除[版主回覆04/30/2008 11:45:00]咦....原來你又係嗰年出世.....咁你大定我大?
你個logo 好靚噃~~~~
回覆刪除咁你間攝影係咪連攝錄呀?? 你join 咗邊間呀?
[版主回覆05/01/2008 13:36:00]多謝讚賞!
係呀, 我 book 咗嗰間叫做 "海洋專業婚禮", 總共有三個師父: videoman + photograhper + snap shot
你唔記得左仲有我咩? 拿，其實呢，你呢個logo個心形同上次個稿比較好似肥左． 應該係你係powerpoint 個度移動個心形既時候，唔覺意將佢拉闊左． 新手好容易會架．同埋個邊呢，有少少起格。應該係resolution細左既問題． 你唔使擔心，好彩我有你原本個powerpoint，我可以recover番你個稿，即係原本既心形大小，仲有好明顯我較淡左隻紅色．你睇睇係咪有改善？咁依家你既問題應暫時解決，個心形出番原大，底色又淡左，主角個名又明顯左。 收收email啦，我會連呢個版本同印刷版本都寄埋畀你！
回覆刪除[版主回覆05/01/2008 13:38:00]你實在太好人啦, 我點可以唔多謝你呢?
不過到真係用起上嚟時, 我可能又要你出馬啦! 因為如果我真係將個 logo 印落帖度, 我驚個底色會重疊, MS818, 我交比你啦....
預祝妳生日快樂先，哈哈，越大越靚女。
回覆刪除[版主回覆05/01/2008 13:39:00]多謝晒!
整得有心機過我呀.
回覆刪除[版主回覆05/03/2008 11:40:00]傻啦，我睇咗你嗰 d，你嗰 d 都唔差呀！其實我都冇乜點整過，我只係 D/L 咗個心型落嚟之後加 d 上去咋，基本上係冇出過力咁滯.....不過你個 blog d banner 整得好得意呀！
you mean 個file 好細, e.g. 得幾大kb?
回覆刪除我都唔係好識，但有2個方法你可以試
1. right click "select all", 再 "group"晒成個圖案一齊, then press 實 shift 拉中大佢，(shift等佢按比例，唔會變型)，可以拉到好大，大過張底紙個size 都得! 咁先再save!
2. 以上方法會令個kb 大咗，但唔一定會清d，咁你可以copy成個圖，再開小晝家paste落去，再save, 會清d!
try try!
[版主回覆05/10/2008 10:49:00]其實唔係個 file size 細咗, 係成個 logo 細咗呀....
你講 (1) 嗰個方法我都試過, 唔知點解我 group 唔到佢哋一齊, 因為 grouping 個 function key 灰咗, 冇得 select.....唔知點解....