我們的... 陳經理 @ 麒麟閣

2009 年 10 月 28 日（星期三）

由於要盡快訂兄弟煲呔，自問又真係有 d 驚驚地同酒樓侍應撞色，加上都係時候上去傾菜單及圍數，所以臨時拉夫搵咗歐陽生放工上去會一會我哋嘅宴會經理 --- 老陳！

傾咗個零鐘之後，真係好想大大力讚下佢哋！

雖然麒麟閣唔係集團式經營，不過佢哋真係好錫住客人嘅荷包，唔會樣樣都同你講錢！所以我真係覺得 book 咗麒麟閣嘅朋友係好明智！

由我 join 酒席至 confirm 細節都係陳經理 serve 我，佢真係勁好人，好人程度我覺得拍得住家人，佢會同你錫住荷包，打點一切，不斷叫你放心放心，如：

1) 我問佢廚房、樓面、部長及經理大約有幾多人 (打算容易安排利是)，陳經理答我廚房有 16 - 17 個，樓面有 21 個左右。我再問清楚佢少少，21 個樓面內有幾多個係部長／經理級以上，點知陳經理話：唔洗啦，全部都一樣就得架啦！ <-- 聽到真係有 d surprise！

2) 自動比咗 10 打席前點心我 <-- 唔洗我開聲

3) 車位無限量供應 <-- 又係唔洗我開聲

4) 糖水加湯圓 <-- 免費

5) 席前仲有咖啡提供 (無限量添飲) <-- 免費 again

加上尋晚上去時撞啱有人擺酒，我有幸經歷到新人 march in 一刻，另一位女經理 Sandy 真係超級照顧周到！伴娘直情可以抖一抖~ 佢幫手舖裙尾，提新娘點樣拎花球靚 d，自動叫攝影師同新人影多 d 相 (特別係後面拖尾)，新娘有點兒緊張，Sandy 就不斷安慰佢等等..... 真係超好服務，傾完都自覺結婚當晚要比封大利是佢哋~

 

 

喺籌備婚禮過程中，遇上不同商戶接觸不少服務性行業嘅人，有緣美傳說嘅 Zita & James、麒麟閣嘅陳經理、法國婚紗嘅阿 Mi & Christine、Plovee 姊妹裙、海洋專業嘅 Hero 等等不能盡錄，慶幸地佢哋冚棚冷都係好人，令我嘅婚禮不致要蒙上污點。喺度希望大家搞婚禮搞得順順利利，千祈唔好受氣！