1121 回禮小禮物

講到回禮小禮物呢個 iteam，之前都有唔少 ideas，最直接當然係送朱古力啦，萬一派唔晒都可以益自己嘛，訂幾多我就食足幾多，完全冇難度！

另外都有諗過即場派相，不過我嗰間攝影公司開出嚟個價有 d 離奇，同屋企人研究過後又話唔好。咁送奇華迷你餅仔啦，趁佢 8 折時買咗嘅餅咭可以喺婚前去門市換晒 d 迷你嫁女餅，圍返每個都係 HK$5，又得體，不過考慮到個 packing 好似樣衰咗 d，如果要自己再用紗袋包好，大大話話二百幾三百個，諗起都唔想做！

經過大約一年時間嘅資料搜集，喺一個月前有定案啦！早排聯絡埋個賣家，佢可以比我 tailor made 一個 gift tag，亦已收到稿啦：

心水清嘅朋友仔可能會知道係乜，不過唔好爆我響口吖！

份禮物仔已經收齊晒貨，packing 好靚，我亦貪佢夠意思！而且呢樣嘢我平時都有用開，真係派唔晒的話留嚟自用亦無妨。