嘩嘩嘩...... 聽日就係本小姐升呢做歐陽太嘅大日子啦，好多人都問我緊唔緊張，其實講真，我唔算太緊張，因為係無時間比你緊張...... 呢幾日電話不停響，花車公司啦，化妝師啦，攝影公司啦，花球啦，姊妹啦，乜乜乜乜全部都打電話嚟 confirm 嘢；仲有幫自己扮靚啦，根本就冇時間去緊張...... 我緊張嘅時候，通常都係喺廁所辦緊公... 沖緊涼... 臨訓前... 訓醒後... 呢 d 時間，之後根本 d 時間就比其他嘢佔據晒！
以下係雜炒一則，有好多嘢要報告...
《走難咯》
之前有好多 blogger 都話我有 7 袋嘢好多，今日訓醒再望下自己間房，已經塞滿咗條路，又好似真係好誇喎，wakakakakaka
《閃得有道理》
為咗迎合自己升呢嘅大日子，當然有咁閃得咁閃啦！所以乜都唔洗諗就揀咗閃銀色底做 gel 甲，再痴咗 66 粒石 (當然係兩隻手加埋啦)，然後又 pat pat 痕叫美甲師雕咗 4 隻手指嘅花，諗住襯婚紗又得，襯晚裝又得嘛！歐陽生一見到就話：「好閃呀！」
《在寒冷的一天出嫁》
決定喺 11 月結婚，唔多唔少會預咗會凍凍地，但係勢估唔到會凍成咁架嘛！早兩日話 12-17 度，想死咩...... 尋晚再睇天氣報告， 13-18 度...... 都係嗰句，好凍呀！所以已經去掃咗 d 手揸暖包，亦買咗 d 貼上衣服嘅暖貼。不過我唔知點貼囉，上身著 nu bra，下身著裙...... 貼喺邊喎？
雖然已經借咗毛毛披肩，不過著唔著又另一件事，我其實就好想唔著，不過...... 有時真係要睇天氣，唯有聽天由命啦！尋日見太陽伯伯出嚟返工，希望佢聽日唔好請假！
《我的花球》
本來...... 我已經 confirm 咗呢個紫色花球
好可惜，尋日收到花店消息話 d 紫色風信子開得唔靚，而且亦偏藍色，佢話唔係好襯，建議我轉款。
偏偏牡丹花球嘅花材十分之齊全及開得十分之靚，結果我就 confirm 咗呢個做我嘅出嫁花球 lu～
冇得用紫白花球的確有少少可惜，不過唔緊要啦，就當係紀念我係一個 11 月嘅新娘子吧！
加油, 明天見.
回覆刪除[版主回覆11/20/2009 10:23:00]明天見~
真係"冷得我藤藤震囉"...我最怕凍，都唔知點算...
回覆刪除我都係著nu bra架﹗我諗住sip一d落收腹褲度，等佢唔好跌落黎~
[版主回覆11/20/2009 10:23:00]係呀, 我都打算向下身埋手, 但係上身真係會好凍架喎... 所以可能會揸暖包...
我睇左你個blog好耐架啦, 明天你就係歐陽太啦. 恭喜哂!!! 我d朋友話, 新娘子係唔會怕凍架, 因為愛靚唔愛命麻. 明天你會係最靚的!! 你d手甲好靚呀, 你邊度整架?
回覆刪除歐陽太恭喜你呀, 我仲有唔夠一個月, 依家都好忙, 明白你無時間緊張 新既牡丹花球都好靚, 如果我大婚果排牡丹靚我都會用牡丹花球(因為人地話牡丹貴氣d喎), 加油呀, 明天一定係靚靚新娘子
回覆刪除你整既手甲好靚呀!! 不過我成日驚會好痛，而且我d 指甲好細隻，所以都未整過! 粉紅色的花球都唔錯呀! 間花店都好好人呀，知道風信子開得唔靚即刻叫你換款，好體貼啊! 等妳可以係聽日2009年 11 月 21 日 成為一個最靚的新娘子
回覆刪除我都唸緊著nu bra(無底衫/girdel), 點粘暖貼呢? 我都係超怕涷...
回覆刪除希望明天太陽伯怕照著你啊!
祝妳明天一切順順利利.....
回覆刪除做個最靚既新娘子!!
你花了那麼多時間準備, 明天你一定會係個靚靚新娘, 加油!!!
回覆刪除預祝你明天成為靚靚的新娘.....
回覆刪除我諗好難貼暖貼啦，大家一齊頂硬上啦，預祝你婚禮一切順順利利呀！
回覆刪除加油呀...仲有2個鐘便到你大婚日, 加油, 放心啦, 明天天氣暖咗D, 明天見
回覆刪除加油呀..祝你聽日順順利利...
回覆刪除加油呀，聽日雖然凍，但好好天，你一定影到好多靚相。期待歐陽太之後o既分享。
回覆刪除加油呀 , 今晚訓番場好覺 , 聽日做個靚靚新娘子呀~!
回覆刪除預祝你一切順順利利 , 永遠幸福快樂呀~~~~~
heehhe 唔緊要啦, 2個花球都好靚呀!!!
回覆刪除恭喜呀~祝你幸福快樂呀~
回覆刪除恭喜哂！歐陽太太，祝你幸福滿到瀉，每天都一樣咁sweet sweet。等你既分享啊。
回覆刪除唔緊要啦, 牡丹都係你杯茶呀~~ 好期待自己升呢之日呀! btw, 你會否出讓個囍字chop 嗎? 我那個俾bf 貪得意, 玩鬼爛咗..... 最慘係用都未正式用, 就 ko 咗. 同埋我又唔記得那時喺邊度買...
回覆刪除Yeah！新婚快樂！終於有時間上o黎留個言喇！妳 D 指甲整得好靚呀，我就無做 Gel 甲，叫人求其貼 D 石上去就算，超 hea ... 粉紅色花球好靚，而且感覺好 sweet！
回覆刪除