我們的 Wedding Logo - 最後定稿

自從上次放咗幾個不同嘅 Wedding Logo 出嚟之後，有好多網友同我一樣，都鐘意第一個，所以我就決定以呢一個 logo 作為我同男朋友嘅 Wedding Logo！

加上有好多網友都話加咗 "Wedding" 呢個字之後反而好似花咗 d，所以我又跟手改一改，宜家出嚟呢個完成圖，你哋又點睇呢？

Jenny & Oliver Wedding Logo

可惜......難題又再出現，唔知點解我轉咗 jpg 之後，個 logo 會細咗咁多嘅？但係 png / enf file 就冇事喎........點算？各方高手......你哋又要幫我啦......thanks！ (另外我要多謝 blogger "大蚊" 教我點樣整走個黑色 background，我成功咗啦！）

**********************************************************

上個星期，我終於都順順利利搞掂咗公司一年一度嘅業績報告，嗰份報紙稿已經喺 23 號出咗街，不過接住落嚟就要要做嗰份好似電話簿咁厚嘅年度報告，亦即係 d 股民成日攞住嚟刨嗰本........不過，全年最大單嘅工作已經尚算順利過渡！雖然呢個禮拜日日都由 10:00 a.m. 做到夜晚大概 12:00 - 2:00 a.m.，不過會計部嘅同事 (Mandy) 仲犀利！上年我已經喺公司創下咗 OT 紀錄，做到凌晨 3:00 幾，點知 Mandy 喺今年出業績報告時同班 Auditors 打破咗我紀錄喎......佢哋成班人做到第二朝嘅 6:00 幾，Mandy 第二日返下晝，但班 auditor 好似係鐵人咁，第二朝如常十點幾已經見佢哋返嚟繼續摶命.......眼見佢哋一個二個個樣殘到不得了，仲要係 big four audit firm.......比著我，我會攞幾年經驗就唔做，後生遙遙，為乜事要捱壞自己身子呢？Audit 呢一行真係唔好做，全年都咁鬼忙，日夜癲倒，佢哋就快連阿媽係咩樣都唔記得啦！

***********************************************************

下個星期五就係小女子第二十六年生日.......唉，過多幾年，年齡將會係我嘅 "咪咪"，一切保密.......

唔知當晚會點慶祝呢？男朋友已經請咗假，我下個星期亦會遞假紙，期待中......

另外，就快到 15/5 啦，呢日我就會去 PN 拎對結婚介子，我好想快 d 收到，我一定會成日攞出嚟睇，或者影結婚相時都會帶埋去，到真係埋位影相時先帶上手.....始終結婚介子有佢嘅意義，我都唔想未到正式嗰日就成日帶上手玩。

我們的 Wedding Logo

呢排上網做資料搜集時，見到有好多網友都有為自己嘅婚禮設計咗個 wedding logo，所以手痕，自己又想整一個！起初都驚自己唔識整，因為我對一般畫圖軟件嘅知識真係少之有少，最叻都只係識得用小畫家。但見到既然有咁多網友都可以成功做到出嚟，我又的起心肝學吓，話晒距離結婚日期仲有大把時間，整定先的話以後都可以有得用，好過到時想整都整唔切！

之前睇網友 d blog 知道可以用呢幾種軟件去整：PhotoImpact，gif animator，Photoshop等等，但可惜我冇樣識，後來發現原來用 PowerPoint 都可以做到.......咁就好啦.....開正我嗰瓣......

以下係我嘅完成圖，我總共做咗幾個，有 d 其實唔係叫做最鐘意，不過見還掂整咗，貼埋上嚟囉....

P.S. 其實我唔明點解我一將個 PowerPoint file 轉 jpg 時就會變咗黑色底，白色靚好多架......無奈中......

(1)

(2)

(3)

我同男朋友都比較鐘意第一個 logo，不過呢個 logo 唔會係最後定稿，我一有時間都會再執執佢！但最緊要係搵辦法 delete 咗個黑色底先.......有冇人教我？

至於呢個 wedding logo 第時會喺邊樹出現......我已經有初步 idea 啦！好大可能會用喺觀禮邀請咭啦（因為証婚公司冇邀請咭提供），亦有可能會印喺請帖右上角，好似個郵票咁啦，有可能拎出去整貼紙啦，如果許可的話，都想將呢個 logo 用作酒樓 backdrop ...... 不過擔心又未必靚 ~ 其實仲有好多地方可以用到個 logo，我記得我 design 個 logo 時諗到好多架，不過宜家唔記得晒 lu ~

父母只得一個

媳婦說：
「煮淡一點妳就嫌沒有味，現在煮鹹一點妳卻說咽不下，
妳究竟想怎麼樣？」

母親一見兒子回來，二話不說便把飯菜往咀裡送。

她怒瞪他一眼。

他試了一口，馬上吐出來，

兒子說：「我不是說過了嗎，媽有病不能吃太鹹！」

「那好！媽是你的，以後由你來煮！」媳婦怒氣沖沖地回房。

兒子無奈地輕嘆一聲，然後對母親說：「媽，別吃了，我去煮個麵給妳。」

「仔，你是不是有話想跟媽說，是就說好了，別憋在心裡！

「媽，公司下個月升我職，我會很忙，至於老婆，她說很想出來工作，所以 ....」

母親馬上意識到兒子的意思：「仔，不要送媽去老人院。」

聲音似乎在哀求。

兒子沉默片刻，他是在尋找更好的理由。

「媽，其實老人院並沒有甚麼不好，妳知道老婆一但工作，一定沒有時間好好服侍妳。

老人院有吃有住有人服侍照顧，不是比在家裡好得多嗎？」

「可是，阿財叔他....」

洗了澡，草草吃了一碗速食麵，兒子便到書房去。他茫然地佇立於窗前，有些猶豫不決。

母親年輕便守寡，含辛茹苦將他撫養成人，供他出國讀書。

但她從不用年輕時的犧牲當作要脅他孝順的籌碼，反而是妻子以婚姻要脅他！

真的要讓母親住老人院嗎？

仔問自己，他有些不忍。

「可以陪你下半世的人是你老婆，難道是你媽嗎？」阿財叔的兒子總是這樣提醒他

「你媽都這麼老了，好命的話可以活多幾年，為何不趁這幾年好好孝順她呢？樹欲靜而風不息，子欲養而親不在啊！」親戚總是這樣勸他。

兒子不敢再想下去，深怕自己真的會改變初衷。


夕晚，太陽收斂起灼熱的金光，躲在山後憩息。一間建在郊外山崗的一座貴族老人院。

是的，錢用得越多，兒子才心安理得。

當兒子領著母親步入大廳時，嶄新的電視機，42吋的螢幕正播放著一部喜劇，但觀眾一點笑聲也沒有。

幾個衣著一樣，髮型一樣的老嫗歪歪斜斜地坐在梳化上，神情呆滯而有一個老人在自言自語，有個正緩緩彎下腰，想去撿掉在地上的一塊餅乾吃。

兒子知道母親喜歡光亮，所以為她選了一間陽光充足的房間。

從窗口望出去，樹蔭下，一片芳草如茵。

幾名護士推著坐在輪椅的老者在夕陽下散步，四周悄然寂靜得令人心酸。

縱是夕陽無限好，畢竟已到了黃昏，他心中低低嘆息。


「媽，我........我要走了！」

母親只能點頭。

他走時，母親頻頻揮手，她張著沒有牙的嘴，蒼白乾燥的咀唇在囁嚅著，一副欲語還休的樣子。

兒子這才注意到母親銀灰色的頭髮，深陷的眼窩以及打著細紋臉。

母親，真的老了！


他霍然記起一則兒時舊事。

那年他才6歲，母親有事回鄉，不便攜他同行，於是把他寄住在阿財叔家幾天。

母親臨走時，他驚恐地抱著母親的腿傷心大聲號哭道：

「媽媽不要丟下我！媽媽不要走！」

最後母親沒有丟下他。

他連忙離開房間，順手把門關上，不敢回頭，深恐那記憶像鬼魅似地追纏而來。


他回到家，妻子與岳母正瘋狂的把母親房裡的一切扔個不亦樂乎。

身高3呎的獎杯──那是他小學作文比賽「我的母親」第1名的勝利品！

華英字典──那是母親整個月省吃省用所買給他的第一份生日禮物！

還有母親臨睡前要擦的風濕油，沒有為她擦，帶去老人院又有甚麼意義呢？

「夠了，別再扔了！」兒子怒吼道。

「這麼多垃圾，不把它扔掉，怎麼放得下我的東西。」岳母沒好氣地說。

「就是嘛！你趕快把你媽那張爛床給抬出去，我明天要為我媽添張新的！」

一堆童年的照片展現在兒子眼前，那是母親帶他到動物園和遊樂園拍的照片。

「它們是我媽的財產，一樣也不能丟！」

「你這算甚態度？對我媽這麼大聲，我要你向我媽道歉！」

「 我娶妳就要愛妳的母親，為甚麼妳嫁給我就不能愛我的母親？」


雨後的黑夜分外冷寂，街道蕭瑟，行人車輛格外稀少。

一輛寶馬在路上飛馳，頻頻闖紅燈，陷黃格，呼一聲又飛馳而過。

那輛轎車一路奔往山崗上的那間老人院，停車直奔上樓，推開母親臥房的門。

他幽靈似地站著，母親正撫摸著風濕痛的雙腿低泣。

她見到兒子手中正拿著那瓶風濕油，顯然感到安慰的說：

「媽忘了帶，幸好你拿來！」

他走到母親身邊，跪了下來。

「很晚了，媽自己擦可以了，你明天還要上班，回去吧！」

他囁嚅片刻，終於忍不住啜泣道：「媽，對不起，請原諒我！我們回家去吧 ！」


～～後語～～

隨著自己愈長大，看著父母親臉龐從年輕變憔悴，頭髮從烏絲變白髮,動作從迅捷變緩慢，多心疼！

父母親總是將最好、最寶貴的留給我們，像蠟燭不停的燃燒自己，照亮孩子！

而我們呢？

有沒有騰出一個空間給我的父母，或者只是在當我需要停泊岸時， 才會想起他們……

其實父母親要的真的不多，只是一句隨意的問候：爸、媽，你們今天好嗎？」

隨意買的宵夜，煮一頓再普通不過的晚餐，睡前幫他們蓋蓋被子，天冷幫他們添衣服、戴手套……

都能讓他們高興溫馨很久。

有時，我常在想：我希望我的子女以後如何對我。

那現在，我有沒有如此對待我的父母？

我相信，人是環環相扣的；

現在，你如何對待你的父母；以後，你的子女就如何待你。

朋友，人世間最難報的就是父母恩，願我們都能：以反哺之心奉敬父母，以恩之心孝順父母！


～共勉之～

生命不要求我們成為最好的，只要求我們作最大的努力！

老人安養院牆上發現的一篇文章

孩子！當你還很小的時候，我花了很多時間，教你慢慢用湯匙、用筷子吃東西。

教你繫鞋帶、扣扣子、溜滑梯、教你穿衣服、梳頭髮、擰鼻涕。

這些和你在一起的點點滴滴，是多麼的令我懷念不已。

所以，當我想不起來，接不上話時，請給我一點時間，等我一下，讓我再想一想……極可能最後連要說什麼，我也一併忘記。

孩子！

你忘記我們練習了好幾百回，才學會的第一首娃娃歌嗎？

是否還記得每天總要我絞盡腦汁，去回答不知道你從哪裡冒出來的嗎？

所以，當我重覆又重覆說著老掉牙的故事，哼著我孩提時代的兒歌時，體諒我。

讓我繼續沉醉在這些回憶中吧！

切望你，也能陪著我閒話家常吧！

孩子，現在我常忘了扣扣子、繫鞋帶。

吃飯時，會弄髒衣服，梳頭髮時手還會不停的抖，不要催促我，要對我多一點耐心和溫柔，只要有你在一起，就會有很多的溫暖湧上心頭。

孩子！如今，我的腳站也站不穩，走也走不動。

所以，請你緊緊的握著我的手，陪著我，慢慢的。

就像當年一樣，我帶著你一步一步地走。

若為人子女也不懂得如何體諒他們，那他們便只能於痛苦中渡過餘生，黑暗中逝去....

愛情可以重新再找尋，但父母一生卻只有一個，要珍惜、珍重。

結婚介子的意義

每一天都會有新人結婚，交換結婚介指，但大部份人其實都忽略了交換配戴結婚介指的意義。

其實當中涵合著深詳的傳統價值。介指成環狀象徵著雙方永恒不變的愛。而古羅馬人更相信配戴指環的無名指是有血管直接連接到心臟，意味著一對新人對彼此真心誠意的愛。

埃及人最早使用戒指，在古埃及象形文字中，小圓環表示「永恆」；中國宋代已有珍珠戒指，意味著「家庭團圓」。在過去，男女將戒指當作定情物戴在左手的無名指上，因為那個位置正好有血管直搗心臟，用以比喻用心的真情。

帶介子，原來亦可叫稱介子責，即是話當大家帶了介子之後,大家相處時要互相介掉互相嘅指責！當大家相處後大家都會互相拍責對方的不是，對方的不關懷，對方的不盡責，令大家互相不滿，有違帶結婚介子的意義！應互相容忍，互相戒掉互相指責，互相聆聽，互相勸勉去面對大家嘅將來！ 

你對當中嘅意義你有無令會得到呢？若果你對帶結婚介子的原意有所誤解，你係時候更正你嘅思維喇！重新去你履行對結婚介子中的承諾！或者當你對對方不滿時，你可以模下你的結婚介子睇吓有無容忍嘅衝動！ 

我又表揚 "PN"

見到我其中一個 blogger 表揚介子品牌 PN, 令我諗起其實我都係搞事份子之一.......曾經喺落訂之後要求加刻結婚日期上去, 不過 PN 都好好, 比我刻呀!

話說我喺 3 月 2x 號去咗 PN 其中一間分店買結婚介子! 其實有一款介子我同男朋友一早都已經睇中, 但由於 expo 嗰時太多人, 加上又未真係決定買嗰款, 所以我哋係 walk-in 入門市買架! 睇過我之前篇 blog 嘅人都知道, 其實我決定買呢對介子之前, 前前後後都去混吉咗 3-4 次, 次次都冇幫襯, 揀完一輪款之後拍吓蘿柚就走人, 但個 sales 完全冇黑面不特止, 仲超級好笑容, 搞到我都有 d 唔好意思! 而且每次再去佢門市時, 個 sales 都認得我, 又好好記性咁攞返我之前有考慮過嘅款式比我再揀! 最後我哋都順利落咗訂買其中一款介子! 落單時因為可以免費刻名, 所以我哋就刻咗對方嘅名落隻介子度。

但事隔一個月 (即落訂後一個月左右), 我心血來潮想喺隻介子入面刻埋結婚日期, 所以我又打電話去 PN 搵人問吓, 點知原來佢哋都未做我嗰款介子, 趕得切加埋結婚日期上去! 不過由於我指環號數較細, 我帶 12 圈, 一般只可以刻 12 個字上去, 但男朋友個名 + 結婚日期總共有 14 個字, 個 sales 都好細心咁解釋比我聽, 刻完之後 d 字睇起上嚟會密 d 迫 d, 但當然我都照樣接受! 不過真係好欣賞 PN 佢哋嘅服務態度, 有笑容, 有禮貌, 搞搞震後唔會黑面, 唔 hard sell (我見過最 hard sell 係六福), d 款又多又靚, 唯一就係價錢偏貴......有 d 款真係貴到買唔落手! So far 都未聽到有人喺 PN 遇到不禮貌對待, 所以呢間公司係絕對值得一讚!

P.S. 如果想睇吓我個 blogger 喺 PN 發生咗咩事咁值得表揚, 你哋可以 click 下面寫住 「引用自：xxxxxxxxxx」嗰個 website 就一清二楚啦!

人的一生

其實我好鐘意睇呢類小品文章，睇完會有一番體會，不過往往我睇完的確係「體會」咗一陣，然後通常幾個鐘頭之後就會唔記得晒

今日又收到其中一篇......

 

遇到你真正愛的人時，要努力爭取和他 / 她相伴一生的機會，因為當他 / 她離去時，一切都來不及了。

遇到可相信的朋友時，要好好和他 / 她相處下去，因為在人的一生中，可遇到知己真的不易。

遇到人生中的貴人時，要記得好好感激，因為他 / 她是你人生的轉折點。

遇到曾經愛過的人時，記得微笑向他 / 她感激，因為他 / 她是讓你更懂愛的人。

遇到曾經恨過的人時，要微笑向他 / 她打招呼，因為他 / 她讓你更加堅強。

遇到現在和你相伴一生的人時，要百分百感激他 / 她愛你，因為你們現在都得到幸福和愛。

遇到背叛你的人時，要跟他 / 她好好聊一聊，因為若不是他 / 她，今天你不會懂這世界。

遇到曾經偷偷喜歡過的人時，要祝他 / 她幸福，因為你喜歡他 / 她時是希望他 / 她得到幸福。

遇到匆匆離開你人生的人時，要多謝他 / 她走過你的人生，因為他 / 她是你精彩回憶的一部份。

遇到曾經和你有誤會的人時，要趁現在解釋清楚，因為你可能只有這一次機會解釋清楚。

人生就只有那麼一次機會可以去做這些事......

資深新聞報道員伍晃榮病逝

今日返到公司 check email 時，收到一個朋友 send 嚟嘅 youtube video，係資深新聞報導員伍晃榮離世嘅消息，終年 67 歲。本來都冇諗住特登開一篇 blog 去講呢個消息，不過話晒佢都係香港人其中一個 trademark，所以就貼一貼上嚟啦 ~

其實呢個消息對於我自己冇好大嘅感覺，只係覺得消息好突然，早排先喺電視見到佢做「新聞話事人」特輯，個人仲健健康康咁，家吓就話佢走咗 lu....

我諗作為一個體育新聞報道員，最想就係睇到今屆嘅奧運，可惜佢睇唔到 lu ~ 聽聞奧運第一次傳聖火傳到香港時，伍晃榮都有在場見証及報導，所以佢好想喺今年奧運再一次見証，可惜，聖火都未傳到香港，佢就....

p.s. 我唔識得喺 youtube 轉貼 video 上嚟 yahoo blog，所以就 click 以下條 link 啦，不便之處，請諒！

http://hk.youtube.com/watch?v=qePhpLf_ZdA

我仲節錄咗佢其中一 d 金句，睇睇吓都覺得幾好笑！

「波係圓嘅！ 」
「朗拿甸奴好波起上嚟，其實真係好好波。」
「烏龍波都係靚波。」
「12 碼只有兩個可能性，一係入，一係唔入。」
「救到呢球世界波嘅，唔係龍門，而係條柱。」
「有乜嘢比入一球波更好呢？答案梗係入多一球啦！」
「千祈唔好以為呢場波好緊張，係我講得緊張咋！」
「幾時都話龍門柱係守門員最好嘅朋友。」

一路好走，希望佢屋企人節哀順變啦！

新娘化妝 - 我終於揀到啦!

今日上咗去 Shirley Kam 度試妝啦.......我......我......我終於都搵到一個啱自己心水嘅 mua 啦, 嗰一刻真係覺得放下心頭大石!!! 雖然仲有一 d 地方我覺得需要同佢傾一傾點搞, 但起碼好過晒之前我試嗰兩個 mua 先啦! 嘩.......終於有覺好瞓啦..... Yeah!

講返今日試妝, 我一共試咗三妝三頭, 即係褂妝 + 婚紗妝 + 晚裝.....試晒三款! 上到佢屋企, 佢比咗一本相簿我哋睇, 揀一揀自己鐘意咩髮型再話比佢知, 咁佢就知道我大約要咩款式啦! 我當然揀咗我之前嗰篇 blog d 相比佢睇啦! 咁佢就開始同我 set 頭啦! 其實除咗個褂頭爭少少之外, 所有嘢我都好滿意, 我應該會 confirm 佢啦! 最緊要就係連我男朋友都睇得出佢化得好過 Amy 嘛! 唉, 終於決定到啦.....各位睇相啦.....(雖然化得唔係話特別靚, 但今次應該唔會嘔啦啩......)

(1) 裙褂 - Shirley 話我個面型其實好多款褂頭都 ok, 但因為有少少長型面, 只要唔好再喺頭頂上 set 嘢, 其實已經 ok, 不過 set 完出嚟唔係我最鐘意嗰 d 褂頭)

(2) 婚紗 - 呢個婚紗 look 我真係超超超鐘意, 我出嫁嗰日一定會 set 返呢款頭!!!! 愛死!!!

(3) 晚裝 - 呢個都唔錯, 但稍為好似老氣咗 d, 成熟咗 d 咁, 不過唔緊要啦, 最緊要佢手勢啱我啫, 髮型呢家嘢可以慢慢同佢傾!

大家覺得呢位 Shirley 化得好我唔好呢? 我自己就幾滿意啦! 雖然佢可能唔係最好嘅 mua, 但起碼係我最鐘意嘅一個!

至於價錢, 佢嘅 package 係咁嘅:

$3,880 全日貼身服務

- 包新娘化妝 + set 頭

- 包伴娘早及晚一次化妝 + set 頭

- 包頭飾外借

- 包首飾外借

- 包兩位親友化妝 (如要 set 頭, 每位 $100, 如要補妝, 每位 $50)

- 包身體彩繪

- 7:30 前到達, 每一小時加收 $100, 不足一小時亦當一小時計, 再加的士錢 (由荃灣出發)

我計過條數, 如果我 confirm 佢, 我總共要比 $3,880 + $100 (媽咪 set 頭, 但奶奶唔洗) + $200 (早上 6:00 左右到) = $4,180 + 的士錢........我覺得 ok 啦! 之前 confirm Amy 嗰 $1,000, 諗諗計仔睇吓有冇得退錢先, 如果冇的話都冇辦法, 唯有當用 $1,000 買返自己 d 試妝相返嚟囉! 我聽日就會 confirm Shirley 架啦! 好嘢, 終於搞掂咗 mua!!!

順帶一提, 唔知睇緊我呢篇 blog 嘅朋友們有冇打算 book Shirley 做 mua, 今日臨走時同 Shirley 傾咗一陣, 佢都話宜家 update 緊個 price list, 好快會加價, 不過我冇問佢加幾多, 所以如果有網友想 join 佢, 好快 d 啦!

我鐘意的新娘造型 - 婚紗及晚裝篇

上一篇講完我鐘意嘅裙褂造型，今次要講一講婚紗及晚裝造型啦！由於我成日都覺得婚紗同晚裝頭可以互相啱用，所以就 group 埋一篇去講....

之前我都講過，我男朋友比較鐘意我放返 d 頭髮落嚟，如果唔係因為裙褂要紮起 d 頭髮，我諗佢會連裙褂頭都想我放頭髮添呀！至於我呢，其實我冇咩所謂，只要唔會梳起晒我前面 d 陰，搞到一 pat 嘢撻喺個頭頂度，咁就 ok 啦（如果唔明的話，一陣有相睇）！為咗遷就男朋友呢個意願，我都搵咗 d 相，都係嗰句 ......... 希望襯我啦！

男朋友一望呢個髮型就覺得好靚，襯婚紗簡直係一流！我自己都幾鐘意，尤其是如果 set 嚟註冊 march-in 會幾好！我一路都覺得註冊 march-in 會帶頭紗，咁 d 頭髮一係就紮起晒，一係就好似佢咁囉 ~ 話晒婚紗都係一件好高貴好莊嚴嘅禮服，搵個簡簡單單嘅髮型就最好啦！（當然頭花係另計啦，我都覺得佢放咗太多花啦）

其實除咗以上呢個 look 之外，以下呢 d 我都幾鐘意，set 做婚紗 look 又得，晚裝 look 又得 ~

仲有呢一款造型，有晒前面、側面同後面，超級清楚......

睇咗咁多張相，其實大概都知道我 buy 邊一種髮型啦.......講真，如果要放頭髮落嚟，冇乜造型可試，嚟嚟去去都係咁 set 架啦 ~

睇完我鐘意嘅髮型，又睇睇我唔鐘意嘅髮型先........

我就係唔鐘意搞到我個頭咁啦，不論不類，頭頂有太多嘢啦，我唔鐘意比人搞我 pat 前陰，乖乖地、靚靚地咁梳埋一邊，由佢擺喺度就得啦，我唔需要太花巧.......我諗我嘅要求超簡單，好多 mua 都一定做得到，賺我錢都應該幾容易，不過做得到還做得到，靚唔靚又係另一回事 ~

睇完咁多相，大家覺得點？ ok or not？

期待星期日去試妝.........希望一 take 過！唔洗再喺呢項 item 上繼續煩落去.......

God Bless Me...........

我鐘意的新娘造型 - 裙褂篇

揀完一輪，我最終都決定去試 Shirley Kam 而放棄 Jasmine Lau，因為我發覺 Jasmine Lau d 妝都好似好一般，唔敢再 side 錢去試 lu ~ 所以順手打咗電話比 Shirley 約佢今個星期日下午去試妝，我一共會試三妝三頭，試晒裙褂，婚紗及晚裝造型，希望到時化得好好睇睇，等我快 d 了結咗呢一件令人咁傷腦筋嘅事啦！最怕到時佢又係麻麻地，我都唔知點揀好...

Shirley 叫我當日最好著白色或黑色嘅吊帶或 low cut 衫去試妝，咁就可以明顯 d 試到個效果啦！另外，佢都建議我多 d 同佢溝通，等佢知道我鐘意咩造型，咁就唔洗盲摸摸啦......佢仲叫我最好搵 d 鐘意嘅造型相比佢，佢會再進一步幫我諗，比意見我，所以我就好聽話咁搵咗以下幾款新娘造型，都係一 d 我自己比較鐘意嘅髮型......不過，鐘意還鐘意，始終未 set 過上頭係唔知道襯唔襯自己，所以我都會帶定 d 相去先，到時再等 Shirley 比意見我.......宜家我就將呢 d 相放上嚟，你哋不妨都比比意見我，睇吓我又適唔適合 set 呢 d 髮型吖！先講裙褂髮型，婚紗及晚裝髮型會喺另一篇再講。

其實褂頭我接受能力都 ok 高架，只要唔好同我 set 到 d 頭髮側埋一邊就 ok 啦！

以下呢四款都係我比較鐘意嘅裙褂頭：

而我話唔鐘意佢 set 埋一邊嘅就係咁啦，好似好唔 balance：

我亦唔鐘意將個褂頭咁 set 法，好似一舊舊咁，唔靚 ~~~

下面呢一幅更加行貨，好似求其紮埋一舊就交貨........no no no！

你哋又覺得點呢？會唔會唔襯我嗰塊........長一長嘅面型呢？

新娘化妝 - 點揀好?

經過連日來各位網友好言相向, 我都係決定試多 1-2 個 mua! 原本打算試 Kit Chiu, 佢喺 esdlife 都算幾出名, 而且收費都唔算太貴 ($3,688), fit 我 budget 之餘所包嘅嘢仲合晒我心意, 本來諗住今日打電話約佢試妝, 可惜...晴天霹靂, 有一位喺 esdlife 同我同日結婚嘅姊妹 book 咗佢 (kass, 你識佢架 - 紅粉小簿簿呀).......算啦, 鬼叫自己猶疑咁耐咩! 都話我結婚嗰日係勁旺日架啦! 又一次觸礁!!!! 不過準備結婚又未搵 mua 嘅網友, 你哋可以睇睇佢嘅作品, 呢個 mua 好似都幾掂...

http://www.flickr.com/photos/kits_make_up
http://angelbeauty-wedding.com/album/model/index.html
http://angelbeauty-wedding.com/album/makeup/index.html

仲有 esdlife 用家評語

http://comtools.esdlife.com/wedding_forum/viewtopic.php?t=98712&postdays=0&postorder=asc&start=310

***********************************************************************

今次唔只我一個話佢 ok, 打算搵佢試妝前都問過幾個 blogger 嘅意見, 佢哋都話呢個 mua 試得過, 可惜, 我已經冇期啦! 所以我講咗我嘅 budget 比 Kit 知, 等佢介紹另一個 mua 比我, 好快就有回音... 有一位叫做 Jasmine Lau 嘅 mua 打比我, 以下係佢嘅 package:

(全日貼身化妝)$3888-

1.早上6:00am到達天水圍女家化妝,(附加費$680) <--- 唔知呢 $680 計咗入去未

2.包借埋少量首飾、全部頭飾

3.join全日可以任轉造型

4.package包埋兩位媽媽 & 1個伴娘 ! 會幫她們補妝

5.會送假眼捷毛同修眉

6.送面膜服務一次

 

仲有一 d 佢嘅作品, 只有好少量咋, 佢冇 send link 比我, 大家照睇先啦, 不過我會問佢攞多 d 相架啦!

*********************************************************************

之後我又收到好多毛遂自薦嘅 mua email, 其中一個叫 Shirley Kam, 佢.....又好似 ok 喎, 收費都算合理, style 又好似唔錯, 以下係佢嘅收費:

全日貼身不限次數轉造型 HK$3,880.00
	服務包括 – ．新娘化粧、轉粧及髮型設計 (轉粧不限次數，免費外借頭飾、首飾及假髮) ．伴娘化粧 (早晚各1次) 及 髮型設計1次 (包頭飾借用) ．新郎化粧 (遮瑕修飾) ．2位化粧 (媽咪/奶奶/親友/姊妹) (補粧每位另加$50，髮型設計每位另加$100)

(因為我媽咪係長頭髮要 set 頭, 至於未來奶奶短頭髮, 可以只同佢化妝唔洗 set 頭...慳返 $100)

作品 link:

造型相片: http://www.fotop.net/ShirleyMUA

化妝網頁: http://www.shirleymakeup.com

仲有 esdlife 用家評語

http://comtools.esdlife.com/wedding_forum/viewtopic.php?t=78990&start=1180&sid=4ed3de249261e53581447a145a4d0def

***********************************************************************

其實如果要我揀, 我會偏向揀 Shirley Kam 多 d, 因為佢好似真係好有經驗, 或者因為佢比到好多相我參考啦! 而另一個 Jasmine Lau 睇落都好似 ok, 但同 Shirley 比較的話佢好似遜色咗少少, 所以........又係要大家幫眼嘅時候啦, 呢兩個我都對佢哋有少少信心, 不過就算比佢兩個嘅 job photo 我睇埋, 我都唔識分好定壞, 所以....麻煩你哋又比 d 意見我吖, 睇吓佢兩個試唔試得過, 無謂浪費時間浪費錢!!! 唔該晒你哋!

新娘化妝 - 猶疑....

首先要多謝咁多位網友喺我 confirm mua 嗰度比咗好多寶貴嘅意見, 綜合各位嘅意見後, 大家都認為我個 mua 化妝及 set 頭技術尚算 ok, 但唯一拍攝技巧令人咋舌, 但..........其實你哋係咪做緊善事架咋?

其實我自己知自己事 (面型嘅問題), 加上有一位真心對我好嘅網友 ms818 (當然我唔係話你哋對我唔好啦, 只係我真係幾熟悉佢性格啫) 狠評我個 mua 手勢, 所以我宜家都有 d 卻步! 講真, 如果大家真係覺得佢 (mua) 唔好, 真係不妨同我單聲, 雖然現階段我已經 confirm 咗佢, 仲比咗 $1,300 訂金, 但新娘化妝呢一 part 真係極度重要, 如果大家認為佢唔得, 我係絕對唔介意換過個 mua 架!

或者咁啦, 我比我個 mua 嘅 job photo 比大家睇睇, 其實我睇返佢 d 相, 又發覺佢都化得幾 ok 架喎, 只係我 d 試妝相咁得人驚啫......所以我都諗緊係咪我樣嘅問題呢? 如果真係我嘅問題, 其實我搵邊個 mua 化妝都係會嚇親人架啦, 咁又有冇必要換過個呢? 唉! 又要煩, 睇嚟今晚又會訓唔著啦!

my mua website:

http://hk.myblog.yahoo.com/linlin628/gallery?

其實佢都好似有好多經驗咁, 而且......呢個 mua 原來喺一間化妝學校教化妝, 間學校叫做 Portfolio, 位於銅鑼灣恩平中心某一層, 以我所以, 間學校嘅老闆有 Gary Chung (星級化妝師), 仲有歐陽妙芝, 聽落佢來頭又好似唔少, 我真係唔知點算好呀! HELP!!!!