升呢日之《送客篇》@ 我係歐陽家大少奶.

2009 年 11 月 21 日（星期六）

上回講到老公同兄弟們繼續隊酒，比人隊又好，隊人又好，總之就開始亂啦！另一邊箱，我老豆亦開始癲啦，佢請咗兩圍自己嘅朋友＋同事，全部都係飲飲飲~~~ 酒樓嘅侍應都分成兩邊，一邊 serve 我老豆，另一邊就 serve 我老公，而我就梗係同 d 賓客喪影相啦，唔係扮咁靚做咩呀！

伴郎，你係咪要出手幫新郎頂酒呀？

要再次多謝林氏夫婦及嘉芙蓮出席我嘅婚禮，我記得你哋話要嚟分享我嘅快樂，多謝你呀！

時間過得好快，尤其是敬完酒之後！

我記得我影相影得 7788，見老公仲興高采烈咁飲緊酒，以為自己有機會食多少少嘢頂一頂肚，甫坐低冇耐，同伴娘都傾唔夠兩句，酒樓經理叫我可以開始準備送客。吓？咁快嘅... 唯有放低筷子同埋兄弟姊妹們出去門口列隊準備...

送客相有好多，我估攝影師都係立亂影一餐，不過咁都好，所有 moment 都冇 miss 到！

呢位係我同事，你睇歐陽生，點可以話佢唔係飲醉呢！（註：佢同我呢位同事見過幾次，雖然人哋都係玩得之人，但係真係嚇親人！）

送完客後，一班 friend 過打 band 嘅朋友，兄弟姊妹原形畢露，狂影相，仲要擺埋 d 騎呢 pose...

睇下老公冧到呢...

再之後，攝影師叫我哋坐低，講下今日嘅心情，幫個 video 拍埋 ending，所以我哋都好乖，諗定晒要講咩，（不過 so far 我仲未睇返隻碟，hahaha）

拍完 ending，影完所需嘅相後，我當然唔會放過呢條樓梯，點都要影返少少相！

姊妹們都一齊嚟影啦喂...

赤腳背後有個笑爆咀嘅故事，不過就一於長留各姊妹心中當做一個回憶啦！點都要再多謝你哋當日嘅幫忙！I LOVE YOU ALL!!!!

 

嘻嘻，太好啦，我終於可以 post 晒 1121 嘅相啦！聽日就出發去沙巴渡過結婚一週年，希望所有 1121 嘅戰友都好好 enjoy 呢一日！各位仲要加油努力造人呀，不過暫時冇我份，嘻嘻！