2008 年 8 月 24 日（星期日）補打
我日等夜等嘅花球男朋友終於都完成咗啦！我自己就好滿意啦！不過我知道男朋友對個花球仲有少少唔順眼，之不過見所有花都紮起晒，已經冇可能從頭再紮過啦，所以佢隻眼開隻眼閉！算啦，唔好咁介懷，用嚟影相啫，足夠架啦！
今次最開心係整好咗個拖尾，其實相比起人哋嗰 d 專業嘅花球，我呢個可能 50 分都唔值，不過見男朋友星期日放假特登乜都唔做，好集中、好認真、又流晒汗咁坐喺度幫我左襯右襯個花球，我都覺得呢個花球好有意義！個花球我影完相之後唔會拋架啦，當然會留返喺屋企留念啦！況且我都未決定拋唔拋花球，到時真係決定拋的話，咪最多上深圳買個平平地算數囉，反正喺結婚前都會上去一趟。
男朋友好抵讚呀，拖尾花球都比佢搞得掂，而且佢仲好有腦，個花球可以轉款架！除咗個拖尾出嚟就變成普通嘅手紮式，咁就唔洗咁單調啦！老公抵讚！！！
先嚟一個普通款嘅手紮式花球先
之前都講過，我係 anges b. fans，當然要整返個 agnes b. 花球扮晒嘢啦！所以就比我搞成咁啦.......... 都 ok 似呀呵？
之後就到拖尾啦，宜家大家所見嘅.......只係一堆雜草......
大家諗唔諗到點樣可以將個拖尾放喺個花球度呢？呢一個 point 真係要激讚男朋友...... 咁都比佢諗到！
睇真 d，個花球其實紮咗個圓圈架......
男朋友喺嗰堆雜草度整咗個勾
之後將佢哋兩個勾埋一齊......
咁就大功告成啦！
唔係賣花讚花香，但係我真係覺得個花球唔錯喎！呢一輯相影出嚟一定好有意義......（又為自己鋪定後路買相，哈哈）
簡直係超級無敵靚呀，又圓又有拖尾，真係要俾10個叻俾你未來老公仔呀!!一個字﹕勁!!
回覆刪除[版主回覆08/28/2008 14:49:00]哈哈! 過獎啦! 其實我都好滿意個花球啦!
嘩~ 簡直係wonderful啦~~
回覆刪除[版主回覆08/28/2008 14:49:00]真係? 好在你哋都覺得 ok 啫 ~
仲以為有你地影相d 相睇tim>.<
回覆刪除[版主回覆08/28/2008 14:50:00]真係有架 ~ 我喺坐車時影咗 d 花絮, 不過我未得閒放上嚟呀, 下篇 blog 啦, 下篇 blog 會講架啦!
AU YEUNG嫂, 真係好善慕你呀!
回覆刪除AU YEUNG真係好錫你, 一睇個花球就知佢對你幾有誠意同埋幾重視你地個婚禮O既每一個細節啦! 如果我男友第時有AU YEUNG一半O甘有耐性同心思就好O勒!!
相信你地婚後一定會好享福快樂!!
[版主回覆08/28/2008 19:23:00]^^, 你咁講我會怕醜架...... 唔洗羡慕我喎, 你將來都一定會好幸福啫!
其實我都知佢重視個婚禮嘅, 可能有時因為佢唔識講出口或者唔識表達, 搞到大家有少少意見不合啦! 不過我始終都明白其實大家嘅方向都係一致嘅, 否則又點會行到結婚呢一步呢?
咁....幾時輪到你呀? 有時我都想出嚟見吓你哋, 話晒你都會係我婚禮嘅 mc 吖嘛 ~ ^^
au yeung好波喎! 咁有天份, 叫佢整埋俾我&yanyan啦! 唔係唔show我地嘛?!
回覆刪除[版主回覆08/29/2008 10:05:00]好呀, 無問題, 你同佢傾吓吖, 我估佢都肯整比你哋啦!
你未來老公真係鍚你呀
回覆刪除[版主回覆08/29/2008 10:06:00]^^, 你嗰個都應該待你唔差啦! 見到你兩個真係恩愛!
好好好！你男友真好...好細心！花球認真不錯！
回覆刪除[版主回覆08/29/2008 12:45:00]我都覺得個花球整得唔錯!
好勁呀!!!
回覆刪除[版主回覆08/29/2008 12:45:00]多謝晒! ^^
嘩))))) 好靚呀!
回覆刪除睇住你個花球由一般靚, 變好鬼靚, 勁呀!
[版主回覆08/29/2008 22:59:00]^^, 其實我自己都有 d surprise 可以做到咁樣架, 所以都要多謝男朋友嘅!
乜你地真係揾我做MC O羊?! 我以為你地未決定好TIM!
回覆刪除尋日發生左我人生中最黑暗O既事!
原本我都覺得自己E家好幸福將來都會好幸福
但原來係我自已為幸福O乍!
你地可以有共同目標向同一個方向行己經好難得, 唔係人人都可以有同一個方向. 有D人會O向中途離場放棄!!
祝你永遠幸福!
[版主回覆08/29/2008 23:04:00]MC 方面都已經初步決定好架啦, 除非有咩特別變動啦, 否則都係由你擔任架啦, 唔介意嘛?
你所發生嘅事我都略知一二, 不過詳情我又唔方便問咁多。你講得好啱, 兩個人由完全陌生發展到以後一齊過每一日真係好難得! 不過我覺得你唔好咁快唔開心住, 話唔定有轉機呢? 而且我相信每個人其實最後都會幸福快樂架! 雖然我唔知呢 d 說話對你有冇幫助, 不過我都衷心祝福你快 d 變返開心啦!
嘩, 整得好靚呀!!!!!!!!!!!!!!!
回覆刪除[版主回覆08/29/2008 23:04:00]係呀, 我都估唔到可以做得咁好!
(Empty)
回覆刪除[版主回覆08/29/2008 23:04:00]^^, 多謝讚賞!
真係整得好好, 用完之後, 拎去賣都得啦 !!
回覆刪除[版主回覆08/30/2008 10:32:00]哈, 我都係咁話, 連美麗佳人 d sales 都話男朋友可以去開舖頭!
GOOD
回覆刪除[版主回覆08/30/2008 13:10:00]多謝!
能夠o向你地個婚禮上擔當一個角色我當係樂意並且覺得非常榮幸.
回覆刪除我沒有做過這麼一個大型活動的mc, 希望你地多多包容!!
問題一日未解決一日心情都唔好, 日子好難過. 但自從有左你同au yeung o既安慰, 我個心己經c服左好多. 多謝您地ar!!
[版主回覆08/30/2008 13:12:00]你唔介意就最好啦! 咁我當日就交比你同阿豪啦!
你唔好再唔開心啦, 日子點都要繼續過落去, 向好嗰方面諗多 d 啦! ^^
呢個都好靚呀，你老公真係好錫你呀，佢對手工藝有研究gar，好少男仔會識整呢d野gar，勁~
回覆刪除[版主回覆09/01/2008 10:25:00]係呀, 我都覺呢個花球好靚!
佢又唔算對手工藝有研究, 不過佢幾鐘意設計吓 d 嘢咁囉 ~
我係間唔中到訪睇下， 原來呢篇未睇. . .. 你老公真係好細心又肯花心機~ GOOD！~<依家好少有咁肯花心機既男生架喇！ >
回覆刪除haha~換著我果個實無咁好心機喇！ 要佢整就無可能架喇！但要佢PAY$$買佢就會Say YES~haha~ ~(調轉砌模型就有心機~ ~)
[版主回覆09/03/2008 10:19:00]haha, 男仔通常都係咁架啦! 自己花幾多心機會砌模型就得, 但幫我哋設計少少嘢就好似攞咗佢條命咁! 其實今次佢肯幫我整個花球都係因為我實在整得太醜樣, 所以佢迫於無奈要出手, wakakakaka
個花球好靚,拖尾又得普通又得,你老公勁勁勁呀!真係抵讚,咁有心機同你整花球,依家0的男人好少有架啦!你嫁比佢真係幸福。到時記得影多0的靚相呀。
回覆刪除[版主回覆09/04/2008 22:23:00]係呀, 我都覺得我老公好犀利, 真係估佢唔到呀!
個花球有 d 可惜呀! 嗰日帶咗出去影相, 點知淨係掛住影影影, 都冇加個拖尾落去添呀! 不過唔緊要啦, 等下個月去法國影相時加返個拖尾落去, 又扮晒嘢有兩個花球, 哈!
都好既,0的相有唔同既花球。影相咁忙顧到自己都唔記得顧其他野,你下次去影相記得加左個尾先拎去。
回覆刪除[版主回覆09/05/2008 01:25:00]係呀, 你講得好啱, 我當時真係顧住自己, 都冇顧其他嘢 lu! 所以下次就當有新嘅花球咁用啦!
到時影多0的靚相返黎呀!
回覆刪除[版主回覆09/05/2008 10:26:00]OK, 絕對冇問題!