上一篇講完我鐘意嘅裙褂造型，今次要講一講婚紗及晚裝造型啦！由於我成日都覺得婚紗同晚裝頭可以互相啱用，所以就 group 埋一篇去講....
之前我都講過，我男朋友比較鐘意我放返 d 頭髮落嚟，如果唔係因為裙褂要紮起 d 頭髮，我諗佢會連裙褂頭都想我放頭髮添呀！至於我呢，其實我冇咩所謂，只要唔會梳起晒我前面 d 陰，搞到一 pat 嘢撻喺個頭頂度，咁就 ok 啦（如果唔明的話，一陣有相睇）！為咗遷就男朋友呢個意願，我都搵咗 d 相，都係嗰句 ......... 希望襯我啦！
男朋友一望呢個髮型就覺得好靚，襯婚紗簡直係一流！我自己都幾鐘意，尤其是如果 set 嚟註冊 march-in 會幾好！我一路都覺得註冊 march-in 會帶頭紗，咁 d 頭髮一係就紮起晒，一係就好似佢咁囉 ~ 話晒婚紗都係一件好高貴好莊嚴嘅禮服，搵個簡簡單單嘅髮型就最好啦！（當然頭花係另計啦，我都覺得佢放咗太多花啦）
其實除咗以上呢個 look 之外，以下呢 d 我都幾鐘意，set 做婚紗 look 又得，晚裝 look 又得 ~
仲有呢一款造型，有晒前面、側面同後面，超級清楚......
睇咗咁多張相，其實大概都知道我 buy 邊一種髮型啦.......講真，如果要放頭髮落嚟，冇乜造型可試，嚟嚟去去都係咁 set 架啦 ~
睇完我鐘意嘅髮型，又睇睇我唔鐘意嘅髮型先........
我就係唔鐘意搞到我個頭咁啦，不論不類，頭頂有太多嘢啦，我唔鐘意比人搞我 pat 前陰，乖乖地、靚靚地咁梳埋一邊，由佢擺喺度就得啦，我唔需要太花巧.......我諗我嘅要求超簡單，好多 mua 都一定做得到，賺我錢都應該幾容易，不過做得到還做得到，靚唔靚又係另一回事 ~
睇完咁多相，大家覺得點？ ok or not？
期待星期日去試妝.........希望一 take 過！唔洗再喺呢項 item 上繼續煩落去.......
God Bless Me...........
Hello Jenny,
回覆刪除哈,我又來看看你的進展;其實,也來找料看看...這幾款也不錯,我也很喜歡ccc,因為我男友同我一樣高...所以,我set頭不能高^_^
還有,我還在找化裝...Shirley也不錯...還有嗎?
Sarah(小玉子)
yuzipc@hotmail.com
[版主回覆04/10/2008 21:32:00]hello~
乜我咁犀利？你可以嚟呢度搵料......哈哈！如果資料啱用的話，歡迎你攞去用架！
你話：我也很喜歡 ccc，ccc 係咩嚟架？
如果你都要搵化妝，你睇睇我上一篇叫做 "點揀好" 嗰度有多兩個 mua 嘅資料，不過我有 d 網友話佢哋得，有 d 又話唔得～ 加上我 budget 有限 (around $4,000)，如果你有預多 d 錢去搵 mua 的話，你應該有更好選擇，但無論如何，我聽日都 send 個 file 比你，係我做咗嘅 research 嚟架，希望對你有用啦！
"CCC"係笑聲^o^
回覆刪除我想3000-4000...
所以,我就參考下你囉
好的,你send俾我啦...
Sarah
[版主回覆04/11/2008 00:19:00]如果你嘅 budget 係界乎 $3-4,000，我就你就一樣 lu，所以我嘅資料你應該最有用，好啦，我聽日 send 比你啦！
呢個好靚.值得試試. lingling影婚紗相都有類似造型. 個蝴蝶好得,你不妨打個電話叫佢帶埋去試. 其實呢,有無覺得一樣野,係當你的起心肝去搵自己喜歡既造型之時, 你就漸漸知道自己需要咩野,咁樣就唔使畀化妝牽住你走. 你容易掌握好多. 不過我覺得你叫佢試試d唔好咁梳同長既睫毛啦!
回覆刪除[版主回覆04/11/2008 00:24:00]哈哈，好開心我揀嘅造型都有人認同.......到時會上 Shirley 屋企試妝，我打算喺佢面前開我個 blog，咁佢就知道我鐘意邊幾款啦！
其實都係架，當你未肯放心機去搵時，所有嘢都唔知點入手，樣樣都好似無所謂咁，但當你睇得多，聽得多之後，慢慢就會知道自己鐘意 d 咩！淨係買對結婚介子嗰時就知啦！
04-10 22:42
回覆刪除同我影相個髮型係完全唔同架!!!
其實就算大家都係一紮, 都係curve, 再放一邊, 其實都有好多唔同既set法架.
後面亦都可以做到好多唔同既效果架!
[版主回覆04/11/2008 14:14:00]我都相信應該會有好多種 set 法嘅，不過可能要好 detail 咁睇先睇到囉 ~ hehe
其實你會唔會考慮, 唔跟全日?
回覆刪除除非你係好熱既天氣, 唔係既, 你可以考慮下早+午+全晚, 會平d架.
咁用返你個budget, 咁又可以再多d choice啦!
[版主回覆04/11/2008 15:37:00]其實我都有諗過呢個問題呀 ~ 因為好似中間有少少時間剩咁...
不過我註完冊之後可以會喺附近影相, 到時都可能需要一個 mua 喺身邊, 加上唔知點解好多 mua 嘅 package 都只係早 + 晚, 好少有早 + 午 + 全晚.....
同埋, 佢既curve有幾多, 用咩整curve d hair, 前面既"陰"點整, 都已經可以分別好大架啦...
回覆刪除你鍾意呢d style, 同我之前做伴娘時, 個新娘子有d相近呀, 其實我覺得你可以試下佢, 我覺得佢都唔錯架, 人亦好好, 好有心機, 連幫我(伴娘), 媽咪, 奶奶, 都好有心機架.
不過早+午+全晚, 好似都要4千幾....
另外, 你唔鍾意人搞你d"陰", 但其實都一樣可以有唔同既變化, 比如係頭頂既hair做手腳.
再睇過你鍾意d咩, 我今晚有時間, 就再send d 相俾你睇呀.
keke... 想話, 你真係好聽你個未婚夫話呢, 佢鍾意你set長髮, 你真係set哂長髮呢!
[版主回覆04/11/2008 15:41:00]慢慢我宜家都知道平嘢未必一定有好嘢 lu, 所以我都將自己嘅 budget 提高咗少少, 只要 around $4,000 我都 ok ~ 唉, 不過都係嗰句, 希望快 d settle 咗呢個 item, 因為真係好傷腦筋呢! 如果 Shirley 都唔得, 到時我再問你擺資料吖!
Thanks! 我等你嘅相呀....
hehe, 其實我嗰日扮靚除咗比我自己睇之外, 大部份時間我都係扮靚比我男朋友睇之嘛, 所以無論我試妝, 租衫我都搵埋佢去, 等佢比意見我嘛....況且我係一個無咩主見嘅人....搵佢去幫我手!
放心去試妝啦~~~~ 睇d 相都應該唔錯啊!!!! 我自己鍾意呢個!~~
回覆刪除[版主回覆04/11/2008 15:41:00]我都希望佢手勢 ok 啦....
係呀, 我睇過呢個 mua d 相, 好似試得過我先揀佢咋!
歡迎來臨參觀啊
回覆刪除http://hk.user.auctions.yahoo.com/hk/show/auctions?userID=greattrade88&u=:greattrade88
歡迎來臨參觀啊
回覆刪除http://hk.user.auctions.yahoo.com/hk/show/auctions?userID=greattrade88&u=:greattrade88
http://hk.myblog.yahoo.com/greattrade88
放心去試妝啦, 唔同人有唔同效果架!!
回覆刪除[版主回覆04/12/2008 10:30:00]你都講得啱，呢 d 嘢真係人夾人咋 ~
我聽日就會去試啦，希望有好嘅效果啦！
我都prefer放d頭髮落黎,,,因為我塊面大~hehe
回覆刪除不過睇返shirley d相,,,,真係掂過你上次個個好多呀!!!!
希望你今鋪一擊即中啦, 同埋如果你想搵造形reference,可以去verywed既makeup,,,都係super多髮型,不1就係台式lor,睇下arm唔arm你~
[版主回覆04/12/2008 12:49:00]如果你塊面大, 人哋話最忌就係紮起晒 d 頭髮, 會顯得塊面更加.....不過我面長, 我唔知應唔應該再放頭髮落嚟呢......
Thanks for your information, 等我去望望 verywed makeup 先 ~
你揀呢d相都好靚呀，希望你可以一take過喇，等你分享。
回覆刪除[版主回覆04/13/2008 14:58:00]Thanks! 我都希望可以一 take 過, 之前都做錯咗決定呀....
回覆刪除呢個最清,其他都幾誇張下.... (我覺得)
[版主回覆04/29/2008 10:14:00]如果你睇啱的話, 不妨攞我呢張相去啦.....
你揀呢個真係幾清...所以我都有列入考慮範圍之一...
http://www.pbase.com/janicetsai/bride_style_design
回覆刪除些些, 比個網頁你參考下,係台灣mua架,好多新娘造型samples, click入每一個女仔有齊佢結婚當日咁多個造型.
我覺得質素好高.
[版主回覆04/30/2008 11:45:00]咁正? 即刻去睇, thanks!