見到我其中一個 blogger 表揚介子品牌 PN, 令我諗起其實我都係搞事份子之一.......曾經喺落訂之後要求加刻結婚日期上去, 不過 PN 都好好, 比我刻呀!
話說我喺 3 月 2x 號去咗 PN 其中一間分店買結婚介子! 其實有一款介子我同男朋友一早都已經睇中, 但由於 expo 嗰時太多人, 加上又未真係決定買嗰款, 所以我哋係 walk-in 入門市買架! 睇過我之前篇 blog 嘅人都知道, 其實我決定買呢對介子之前, 前前後後都去混吉咗 3-4 次, 次次都冇幫襯, 揀完一輪款之後拍吓蘿柚就走人, 但個 sales 完全冇黑面不特止, 仲超級好笑容, 搞到我都有 d 唔好意思! 而且每次再去佢門市時, 個 sales 都認得我, 又好好記性咁攞返我之前有考慮過嘅款式比我再揀! 最後我哋都順利落咗訂買其中一款介子! 落單時因為可以免費刻名, 所以我哋就刻咗對方嘅名落隻介子度。
但事隔一個月 (即落訂後一個月左右), 我心血來潮想喺隻介子入面刻埋結婚日期, 所以我又打電話去 PN 搵人問吓, 點知原來佢哋都未做我嗰款介子, 趕得切加埋結婚日期上去! 不過由於我指環號數較細, 我帶 12 圈, 一般只可以刻 12 個字上去, 但男朋友個名 + 結婚日期總共有 14 個字, 個 sales 都好細心咁解釋比我聽, 刻完之後 d 字睇起上嚟會密 d 迫 d, 但當然我都照樣接受! 不過真係好欣賞 PN 佢哋嘅服務態度, 有笑容, 有禮貌, 搞搞震後唔會黑面, 唔 hard sell (我見過最 hard sell 係六福), d 款又多又靚, 唯一就係價錢偏貴......有 d 款真係貴到買唔落手! So far 都未聽到有人喺 PN 遇到不禮貌對待, 所以呢間公司係絕對值得一讚!
P.S. 如果想睇吓我個 blogger 喺 PN 發生咗咩事咁值得表揚, 你哋可以 click 下面寫住 「引用自：xxxxxxxxxx」嗰個 website 就一清二楚啦!
我終於見到邊間係PN lar 你o個對好貴呀 我睇o岩o個d 都係2-3k 一只咋
回覆刪除我都覺得自己買嗰對偏貴, 完全 out 晒 budget 啦!
回覆刪除不過或者因為我男朋友要求要有鑽石, 又想要大大粒鑽石, 所以就要有付出啦.......
我刻唔到日期, 因為買婚戒時都未知BD係幾時 同埋我個隻好似係8.5圈, 佢話唔夠位 所以刻左我地兩個名字
回覆刪除[版主回覆01/17/2009 10:18:00]哦....你可以試吓再返 pn 問吓, 話唔定佢哋宜家技術進步咗, 可以幫你刻呢 ~
落ORDER時已問過, 如果夠位, 可以先取貨, 知道日期再後補刻字都OK架~ 重點係我地1隻8.5圈, 1隻10圈 只刻2個名都已好近戒指本身要刻D資料 我都認同SALES所解釋的無位
回覆刪除[版主回覆01/17/2009 12:01:00]原來係咁, 咁可以因為我同 bf 隻手指都比較粗...哈!