今日上咗去 Shirley Kam 度試妝啦.......我......我......我終於都搵到一個啱自己心水嘅 mua 啦, 嗰一刻真係覺得放下心頭大石!!! 雖然仲有一 d 地方我覺得需要同佢傾一傾點搞, 但起碼好過晒之前我試嗰兩個 mua 先啦! 嘩.......終於有覺好瞓啦..... Yeah!
講返今日試妝, 我一共試咗三妝三頭, 即係褂妝 + 婚紗妝 + 晚裝.....試晒三款! 上到佢屋企, 佢比咗一本相簿我哋睇, 揀一揀自己鐘意咩髮型再話比佢知, 咁佢就知道我大約要咩款式啦! 我當然揀咗我之前嗰篇 blog d 相比佢睇啦! 咁佢就開始同我 set 頭啦! 其實除咗個褂頭爭少少之外, 所有嘢我都好滿意, 我應該會 confirm 佢啦! 最緊要就係連我男朋友都睇得出佢化得好過 Amy 嘛! 唉, 終於決定到啦.....各位睇相啦.....(雖然化得唔係話特別靚, 但今次應該唔會嘔啦啩......)
(1) 裙褂 - Shirley 話我個面型其實好多款褂頭都 ok, 但因為有少少長型面, 只要唔好再喺頭頂上 set 嘢, 其實已經 ok, 不過 set 完出嚟唔係我最鐘意嗰 d 褂頭)
(2) 婚紗 - 呢個婚紗 look 我真係超超超鐘意, 我出嫁嗰日一定會 set 返呢款頭!!!! 愛死!!!
(3) 晚裝 - 呢個都唔錯, 但稍為好似老氣咗 d, 成熟咗 d 咁, 不過唔緊要啦, 最緊要佢手勢啱我啫, 髮型呢家嘢可以慢慢同佢傾!
大家覺得呢位 Shirley 化得好我唔好呢? 我自己就幾滿意啦! 雖然佢可能唔係最好嘅 mua, 但起碼係我最鐘意嘅一個!
至於價錢, 佢嘅 package 係咁嘅:
$3,880 全日貼身服務
- 包新娘化妝 + set 頭
- 包伴娘早及晚一次化妝 + set 頭
- 包頭飾外借
- 包首飾外借
- 包兩位親友化妝 (如要 set 頭, 每位 $100, 如要補妝, 每位 $50)
- 包身體彩繪
- 7:30 前到達, 每一小時加收 $100, 不足一小時亦當一小時計, 再加的士錢 (由荃灣出發)
我計過條數, 如果我 confirm 佢, 我總共要比 $3,880 + $100 (媽咪 set 頭, 但奶奶唔洗) + $200 (早上 6:00 左右到) = $4,180 + 的士錢........我覺得 ok 啦! 之前 confirm Amy 嗰 $1,000, 諗諗計仔睇吓有冇得退錢先, 如果冇的話都冇辦法, 唯有當用 $1,000 買返自己 d 試妝相返嚟囉! 我聽日就會 confirm Shirley 架啦! 好嘢, 終於搞掂咗 mua!!!
順帶一提, 唔知睇緊我呢篇 blog 嘅朋友們有冇打算 book Shirley 做 mua, 今日臨走時同 Shirley 傾咗一陣, 佢都話宜家 update 緊個 price list, 好快會加價, 不過我冇問佢加幾多, 所以如果有網友想 join 佢, 好快 d 啦!
咦? 睇落又真係幾似你揀個幾款型! 最開心既係佢化既裙褂頭有幾分似我揀個個! 係呀,你將個髻擺兩邊咪影得你塊面無咁長, 亦係我之前講過既野.好開心我無睇錯呢! 不過有少少失望既係:條睫毛都係佢用開個隻.如果換個條會唔會好d呢? 不過無論點,我都覺得呢個試妝係合格既,起碼我暫時唔使擔心你呢樣啦! 一定好過amy!
回覆刪除[版主回覆04/14/2008 01:28:00]係呀，我覺得除咗個褂頭唔係我欽點之外，其實嗰兩個佢都 set 返我鐘意嗰 d 款！好在你都覺得 ok 咋！
其實條睫毛我無叫佢換呀，因為我睇過實物，算係幾自然，所以諗住試帶咗影幾張相睇睇係咩樣先囉！
太好啦，你都覺得佢合格，我聽日就放心 confirm 佢啦！
家下唔可以reply你太多住...
回覆刪除不過係咪影相既問題呢?!
今次既相, 比起之前個d, 你個面型包包左...
我覺得唔係佢set既hair style問題, 因為直頭個面仔飽滿左架.
雖然好似肥左咁, 但係好過之前, 之前個d, 好似塊面太瘦咁啦!
總算今次真係唔錯呀, 又岩你budget, 同埋你個婚紗look, 真係好襯你呢!
褂頭應該可以再改善, 再好d既!
[版主回覆04/14/2008 10:32:00]實不相瞞, 其實我塊面珠係有少少包架, 尤其是腮位嗰兩忽肉, 所以未必係影相事....講開呢個問題, Shirley 仲好好添, 佢唔知係咪識影相呢....佢教我點樣去避我面長呢個問題, 又教我點解收咗下爬舊肉仔, 仲教埋我點笑, 邊種笑容係最靚等等.....所以我覺得佢好 pro 呀......今次應該冇揀錯啦啩!
Yeah! 我都覺得婚紗 look 好正, 我超鐘意! 個褂頭.....其實我同我男朋友都覺得一般, final 傾造型嗰陣我會叫佢轉第二款!
您好 :
回覆刪除好明顯今次的試妝比上次 好好好好 多 ，無論係個粉底貼服、胭脂、眼部都好過上次，不過我有少少意見，希望你唔好介意：就係你本身有少少哨牙，所以千祈避免用太紅嘅唇膏突出這缺點，其實用有淡淡的、有色的唇膏或Lip Gloss就已經ＯＫ！
還有，可能佢有同你打腮影修輪廓，所以覺得個粉底好似比你自己膚色深咗少少，同條頸有ｄ差別。
P.S：你盡量留長ｄ前面陰兩旁的頭髮，咁可以遮到包包面，又可以令塊面睇上去無咁長。
這是少少意見，請別怪！
[版主回覆04/14/2008 12:05:00]傻啦傻啦, 我唔會怪哋比嘅意見, 我覺得係寶貴意見添呀!
嘻嘻.....其實我由細到大都有少少哨牙, 又係多得父母遺傳囉.....唉! 其實唇色方面我接受唔到太紅, 不過影相出嚟又 ok, 之前仲紅呀, 佢同我抹咗一次, 但我覺得都好偏紅, 之後佢同我加多咗透明 lip gross 先好少少! 不過我會再同佢講吓!
至於個粉底, 我都有問過佢, 佢話因為我面型有少少長, 所以佢喺我 U 字位打咗陰影, 咁望落去冇咁長囉!
前陰......其實我都唔知點! Shirley 話呢個長度啱啱好, 叫我 keep 住, 因為佢話如果留得太長, d 攝影師唔鐘意喎, "嬲嬲幽幽" 影相唔靚喎.....
如果你再有意見, 歡迎提出, 唔洗怕喎! 我 post 得上嚟, 預咗有好亦有壞 comments! 所以唔洗怕架! 放心!
果然化得好好,直情開頭一睇相都唔知個個係你黎添,我想你男朋友見到一定會更加愛你尼個老婆,祝你地天變地變情不變. Adam
回覆刪除[版主回覆04/14/2008 16:55:00]喂，咁客氣呀，得閒多 d 上嚟啦！
我覺得今次冇咁誇張喎，唔會唔似我個樣呀？上次嗰 d 咪仲恐佈......其實試咗咁多次妝，我男朋友次次都喺現場架，但佢好似冇咩反應喎！只係今次佢見到我化咗妝個樣之後笑容多咗，講到尾佢都應該滿意呢個化妝師嘅手勢（我估咋）！
呢個真係正好多，你真係可以放心哂喇，雖然我自己都唔識睇咩叫好，咩叫唔好，不過睇你今次d相直情成個人都young哂呀!掂呀!!!!!我認為你都可以放心confirm佢喇。
回覆刪除[版主回覆04/15/2008 10:54:00]係呀，我已經 confirm 咗佢啦，佢好好人，教識我點樣就鏡頭，又教埋我點樣笑，我都希望自己今次冇揀錯！你知嘛，我直情安心晒，呢幾日訓到差 d 唔知醒返工添呀！
恭喜你呀~~~ 最緊要自己鍾意啊~~~!!!
回覆刪除[版主回覆04/15/2008 10:54:00]多謝！係呀，我都覺得最緊要自己鐘意！
今晚我畀左你d相老公睇, 我先畀左之前佢大叫 鬼呀鬼呀 個張, 再畀你尋日試妝既相佢睇, 都都話好左好多!!
回覆刪除[版主回覆04/15/2008 10:55:00]嘻！多謝你老公呀！其實問心我都覺得 Shirley 化得我好睇好多！希望當日唔會嚇親其他賓客！
呢個妝靚好多,自然好多,婚紗同晚裝look都幾好,你依家放心啦!你可以試下將0的頭髮唔好全部束起,兩邊留返0的,遮下塊面咁就無咁包包。粉底可以白返少少都得。我今日都試左妝啦!都ok左,個褂頭好滿意,係我心目中想要既頭,不過我對眼對閃光燈太敏感啦,所以成日都眨眼。
回覆刪除[版主回覆04/15/2008 10:57:00]恭喜你呀，你都可以一 take 過 confirm 到 mua！一陣我過去你度睇相先！
你影過婚紗相啦喎，仲對鏡頭敏感？要多 d 練習吓啦！我影相嗰陣我 bf 仲要我點解可以唔眨眼......
影婚紗相時0的閃光燈ok喎!但係用平時自己0的相機就唔得啦!
回覆刪除[版主回覆04/15/2008 12:19:00]咁你就唔洗驚啦, bd 當日部相機一定會好似影結婚相嗰部咁勁啫!
係喎... 唔記我左話send張相你睇添... sorrrrry~
回覆刪除今次你放心哂啦! ^^
仲要當婚當日, 一定會靚過試妝添喎!
此終試妝, 佢唔會落足100%功力, 100%化妝品, 100%細心架! 恭喜恭喜!!!
雖然上次麻麻... 不過又未至於好似見鬼既!!! hahah....~
[版主回覆04/15/2008 15:54:00]係啦.....等我當晚仲留意住個 email account, 睇吓你有冇 send 相嚟添.....不過唔緊要啦! 唔洗咁介懷喎......
真係架? 起初我都覺得奇怪, 點解佢用嗰 d 化妝品好似好普通咁, 原來試妝係唔會出真功夫嘅.....但我又唔明喎, 如果唔出真功夫, 又點知佢手勢得唔得呢?
Anyway, confirm 咗就算啦! 我都要多謝你! 唔記得講, 你 diy 嗰張 table menu 真係好鬼靚!
呀... 呢個MUA係咪仲可以有多次make up trail架?
回覆刪除[版主回覆04/15/2008 15:56:00]make up 就冇 final trial, 但會同我再重新 set 髮型 + 頭飾 + 首飾, 我覺得都 ok 嘅, 因為試妝嗰度都算滿意, 唯一驚驚地轉妝時唔知佢會幫我用咩色嘅 eye shadow, 我驚我受唔到某 d 色咋!
咁又係,平時去人地既飲宴影相都ok。
回覆刪除[版主回覆04/15/2008 17:14:00]係呀, 所以唔洗擔心!
恭喜搵到一個o岩自己既mua.. 又可以煩少樣啦 shirley kam o係esdlife都幾好評的.. 可以放心啦 哈~ 你件白色吊帶背心都好似婚紗咁.. 可以睇到效果幾好bor 咁你之前o個個既deposit 點呀?
回覆刪除[版主回覆04/16/2008 10:34:00]係呀，終於都放下心頭大石啦！
係 Shirley 特登叫我著白色吊帶去試妝架，咁就可以試埋效果啦！
之前嗰筆 deposit，我打算打比佢同佢講我同 bf 分咗手，唔結婚，睇吓有冇得退返錢，冇都冇辦法，鬼叫自己唔諗清楚咩！
好靚呀！好sharp呀！我打算擺酒時一套衫一個妝咋，簡單d好~~
回覆刪除[版主回覆04/16/2008 15:47:00]多謝! 之前嗰 d 真係好核突......幸好今次呢個唔錯!
我都係呀, 通常當日都冇咩時間轉造型, 但最少都會一件衫一個頭~
大吉利是 要唔要喊晒口咁打去添呀 佢有冇睇你呢個blog o架.. 如果唔係.. 俾佢知道你............. 希望你可以拎得番啦
回覆刪除[版主回覆04/17/2008 00:02:00]haha, 咁又唔驚, 我諗住 "懶" 係平靜咁打電話去, 輕輕拋低一句 "分咗手" 就算, 醒目嘅人應該唔會問咁多啩 ~
佢冇我個 blog 架, 所以佢應該唔會知道, 希望我可以順利攞返 d 錢啦!
嘩.. 你搞左咁多野啦.. 我依家先睇到..
回覆刪除相信都好似幾滿意咁.. 好似化得比平時YOUNG 了, 個妝化得唔錯.. 特別是 著 掛個LOOK
不過晚裝個 LOOK就真係麻麻.. 好似老了些.. 會唔會查紫色眼影有關?
[版主回覆04/17/2008 17:00:00]hello~ 你係 pc9?
係呀, 我已經搞晒最 urgent 嘅嘢啦, 個人舒服晒.....起碼唔洗同人爭啦嘛!
係啦, 我都覺得晚裝個 look 好似老氣咗 d, 下次 final trial 時叫佢諗過先 ~
婚紗 look 真係好靚呀,跟全日既價錢都ok喎
回覆刪除[版主回覆04/17/2008 22:19:00]多謝! 三個妝裡面我都最鐘意婚紗個妝, 所以我出嫁嗰陣一定會 set 返呢個造型呀 ~
好抵呀，平過我，咁伴娘包唔包?你咁快試左幾次妝啦，仲有年幾喎?你話果個Amy係咪愛華果個呀?唔店架，咁之前比左兩庚試妝錢囉..我就一次ok，唔使浪費試妝錢，你d花球攪成點呀，元朗有間都ok
回覆刪除[版主回覆04/18/2008 12:46:00]佢都算收得幾平啦，所以我都好滿意！佢有包伴娘架，之前唔記得寫上去，啱啱加返啦！多謝你提醒！
其實我咁快去試妝，因為 mua 普遍一日只接到一單生意，我結婚嗰日又勁旺，所以咪早 d 安排先囉！我都唔算早啦，之前有 d mua 接 order 已經接到 09 年 12月啦！
我講嗰個 Amy 唔係愛華嗰個，我都係上網搵架咋，之後比咗嗰 d 試妝錢一定冇得攞返，算啦，試妝就係咁架啦，試唔啱都冇辦法，唯有 set 個上限比自己囉！我當初限自己唔可以試多過三個，宜家啱啱好！
花球未洗咁快搞住.....影結婚相嗰個我打算自己試吓整，bd 當日嗰個先搵人幫我做囉！咁你話元朗 ok 嗰間係邊間？
我都有post我試妝相出黎呀(一張)，你個化妝師係邊到架，我只試左褂妝同婚紗妝，你d妝都ok..
回覆刪除[版主回覆04/18/2008 12:47:00]我呢個化妝師都係上網搵架，不過嚴格 d 嚟講，係佢毛遂自薦 send email 比我架！一陣我去睇睇你 d 試妝相先！
佢又搵到你E-MAIL SEND比你?佢自薦得黎都店啦..
回覆刪除[版主回覆04/18/2008 14:22:00]或者佢可能見我喺 esdlife 新娘化妝版留過 email address, 所以咪自己 send 過嚟囉! 不過咁都好彩, 如果唔係我都搵唔到佢幫我啦!
你搵唔到佢，我都可以介紹我個化妝師比你啦..唔使驚，我個化妝師好店架..
回覆刪除[版主回覆04/18/2008 16:57:00]哦.......咁我都多謝你先!
^^
回覆刪除so good 呀!未睇你blog前我已經想找Shirly...
加價@@||||
哇....死囉....明天找她CCC
Sarah(小玉子)
[版主回覆04/21/2008 10:29:00]hehe, 估唔到有咁多人都想搵 Shirley 做 mua 喎, 睇嚟我都應該冇揀錯....
係呀, 佢已經整理緊 price list 啦, 你要快 d 搵佢試啦!
hello,打個招呼先,我都係下年結婚架,不過係2月~~
回覆刪除我都係同你一樣,在esd留了言搵mua,Shirley都係自薦俾左個e-mail我,我都打算搵佢.......呢家見埋你的blog,我對佢更加係有信心呀~~Shirley真係好過你之前的amy好多呀!!放心,你當日一定係一個靚靚新娘子!!!
[版主回覆04/29/2008 10:12:00]多謝! 其實我仲有 shirley 個 blog 架, 不過佢個 blog 係新開, 冇乜太多嘅資料......
如果你出年 2 月結婚, 你快 d 搵佢試妝先啦, 因為佢個期有時都幾 full 架! 佢同我講佢已經接咗 09 年 12 月嘅 job 啦!
your make up is good.
回覆刪除may i have the rpice list and contact info. of her as well?
thanks
my e mail: littlefoxcwy@yahoo.com.hk
[版主回覆05/08/2008 10:10:00]OK, please check your email later.
幾靚WO...價錢又唔係太貴
回覆刪除[版主回覆07/15/2008 15:57:00]多謝! 不過佢加咗價 lu ~ 好彩係我 join 完之後先加價
我搵緊新娘化妝ar, 見到你個blog, 請問你可否email Shirley d 資料同佢個blog 比我ar, 唔該哂!
回覆刪除sukman_maize@yahoo.com.hk
[版主回覆08/21/2008 13:41:00]好呀冇問題, 你 check email 啦!
我都想要Shirley的資料, 可以email給我嗎?
回覆刪除[版主回覆09/01/2008 17:10:00]冇問題，咁你用 private message 形式留低你 email address 比我啦！
恭喜你呀!我是路過的..... JENNY, 你真是很厲害，下年11月才結婚，一切已預備好哂! 真令我很佩服! 我下年都是11月結婚，但只是影了婚照及HOLD了酒席而已! 佩服!佩服!
回覆刪除[版主回覆10/23/2008 10:32:00]我都唔想咁早準備架, 本來我想預一年時間先搞, 可惜當我去搵酒席 + mua 時, 竟然有好多心水都 full 咗, 我都係比個市場拖住行咋!
咁你呢? 你有心水未呀? 快少少啦喎, 宜家好多人好早就搞架啦!
Hello~~我後你一 day 結婚呀，can u add me?
回覆刪除個 mua 試妝好認真呀，咁多個 look，越睇得多，我越覺得搵錯 mua！
[版主回覆12/06/2008 11:12:00]^^, hihi, nice to mee you ar, added you la!
佢都 ok 嘅, 不過我會同你一樣諗法, 可能真係睇得人哋嗰 d 多, 好似覺得自己搵錯 mua 咁 ~
你個妝真係好靚呀~
回覆刪除價錢真係好抵呀,我想問下佢有冇BLOG? 我想睇下呢~~
[版主回覆06/16/2009 11:21:00]佢之前有 yahoo blog ga, 不過後來被 closed, 你可以去佢個人網頁睇吖, http://www.shirleymakeup.com