爆響口之唔出得街

2010 年 10 月 23 日 (星期六)

終於，終於我都有得睇呢個 III (三級) talk show!!!

門票實在得來不易! 話說當初只得 2 場，衰又衰在喺 Poly U 搞，個館嘅座位只得 3XX 個，而且主辦商實會 hold 起大部份座位，個 show 公開發售時未夠 10 mins 門票已經全部售罄!!! 之後 903 聽眾怨氣震天，決定加..... 1 場咁多~ 以為我有機會買到飛，點知又係爆到九彩~ 唯有上網搵飛.... 你老闆吖... 門票定價最貴只係 HK$280，yahoo 拍賣有人夠膽死賣到 $500/張，洗唔洗咁狼呀? 結果我就同佢鬥長命... 開 show 前一星期先再搵飛... 結果，我只係用 $280 就買到 $180 嘅飛，每張比人賺 $100，算係執返身彩啦!

之前都講過，我實在係 buy 余廸偉呢個 DJ，雖然個 talk show 絕大部份涉及 III 成份 (粗口 / 意淫樣樣齊)，但我認為呢 d 乃係人之常情... 同我熟嘅人都知我平時久不久都會滲兩句... XP

真係一票難求，買黃牛飛都只係坐尾四行，仲要坐 Balcony... 世界難撈呀老友~

3:00 多 dd 開 show (因為睇日場)，全場有 150 mins，我只係比 $180 入場，認真抵睇! 嘉賓有葛民輝，卓韻芝，主辦商亦超大手筆，即慶請咗 2 個觀眾上台玩，一個玩完送咗一件紀念 tee + Nokia N8 手機，另一個有 Tiffany 手鍊... 恨死隔離! 由於全場 d 保安睇得好緊，唔可以影相，唔可以拍 video，只係最後一 part，當鄒凱光咀咀余廸偉時先可以影相... 兩男互咀，我都係第一次見...

總括嚟講其實都幾好睇，粗口演繹得幾搞笑，性愛嘅嘢幾有道理，全個 show 笑到得唔到口，仲笑到喊添，相信我嘅法令紋深咗好多 -_-"

完 show 後，兩個 DJ 走出嚟賣廣告，呼籲大家買多 d 紀念品，但係我冇買... 因為冇咩嘢啱心水... 不過兩位主角竟然不厭其煩逐個逐個影相~ 本來離開咗嘅歐陽氏夫婦，因為行錯路折返而得到一個合照嘅機會! 仲學人拎咗張門票比兩位簽名添!