等上頭 @ 倒數 5.5 小時

仲有大約 5.5 小時，化妝師就會進駐我屋企，展開我 1121 升呢之旅。

但係...... 呢一刻我仲等緊上頭... 歐陽生嘅上頭時間係 01:30，我就係咁易遲少少 01:45，距離宜家仲有 45 分鐘左右，所以我把握時間敷緊個保濕 mask！

今日做咗好多嘢，亦影咗好多花絮，稍後再同大家分享。

早兩日天氣好凍，姊妹 Anita 打比我問我好唔好 cancel 玩冰中夾麻雀呢個遊戲，我當然堅決反對啦，冬天唔玩，唔通等夏天先玩咩，我唔會咁便宜佢男子組嘅，hohoho！

 

到今日，依然仲有人問我緊唔緊張，講真我唔算太緊張，反而我覺得好好玩喎！

 

希望聽日唔好太凍，太陽伯伯要加油唔好偷懶呀！啱啱沖完涼出嚟，天寒地凍，著住件新睡衣真係好凍...

 

請各位祝福我...