距離大日子尚有 3 個多月，一向諸多藉口唔肯戒口嘅本小姐都要向時間低頭，係時候要認認真真開始減肥嘅日子。
早排行書展時打書釘，見到有本書介紹奇異果減肥法，由於我都 ok 鐘意食奇異果，見佢個餐單又幾彈性，夜鬼都 fit 到，真係啱晒！知道自己快要減肥，所以趁住大限將至，我就先下手為強，將屋企嘅魔鬼吞晒落肚，等佢哋冇機會引誘我。
今日揀中咗要 K.O. 呢盒魔鬼......
呢盒朱古力薯片真係好鬼好食，由 $65 嗰時開始買，買買吓宜家好似加咗 $20，承惠 HK$85 / 盒（唔知有冇記錯價錢）。買咗佢返嚟都好耐啦，一直都唔捨得食，不過為咗 keep fit，我真係要盡快吞佢落肚，所以今日搞掂咗佢！
唉，望住個吉盒就好回味...... 不過有排都唔食得呢類違禁品，希望我修身快 d 有成績，咁就可以耐唔耐偷食！（呢個時候已經諗偷食，好明顯我真係唔想出力 keep fit 囉！）
Royce 薯片你要等我呀，我結完婚去北海道 honeymoon 時一定會帶你返嚟香港，因為我已經將 Royce 列入我嘅 shopping list，歐陽生你係時候為你嘅荷包增肥，去到北海道我會幫你個荷包瘦身架啦！
之後又摷返呢張 agnes b. coupon 出嚟，係之前買嘢滿指定金額時送嘅...... 睇到個有效日期，真係橋啦，竟然係我大婚之日 --- 21-11-2009！
唔...... 好唔好咁白痴 keep 起佢留念呢？好似 side 咗 d 喎！諗諗吓都係遲 d 用咗佢先得！不過 HK$50 只夠買三幾粒朱古力，好似又冇咁抵！好啦，就等我哋倒數一個月時買個 agnes b. 蛋糕用咗佢，咁好似抵 d 喎！haha，其實條數都係一樣！
真係估唔到你除左係b仔朱力愛好者, 仲係ROYCE朱力片支持者.
回覆刪除我都經常買來食o架. 一經過就買law. 忍唔到手.
等我今日又走去買返盒來食下先.....呵呵...亞嫂你唔好"恨"ar!! wakakaka~
[版主回覆08/03/2009 11:23:00]係呀, 其實基本上逢親朱古力我都啱架啦! 真係忍唔到手又忍唔到口!
我都勁鍾意食royce!! 佢個生choco 勁好食!!
回覆刪除[版主回覆08/04/2009 11:07:00]佢 d 嘢好多都好好食架~ 諗起都流口水!
royce的朱古力好好味架，我都好中意食。
回覆刪除我都開始要減肥啦，仲有三個幾月呢, 好驚減唔切，好煩。
[版主回覆08/04/2009 11:08:00]係啦~ 你知嘛, 我原本同自己講今年 1 月 1 日開始要減肥架, 結果係啱啱個星期一先開始.... ><
我個呢頭話要入地獄，o個頭就去掃零食.... 算啦，我諗我無得救，希望結婚o個陣唔會肥過而家就算啦... hahaaaa....
回覆刪除[版主回覆08/04/2009 11:13:00]haha.... 我其實都有 d 半放棄狀態.... 如果結婚就冇動力去減, 睇嚟我呢世人都唔會再瘦 lu....
如果今年1月1日就減又好似早咗d...現在減可能比較易keep到~~~~
回覆刪除[版主回覆08/04/2009 14:18:00]haha~ 因為我自知會一拖再拖.... 你睇我宜家先開始就知啦, hahahaaa!
Royce的朱古力須係好吸引！
回覆刪除忍多幾個月先再來大解放啦！
[版主回覆08/05/2009 11:17:00]係呀, 仲有3個幾月... 我一定要克服佢!
咁真係麻煩你幫我宣揚開去喇, 唔該你啊
回覆刪除[版主回覆08/05/2009 11:18:00]ok 啦, 冇問題!
好搞笑, 我真係未見過朱古力薯片~真係有架~~哈哈 ~減肥真係要好有恆心架...小心吾好比星期六日空閒時間引誘到~~哈哈~ 加油呀~
回覆刪除[版主回覆08/08/2009 11:29:00]係呀, 呢隻都出咗一段日子, 我都係佢 fans 嚟架!
冇錯.... 今日就係星期六啦, 仲有聽日嘅星期日, 我都好驚自己會失守!
下? 你要減肥??? @_@ 增肥就真!
回覆刪除[版主回覆08/11/2009 11:30:00]當然要啦, 影完婚紗相之後都增肥咗唔少, 要開始努力啦!
即使忍不到都不打緊啦！你又唔肥！
回覆刪除[版主回覆08/22/2009 11:28:00]嘩, 你真係仁慈!