Jenny's Blog: 升呢日之《接新娘篇》@ 我係歐陽家大少奶

真係好對大家唔住，到婚後兩個月先 update 個 blog，仲要只係講緊 1121 嘅 Part II，so sorry........！由於朋友提醒原來攝影公司會送兩本相簿，制作時間要一個月多 d，我先拿拿臨 sort 相比佢哋做，以致拖慢咗 update blog 嘅進度... 大家記得唔好離我而去呀~~~~~~ (遠處呼喚，feel 唔 feel 到？）

2009 年 11 月 21 日 (星期六)

男子組浩浩蕩蕩上到 36 樓後，就要開始接受考驗。睇下歐陽生，趕住娶老婆呀！

好啦，闖關失敗，接受考驗吧啦！首先著咗 d 性感內衣先啦，益你哋呀！睇下大家著得幾開心，原來你哋咁鐘意著嘅...... 歐陽生仲著到高低胸添！

遊戲正式開始！

首先唔該你哋喺空地轉 19 個圈，再跑過嚟壓爆 d 氣球，但係唔准用手／腳！

↑ 呢位黃色內衣人兄...... 你偷雞都偷得幾明顯下，唔好以為我哋盲至得架！轉圈呀，宜家你腰骨痛呀？

↑ 一個二個都側側膊... 左手穿過右手摸住耳仔轉圈呀...... 家陣你哋 d 耳仔生晒落手臂？最右邊嗰位兄弟就最啱啦！

↑ 眾姊妹：19 個圈呀，宜家係咪唔識聽數目字？

最終姊妹們真善良，9 個圈已經收貨，如果我在場，轉唔夠 19 個圈都唔洗旨意企返直個人！

OK，去爆波啦！唔准用手用腳！！！

↑ 點知...... 一個二個扮晒時運高聽唔到，手手腳腳出齊晒，個波唔爆都爆咗啦，冇計啦，又要被迫比你 pass... 都係左下角嗰個兄弟最守規矩（大家留意，同轉圈嗰個係同一人）

下一關啦...... 先笠絲襪，講 d 恭喜說話，然後兄弟間互扯。

↓ 喂，笠絲襪呀，啱啱喺國內落嚟聽唔明廣東話呀？笠呀，唔係戴上面呀！！！真係火到嚟埋！邊個話 gel 咗頭唔可以笠呀？咁你哋玩晒啦！娶老婆咁容易呀？右上角、左下角嗰兩位大佬，呢 d 叫笠呀？頂 x 10000000000000000000！！！

再一次，如果我在場，我親自同你哋逐個逐個笠又點話... 結果呢個遊戲 cancel！

好啦好啦，戶外遊戲玩完，返入屋再繼續！

↑ d 兄弟真係茅到出汁，我喺 video 睇返，條囍字帶一早比人踢爛咗（又係黃色內衣嗰個人），歐陽生你唔好扮踢爛呀！慳 d 啦你！

↓ 入到屋繼續... 唔洗咁嘅表情嘅，我 d 遊戲唔係好難啫！

下一關就要用奶樽飲廿四味，同時用腳夾麻雀... 易到爆啦！先飲勝啦！

喺攝氏 12 度情況底下，赤條條咁浸住 d 冰，應該爽上加爽啦，真係羡慕你哋有得浸腳！^^

↓ 歐陽生好麻煩... 一味大嗌話我 d games 唔 make sense，話飲住嘢夾唔到麻雀！妖！我特登架...... 唔通要我遞隻麻雀攝入你腳趾 "la" 好冇？

↑ 睇下伴郎（右）飲得幾陶醉... 佢應該好耐冇飲過廿四味... 嘻嘻！

↓ 又比我發現有人出茅招...... 竟然開蓋飲？？？

唔知點解，對於我呢個只可以聽冇得睇嘅新娘嚟講，喺咁多個遊戲裡面我覺得最好聽就係呢個夾冰遊戲！話說我哋規定新郎要夾中一索及南，其餘兄弟就要夾晒萬子出嚟先過關，當然裡面溝埋其他無關痛癢嘅麻雀啦！

伴郎好勇，佢二話不說用腳掌先撥開一舊大大大冰，方便其他兄弟及歐陽生去夾麻雀。其實我都知真係好凍，當大家差少少就過關時，我聽到（好似係伴郎）大嗌：「吖～夾到啦！」（語氣中係興奮無比），3 秒後伴郎再怒吼：「妖！8 筒嚟嘅！」哇哈哈哈，我喺房入面聽住佢哋講嘢真係笑到肚痛！極度建議喺嚴寒中出嫁嘅新娘子考慮下呢個遊戲，聽住 d 兄弟 he he hai hai 真係好過癮！！！

下一關...... 唔該喺呢串甜酸苦辣爛臭襪中用口咬返 d 糖果／朱古力出嚟食！