早幾日終於搞掂咗個紫玫瑰襟花啦
睇睇個製成品先....
其實.........我覺得個襟花係勁有進步空間囉.........硬係覺得 d 襯花同朵紫玫瑰距離得太遠，不過我已經好努力咁令佢兩個融洽相處架啦..........唉，算啦，都係影 1-2 輯婚紗相要用到佢啫，況且都冇人咁仔細睇個襟花啦，只要個樣唔失禮就比佢過關啦！
*************************************************************************
同場加映，男朋友終於動手整個花球啦！不過我哋都仲未收貨，因為：
(1) 唔夠圓
(2) 仲有大量嘅後期制作及加工，例如要駁枝等等
下面呢個角度都還可以，不過都係嗰句 ------- 唔夠圓，而且白色嘅花好似多咗 d
呢個角度仲勁
試問咁又點樣可以收貨呢？個花球經我狠批一論之後，結果男朋友又將個花球放埋一邊，或者 ....... 佢好氣餒
其實ok呀.你要比d鼓勵佢..加油呀
回覆刪除[版主回覆08/11/2008 10:34:00]有呀, 我已經鼓勵佢架啦....不過佢可能仲要認真諗諗點整!
佢肯整已經好好架啦~
回覆刪除[版主回覆08/11/2008 10:44:00]唔到佢唔整....鬼叫佢成日話自己 art 天份有幾好, taste 有幾好.....
其實有時我覺得換個角度諗：
回覆刪除圓形既花球，通街都係。
但水滴形既花球，就你只此一家啦！
可能我個人要求D好特別既野，我覺得水滴形既花球，都幾好呀！咁先特別嘛！
你仲可以叫佢試下，將個水滴位加長少少，變埋有尾花球！
藝術呢ｄ野，公公整整，係無驚喜架！
[版主回覆08/11/2008 17:45:00]哈, 你又講得幾有道理喎, 水滴型花球果然夠特別!
我都覺, 佢肯整, 真係好好架啦...
回覆刪除同埋我見佢整個婚禮, 都有出過唔少力啦!
佢已經好乖啦!
同埋佢整既花球, 都算唔錯啦! 此終係新手嘛!
個襟花除非唔算得上好好, 都叫合格啦! 加上, 用黎影相, 更加合格啦!
努力, 加油!
[版主回覆08/11/2008 17:52:00]多謝晒! 其實個襟花真係勁有進步空間, 不過我諗法同你一樣, 用嚟影相啫, 唔洗做到零瑕疵.....都唔會睇得太清楚, 嘻嘻!
都唔係架, 佢都冇乜點出力架....既然佢咁有藝術細胞, 咪比佢擔大旗囉!
其實我覺得都幾圓呀.......你要俾d鼓勵佢先得架~~
回覆刪除[版主回覆08/12/2008 10:16:00]真係夠圓咩???
不過佢又拆開咗個花球 lu, 可能幾日後又會再拎出嚟搞過!
OK, 我會識做架啦! 你真係一位好女友!
Dear Jenny, 見你近排做婚禮D野咁辛苦,畀個靚仔你見下啦!
回覆刪除[版主回覆08/12/2008 10:18:00]嘩嘩嘩, 真係攞命喎 ~ 精神為之一振!!!!
我 8 月 30 日可能去澳門睇佢演唱會呀, 你到時會唔會去?
真係有心...到依家我仲懶緊....無諗要自己親手整，或者到遲d又會想自己親手造。
回覆刪除[版主回覆08/12/2008 14:16:00]我諗住還掂有花多出嚟, 自己又有時間, 倒不如試吓親手做囉, 雖然過程有少少考起我, 不過整完又幾有成功感嘅!
八月三十號我個同事big day呀,一早收完炸彈去飲啦! 去唔到啦!
回覆刪除[版主回覆08/15/2008 00:34:00]oh, 原來係咁, 可惜可惜!
可唔可以教下我 d 襟章點整&材料要d 咩??
回覆刪除要整200個for公司annual dinner, 好慘呀.....
救命.... 又話要慳$$... 唉....
[版主回覆08/16/2008 19:09:00]你係咪指襟花? 如果要一次過整200個真係好辛苦喎!
其實主要嘅材料你要搵朵主花 (最好有埋葉), 再搵少少襯花(即係細花仔), 綠色膠紙, 絲帶, 及一個 T 字扣。
你可以襯好 d 花點擺之後, 加埋個 T 字扣喺後面, 用魚絲 / 鐵線綁實, 再喺前面用絲帶綁個蝴蝶結, 用鐵線固定, 如果你朵花嘅花莖唔靚, 你就可以用綠色絲帶包住, 等佢似返一朵花嘅花莖。
我將個步驟講得好簡潔, 如果你需要詳細 d 嘅做法, 不過你留低 email 比我, 我可以 send 比你!
你男友肯為妳做花球真係好好呀！我男友莫講花球．．．連婚禮過程我估佢都吾清楚．．．
回覆刪除[版主回覆08/16/2008 19:10:00]唉, 天下嘅男人都係咁! 你唔好睇佢幫我整花球好好咁, 其實佢同你 bf 一樣有好多嘢都唔知 / 唔清楚....有時仲激氣....有人問佢幾時結婚, 佢可以話 "唔知", 或者講錯日子比人聽架!
My email is: gloglo.lau@gmail.com
回覆刪除Thanks so much...
[版主回覆08/17/2008 14:28:00]收到, 唔洗客氣, 不過我要星期一返到公司先可以 send 比你, 因為個 file save 咗喺公司!
其實整得幾好呀！
回覆刪除哈哈‧‧‧唔夠圓?? 影相時可以就角度呀！
男仔係落手整已經好好，我未來老公o采我都傻呀！你要鼓勵吓佢先得ga。
[版主回覆08/18/2008 10:28:00]真係? 不過嗰個花球已經拆咗 lu ~
咁又係, 佢肯做已經好好!
你未來老公好好架啦!肯同你整花球,我嗰個彩我都傻,只係我問佢時先會意見我咋。個花球整得好好架啦,不過多返0的紫色花,少返0的襯花會好0的。你下次去影相係咪都係帶呢個呀?我影相時都無用到襟花,因為我都唔係成日拎住個花球,我無花球,佢有襟花覺得好怪,影影下時我仲要求佢取左佢添。
回覆刪除[版主回覆08/19/2008 10:47:00]佢呀......算係咁啦 (唔可以成日讚佢, 佢會囂架, ^^)
會呀, 呢個花球我會拎去美麗佳人影相, 或者遲 d 連法國嗰輯都用埋, 唔好 side 吖嘛! 我都順手整咗襟花, 不過同你一樣啦, 個花球都唔係成日拎住, 希望到時記得除咗佢!
你老公咁有天份,去我個blog睇睇我整既襟花,我硬係襯極都覺得麻麻,唔知點咁,依家買左0的紅色細粒粒,諗住襯,但係整襯紅色粒粒+花好似dry左0的,搞到我頭都痛埋。
回覆刪除[版主回覆08/20/2008 10:44:00]我覺得你都好的天份呀, 你 diy 嗰 d 花球咁靚....我自問做唔到!
等我今晚叫佢睇睇你個 blog 吖!
花球我就整得好,但係手花襟花就令到我好頭痛呀!
回覆刪除[版主回覆08/20/2008 17:13:00]係呀? 其實我都唔係好識點整手花.....都唔知喺邊度入手綁條絲帶好......
我就襯極都襯得唔靚。
回覆刪除[版主回覆08/21/2008 10:39:00]咁你身邊有冇朋友比到意見你呀? 或者你可以放上網問吓朋友仔吖!
我咪放左上網睇,硬係唔知點好。
回覆刪除你好ar..想請問你哥d絲花係邊度買架?因為我都想自己親手襟花..^^
回覆刪除[版主回覆01/05/2009 10:57:00]我 d 絲花分別喺花墟嘅 "溫馨無限", 旺角花園街一個阿伯擺檔嘅絲花檔買架, 都 ok 平架!