原來做咗阿太之後，人真係會懶咗。心入面其實有好多嘢想寫，但係好似冇咗推動力，又無從入手咁...
想寫商戶評價...... 唔知由邊樹開始講起；
想寫出售婚後物資...... 好懶，遲遲都未逐一影相；
想寫上頭日花絮...... 未收齊相片，又懶去追；
曾經有諗過好唔好先寫當日花絮，不過又未收到攝影師 d 相，朋友代影嘅相片正，但係唔多，我同歐陽生兩個細佬影嘅相都好言之無物咁，無主角、無焦點，唔知佢想影乜... 結果，掙扎過後都係決定照寫，等收到攝影師 d 相之後再寫過一篇更 detail 的，希望大家唔會睇厭！
待出門 @ 女家天水圍
早上，化好個妝就立刻同屋企人影返張相先！
註冊 @ 緣美傳說
進場啦，我同我老豆嘅笑容好一致，一睇就知係兩父女！
冇記錯好似係陳陳廸幫我影呢幅相，太太太喜歡個紅蝴蝶結，些些！
其實讀誓辭呢個位應該好感動至啱，不過當時突然諗起歐陽生早上接新娘讀愛的宣言時，充份感受到原來佢有讀寫障礙，好在佢呢一刻冇病發，但真係唔好意思，我一路聽住 d 誓辭一路諗返個情景，嗰一刻我笑咗一嘢！
輪到我啦！各位姊姊妹妹都話歐陽生強忍緊淚水，但係睇相唔係好覺喎，你哋有冇昆我呀？
揭頭紗啦，好緊張，前一晚迫歐陽生多多練習，佢又唔睬我...... 好在化妝師好人，幫我 final 試妝時教咗佢一次，上到去行禮時緣美傳說嘅 staff 再同佢排一次，當日歐陽生表現 excellent 呀！
指定動作啦...... 掌聲開始收啦，我哋都未錫完......
喜宴 @ 麒麟閣
左邊呢位就係好幫得我手嘅未來弟婦，聽聞仲讀緊個 wedding planner course 架！
似打車輪嗎？我一睇到呢張相都愕一愕然... 但其實只係角度問題。
我嘅致辭好淡定架，算係有笑有淚嗰隻，會喺眼眶「郎郎」下但唔會流出嚟。點知一到歐陽生，就比佢搞喊... 詳細情形等收到攝影師 d 相再交代啦。
嘩...... 呢張真係花絮中嘅花絮... 我酒醉後嘅老爹（失禮失禮），攤喺酒樓門口訓著咗，仲嘔到一地都係，此情此景... 仲等咩呀？我細佬立即替佢留影啦！
話唔定佢覺得佢個女終於嫁得出，開心得滯飲大咗兩杯......
*********************************************************************************
2009 年 11 月 30 日（星期一）
太搞笑啦！！！！！
上一篇講到我有嗌「奶奶」嘅煩惱，估唔到原來我奶奶有著同樣嘅煩惱！
原來，佢好認真咁諗過應該點去稱呼我，仲煩惱到打比歐陽生問佢意見... 以下係奶奶自己嘅見解：
嗌「家嫂」 --- 覺得好老土；
嗌「Jenny」 --- 覺得同未結婚前一樣，佢唔想；
嗌「xx」(小妹中文名最後 2 個字) --- 驚我聽唔慣；
嗌「xx」(小妹中文名最後 1 個字疊字) --- 怕太 cute
hahahahahahaha，歐陽生事後講返呢件事比我聽，我第一個感覺係覺得呢個奶奶太可愛，除咗「可愛」，我已經諗唔到其他形容詞！
乜原來一個稱呼會令咁多人煩惱！乜原來佢咁 take it serious！不過好開心原來佢咁認真對待大家呢個新身份、新開始！
o個張真係好似打車輪呀!!! 我睇到都呆左一呆.... 你奶奶真係好可愛!! 上次見到佢識send sms已經覺得好勁~ 點知佢同你一樣連個稱呼都咁緊張~^^
回覆刪除[版主回覆12/03/2009 11:43:00]hahaha, 我自己都覺得好似, 不過真係角度問題啦, 當晚完全冇喺鏡頭面前做呢 d 嘢!
係! 估唔到一個稱呼都令大家咁緊張~
睇到你編blog真係好warm呀﹗歐陽太，你要打好呢份工~
回覆刪除[版主回覆12/03/2009 11:43:00]係呀... 新抱唔易做, 仲要係初歸嗰隻..
歐陽太太....睇完的當日的情況, 感到好開心,好感動....
回覆刪除請你有時間就再慢慢寫....期待你的照片.....
[版主回覆12/03/2009 11:43:00]多謝支持! 最想快 d 收到攝影師 d 相, 到時一定會勁寫!
好 sweet 呢.... 歐陽太努力，期待妳o既靚相 & details 花絮！
回覆刪除[版主回覆12/03/2009 11:44:00]多謝! 你都要努力呀! 大家一齊做靚太! 我好想快 d 睇到大家 d 靚相呀!
唔緊要啦，慢慢寫啦，我會逐編追架啦。
回覆刪除我都有好多野想寫，但仲未寫得出，到目前為止，我仲係覺得好多手尾要做好忙。
不過睇你d想覺得你個樣好似有d攰咁，不過可能依d係非專業相所影得唔好啦，期待你批相呀！
[版主回覆12/03/2009 11:45:00]係? 攰? 當日又唔算好攰, 因為我真係覺得好好玩! 可能之前嗰幾日 d 疲態走晒出嚟.... 哎吔... 失策....
好靚呀
回覆刪除我件婚紗都有果好靚既綠色蝴蝶結o家, 不過我果photop 冇幫我影到, 嗚嗚嗚~
[版主回覆12/03/2009 16:55:00]我都唔知自己個 photop 有冇幫我影架, 呢張相都係出自朋友手...
我連寫既心機都無，你好我好多架喇！^^
回覆刪除[版主回覆12/03/2009 16:56:00]haha... 大家咁話, 唔知點解會有呢個轉變!
咁結果你奶奶點嗌你呀
回覆刪除[版主回覆12/03/2009 16:56:00]暫時都仲係叫 Jenny 呀, 歐陽生話因為我未表態喎~
妳會出篇專訪訪問歐陽生婚後感受嗎?
回覆刪除好有興趣喔~
[版主回覆12/03/2009 17:04:00]咦, 既然民眾有要求, 等我問下佢有冇興趣接受專訪先, wakakak~
可能有d相始終唔齊,想講又講唔到好難形容...畀我都會既,哈哈~ 唔緊要啦~慢慢來了~我地一齊慢慢[研究]下點寫1121...呵呵~ 你就黎去日本[蜜糖月]啦...真係想去埋一份,嘩哈哈 V
回覆刪除[版主回覆12/04/2009 11:33:00]或者係因為咁啦, 有好多情節想講, 可惜又冇相喎... 唔知點表達~
你咪玩嘢啦.... 你啱啱去完沙巴返嚟, 又想出國? 宜家晚晚睇到富貴門嘅沙巴景都諗起你兩公婆呀!
好欣賞你致辭可以好淡定, 我到時一定緊張到咩都唔記得咗.
回覆刪除[版主回覆12/05/2009 12:02:00]係呀, 唔知點解可以咁淡定喎, 仲冇乜漏過 d 謝詞, 齊晒咁滯...
你奶奶真係好可愛呀, 起碼佢會好認真咁去諗點樣稱呼你, 唔會就咁叫阿喂~~kekeke證明佢都好重視你呀!
回覆刪除我奶奶一開始係我未嫁之前, 已經自己決定左點叫我係最舒服, 就係
嗌「阿x」(小妹中文名最後 1 個字) ---
所以結左婚後, 佢就繼續咁叫..kekeke
[版主回覆12/29/2009 11:02:00]其實我覺得叫返我做 Jenny 我最舒服~