2009 年 11 月 21 日（星期六）
吉時到，要跟佬走啦... so far d 時間都控制得好好，但係一陣就知瀨嘢...
我嘅撒米專員真係好 pro 囉！周不時比佢 d 米扔到，歐陽生 d 褸袋呀，皮鞋呀，電話都 "zip" 住晒 d 米！不過... 我鐘意～ 咁至夠開心架嘛！
落到地下，姊妹們列隊拍手歡迎我跟佬走，遠處已經見到一架好搶眼嘅古董花車等緊我哋 2 個，突然覺得自己好有闊太 feel... 因為有人幫我哋拎嘢，有人開埋車門，好好服侍...
同架花車影咗少少相之後，係時候去男家拜見老爺奶奶，當時嘅時間真係預得好準！以為一切都盡在自己掌握中...
開車啦... 目的地係沙田！由於 1121 係超旺日，之前都同其他 1121 盟友講過，如果喺屯門公路相遇，要記得打招呼... 點知，真係比我遇到一個！！！佢就係一向同我好有緣嘅 CiCi！
話說 28 座緊隨主花車附近幫我哋影相及拍 video，當我哋 pose 緊時，突然聽到有人呠我哋喎，繼而就傳嚟一陣尖叫聲.... 當時我都仲未知咩事，不過歐陽生拍一拍我隻手，同我講：「CiCi 呀！」呵呵呵，估唔到真係遇到佢哋，我同 CiCi 只有一個眼神交流及 Hello 咗一嘢，連佢老公都未有機會望清楚，佢架花車已經喺 0.00000001 秒間飛走咗啦...... 不過由於我哋之前擺緊 pose 比攝影師影相嘛，結果將呢一幕攝入鏡內，成為我唯一一張同 1121 盟友嘅合照！Video 就真係地見到佢哋架花車好快飛過！原來佢哋遲咗啦，趕住去註冊～
↓ 相片中仲見到 CiCi 揸住佢個花球，大家可能要落少少想像力～
45 分鐘後順利抵達男家！幾時都話 1121 超旺日，出門時喺樓下已經見到有另外兩對新人出門（即係計埋我有 3 對），好在我哋嘅花車隊伍準時到達，霸咗個靚位泊車。去到男家樓下，又有另外 1 對新人入門，今次我哋同佢哋嘅車隊只差 10 秒之隔，又比我哋霸到靚位泊車，佢哋就可憐少少，要泊喺垃圾收集站隔離啦...
指定動作 --- 影相～
男子組係時候出糧啦！
其實開始驚驚地，因為時間已經有少少 over run 咗，原因係我一路以嚟都計漏咗同花車合照嘅時間！女家樓下影咗 15 mins，男家樓下又影咗 15 mins，換完婚紗落樓時再影多 15 mins... 我真係好心急，諗緊好唔好出聲叫師父唔好再影相，因為註冊唔遲得，但係我又唔忍心叫佢唔好影... 恃住自己 book 咗註冊 1 hour，諗住遲極都有個譜，結果都係照影～
攝影師 d 相有 d 都幾有驚喜... 特登將呢張做咗懷舊 effect，又有另一番味道！
無得再拖啦，真係要上樓敬茶啦，渣渣臨連追帶跑咁衝入 lift...
好在男家需要斟茶嘅人唔多，只有老爺奶奶及姨姨一個，唔洗 5 mins 就完成。攝影師都好識做，指點我哋咁咁咁，拍埋個上午 video ending 就即刻放我去轉婚紗 look！兄弟姊妹們都係時候醫醫肚啦！
沒有留言:
張貼留言