呢排上網做資料搜集時，見到有好多網友都有為自己嘅婚禮設計咗個 wedding logo，所以手痕，自己又想整一個！起初都驚自己唔識整，因為我對一般畫圖軟件嘅知識真係少之有少，最叻都只係識得用小畫家。但見到既然有咁多網友都可以成功做到出嚟，我又的起心肝學吓，話晒距離結婚日期仲有大把時間，整定先的話以後都可以有得用，好過到時想整都整唔切！
之前睇網友 d blog 知道可以用呢幾種軟件去整：PhotoImpact，gif animator，Photoshop等等，但可惜我冇樣識，後來發現原來用 PowerPoint 都可以做到.......咁就好啦.....開正我嗰瓣......
以下係我嘅完成圖，我總共做咗幾個，有 d 其實唔係叫做最鐘意，不過見還掂整咗，貼埋上嚟囉....
P.S. 其實我唔明點解我一將個 PowerPoint file 轉 jpg 時就會變咗黑色底，白色靚好多架......無奈中......
(1)
(2)
(3)
我同男朋友都比較鐘意第一個 logo，不過呢個 logo 唔會係最後定稿，我一有時間都會再執執佢！但最緊要係搵辦法 delete 咗個黑色底先.......有冇人教我？
至於呢個 wedding logo 第時會喺邊樹出現......我已經有初步 idea 啦！好大可能會用喺觀禮邀請咭啦（因為証婚公司冇邀請咭提供），亦有可能會印喺請帖右上角，好似個郵票咁啦，有可能拎出去整貼紙啦，如果許可的話，都想將呢個 logo 用作酒樓 backdrop ...... 不過擔心又未必靚 ~ 其實仲有好多地方可以用到個 logo，我記得我 design 個 logo 時諗到好多架，不過宜家唔記得晒 lu ~
我big day 在 09年09月....你11月都已經prepare左咁多野啦,我仲比人話我咁早開始research...
回覆刪除[版主回覆04/24/2008 21:25:00]睇吓你係咪 090909 啦, 如果係呢日的話就要早少少 book, 又要睇係 weekday / weekend ~ 因為我 bd 嗰日係全年旺日之一, 又係 weekend, 我唔想到時先做 research, 唔想到時先選擇 book 邊間, 趁佢哋有期而收費合理時咪 book 埋, 免得佢加價..... budget 有限嘛, hehe
你好叻,估中左我個心水date, 090909 :d
回覆刪除[版主回覆04/25/2008 10:20:00]大部份 09 年 9 月結婚嘅人通常都係呢日嘛.....起初我都有諗過呢日, 但因為係農曆七月, 媽咪唔係咁想, 所以先冇揀...
有少少意見...
回覆刪除我覺得花左dd, 唔好加"wedding"個字, 我覺得會好睇d.
另外, 你要知埋一樣野, 就係去印刷公司印時, 個resolution得唔得.
我都唔係太識架咋, 因為如果唔夠既, 個圖就會"檬".
仲有, 我可以幫你用photoshop, 整走個background, 你想用咩color做底都可以, 你send個file去我gmail a/c就得啦~
[版主回覆04/25/2008 10:21:00]好呀好呀, 唔該晒你, 你真係超好人, 咁你係咪覺得第一個靚 d?
我晏少少 send 比你吖, thanks~
3個都唔錯呀,不過WEDDING個字要細番少少,LOGO梗係你地兩個名大D嗎
回覆刪除[版主回覆04/25/2008 10:21:00]係喎係喎, thanks!
你整得好靚呀！犀利！不過我都覺得 Wedding 個字太大、太搶喇，可以改細D、透明D 可能會好D... 如果你要拎出去印或整其他o野，最好係可以整到 pdf 或者 ai file，因為 jpeg 真係有可能唔夠高解像，出o黎會"起格"仔，可能連字都睇唔清楚o架。不過你可以先問清楚印刷公司o既要求先o既。
回覆刪除[版主回覆04/26/2008 11:51:00]多謝! 其實我都係第一次整, 仲用咗個用 "yap" 嘅 software --- PowerPoint 整, 我自己其實都唔係太滿意!
至於你話要轉 pdf / ai file......對我又係一大難題, 我唔識點樣將個 PowerPoint file 轉做 pdf / ai file wor......
yup~ 我覺我第1個最好.
回覆刪除你唔好客氣啦, 真係好易整架咋.
[版主回覆04/26/2008 11:51:00]yes! 我都覺得第一個最好!
做得唔錯呀!以只係一個powerpoint黎講~
回覆刪除似乎唔要wedding好似仲好d喎~
就咁 Jenny and Oliver 同日子咪仲清?
可能你覺得黑色底唔係咁"吉利"啦,其實黑色底都幾靚架! 其實以印刷黎講呢, 一般印刷公司收 300 - 350 dpi, cmyk(即四色), 已經好ok架啦!
[版主回覆04/26/2008 11:53:00]Thanks! 我某程度上都係一個電腦白痴......不過我想將個 file 再改良改良~
黑色底......我又唔會覺得唔吉利嘅, 不過好似怪怪地咁囉!
how about this one?
回覆刪除[版主回覆04/26/2008 11:53:00]睇過你個製成圖, 發覺好似真係唔要 wedding 好 d, 不過個底色好似花咗少少, anyway, thanks!
你好叻,整得好靚,不過唔加wedding會好0的,無咁花。個logo主要有你地個名同日期都夠。
回覆刪除[版主回覆04/26/2008 11:54:00]你都試吓啦, 我諗你仲會整得好過我, 我連 photoshop 都唔識用.....莫講話用, 我好似都冇呢個 software tim ar!
既然咁多朋友仔都覺得冇 wedding 字樣好 d, 好啦, 我就搞搞佢啦!
and this one, more like your original design, but white in colour. 多d立體感,係咪仲靚d?
回覆刪除[版主回覆04/26/2008 11:55:00]係呀係呀, 立體感好 d 呀......不過我想將個名放返低少少, 家吓好似遮住咗丘比特咁....
如果整立體既, 就要睇你點用啦.
回覆刪除立體當然係靚, 如果整一個好細既logo仔, 就一定要以simple為主!
係你仲有大把時間既情況下, 你可以慢慢整多d, 就會搵到一個最靚最鍾意既.
同埋到時當你決定左用係邊到時, 你有幾個options, 就可以再慢慢揀, 睇下放係個樣野到, 邊樣最好啦~
仲有, 如果要整background有花既, 我諗唔好用個隻紅會好d, 同埋要淺色d, 個logo先可以突出返少少.
仲有仲有, 你可以試下個日子用short form, 睇下會唔會又另一感覺, 清dd, 唔駛太多野咁.
我自己比較鍾意d清．簡既野,
因為覺得婚禮當中, 已經有好多野係到, 要做到各樣野都可以match得好體既, 以我地唔係professional, 其實簡簡單單, 最好襯, 冇咁易太花"lei"花"碌", 又唔match喇!
希望少少既idea．意見, 可以幫到你啦!
[版主回覆04/26/2008 19:59:00]唔唔唔.....我都明白你意思! 其實我都唔想做到太花巧, 我驚反而會弄巧反拙....
多謝你嘅意見! 我有的是時間, 會慢慢再 DIY 多 d 嘢!
我都有諗過整,不過整完都唔知用係邊。
回覆刪除[版主回覆04/26/2008 19:59:00]哦.....留為紀念都好吖!
如果我送小禮物就整,唔送就諗諗啦!
回覆刪除[版主回覆04/27/2008 11:38:00]咁你宜家決定送唔送呀?
因為你個background冇野佢就會係黑色!
回覆刪除你只要insert一個方格喺底 (置於最下層), 個siza 同logo一樣大or留少少邊, set番個格係白色同埋冇邊/白邊
咁就ok架喇~
唔得你再留個message俾我啦
[版主回覆04/28/2008 11:51:00]唔該晒你教我點做呀, 我一陣有時間試吓先, thanks so much!
我仲考慮緊送唔送!我拿左介子啦!你去睇下。不過唔岩帶。
回覆刪除[版主回覆04/28/2008 11:52:00]好呀, 我一陣去睇吓先....
點解會攞咗, 但又唔啱帶? 去望望先 ~
冷縮熱脹所以唔岩帶。
回覆刪除[版主回覆04/29/2008 10:04:00]我都好怕呢個問題!
我鍾意1號佳麗，不過唔要“wedding”。
回覆刪除[版主回覆04/29/2008 10:07:00]多謝! 好多朋友都話 cut 咗 wedding 個字, 等我試咗出嚟再比大家睇睇先 ~
嘩你好厲害呀, 結婚真係好多野要煩, 辛苦晒啦!
回覆刪除[版主回覆04/29/2008 10:08:00]其實唔係好難架咋......我呢個軟件白痴都做得到, 就已經足以證明啦....haha
冇錯, 結婚真係幾多嘢要煩, 不過 so far 我都享受其中....
好有心思呀~ 咁快連logo都有 我諗住將design 方面既所有野交晒俾我細佬 佢成日話自己係desginer 丫嘛 我冇呢d天份
回覆刪除[版主回覆04/29/2008 10:09:00]其實都係見呢排冇乜嘢搞, 又仲有時間, 咪諗 d DIY idea, 之後上網又見到好多網友都有整 wedding logo, 我先手痕試吓咋.....
哈 ~ 開始越來越感受到你既喜悅~攪到我都有d衝動添
回覆刪除[版主回覆04/29/2008 14:28:00]結婚的確係一件好事，你同肥仔都好耐啦，快 d 拉埋啦！！！
到時我一定會幫你架！
我鐘意第二個呀
回覆刪除[版主回覆04/30/2008 11:47:00]其實我都係第一同第二個掙扎中...
你仲有大把時間，設計多d可能之後果d仲靚啦
回覆刪除[版主回覆04/30/2008 14:29:00]冇啦, 全部都係 ready made 嘅圖, 要搵嘅都搵晒啦!
不過當然啦, 如果我發現有更靚嘅圖, 都可以再設計過! 話就話最後定稿, 但我又未拎出去印, 所以可以隨時改!
其實用黎做咩呀
回覆刪除[版主回覆05/01/2008 13:42:00]其實都係隨你點用架咋! 不過 blog 入面都有講過, 因為我註冊嗰度冇邀請咭提供, 所以我呢個 logo 應該會大派用場, 其次就可能會出現喺送小禮物時嗰塊 gift tag 上面, 又或者印帖時印上個信封度 (當然係自己後期加工啦)