正呀, 今日飾金價 $8,140

好緊張好緊張！

呢幾日不斷留意飾金價，聽聞因為油價下跌，連同金價一齊跌！

早幾日我上 esdlife 睇住個飾金價一日比一日低，仲要每日平幾百蚊嗰隻喎！

其實由準備結婚開始，每次上 esdlife 都見到每日嘅金價，起初真係高得好緊要，過萬蚊都見過，到呢排終於下跌啦...... 繼前日 8,6xx、尋日跌到 8,350，今日跌到 8,140 啦！

我即刻打比媽咪講個金價比佢聽，因為我之前都定咗目標價係 8,300（媽咪貪心 d，目標價係 7 字頭）。之前媽咪仲話想出年先買，佢成日都覺得出年會跌（純粹佢自己覺得），我反而驚金價不斷升，到咗下年要過萬，我都唔想媽咪買貴金！經我一輪游說後，我哋決定等多 1-2 日，因為財經新聞入面 d 專家好似話仲有得跌多少少...... 萬一咁唔好彩升返，我諗都唔會升得太過份啩~

希望金價快 d 跌到 7 字頭，咁就係入貨好時機啦！Yeah！

P.S. 真係愛死 esdlife 咁體貼有埋每日飾金價，否則我諗我要到籌備婚禮嘅後段先記得要買金器！