2008 年 8 月 20 日（星期三）
今日放工去咗美麗佳人 final fitting，為下星期二影外景作最後準備。我仲懶醒咁帶咗對婚紗鞋同埋晚裝鞋去襯...... 襯鬼襯馬咩，條裙腳長到死，睇到對鞋已經算好好啦！不過算啦，企定定時當然睇唔到對靚鞋啦，不過可能有 d pose 見到架嘛，既然帶咗去襯，死都要著上腳試吓效果，哈！最後仲留低晒兩對鞋，nu bra 及 Girdle 喺美麗佳人，當日影相就可以帶少 d 嘢出發啦！
試完晒 d 衫，又再傾返條路線（最終都係揀咗去赤柱，唔去中環影 lu），夾吓影相時間等等，喺美麗佳人留咗一個鐘頭就閃得 lu。本來心情都大好架...... 點知返到屋企開著收音機，唉，掛咗一號風球...... 咁點算呀！當初仲以為 8 月應該打風嘅機會唔大，個天夠清徹我先冒住會中暑嘅危險同男朋友一齊 book 8 月影外景，到時真係打得成個風的話，試想像一吓......
我等咗成年嘅婚紗相...... 唔會影得靚；
我等咗成年去影婚紗相嘅心情...... 灰晒；
我同男朋友熱切期待嘅晚霞／日落相...... 可能影唔到。
唉...... 我要藍天白雲呀！
呢一刻心情實在太忐忑不安啦，上天文台個網頁 check 吓下星期二嘅天氣先......
咦...... 好似又 OK 咁喎！啱啱嗰日會變返晴天？？？如果係真就好啦！不過颱風呢家嘢都好難預測，點知佢條路線會點吹喎！宜家仲掛緊一號風球，頭先天文台個網頁仲話今日下晝好大機會改發三號風球添！
嗱！「鸚鵡」呀「鸚鵡」，既然係咁，一係你就合作 d，今個星期快 d 打得成，咁我就可以「一個唔該」多多一日假期抖足精神，到我下星期二影相應該一天都光晒啦！最好快 d 落晒 d 雨添呀！
God Bless Me！！！！！
一定會既，邊落到咁耐雨丫，星期二一定會好天，你搽定多d防曬喇~
回覆刪除[版主回覆08/21/2008 13:38:00]係咁就好啦, 到時我一定影多 d 靚相返嚟!
個風唔會打咁耐嘅，唔使擔心，到時一定放晴嘅！
回覆刪除[版主回覆08/21/2008 23:10:00]係啦! 好在佢聽日就最接近本港, 宜家我都冇咁擔心 lu!
星期二一定好天既 放心啦
回覆刪除[版主回覆08/21/2008 23:11:00]宜家又唔太怕佢打得成風 lu, 不過想佢落清晒 d 雨, 咁就 perfect 啦! ^^
唔好咁擔心, 個風聽日就到!! 星期2之前都登陸ed咯!
回覆刪除[版主回覆08/21/2008 23:11:00]好在佢聽日就到, 幾驚佢要掛 1-2 日 1 號波先打到嚟, 宜家總算安心 d!
一定會好天架!!! 因為我o個日都要去緣美傳說影相, 所以一定會好好天架! 我地一齊加油喇~ ^^
回覆刪除[版主回覆08/22/2008 12:49:00]哦, 原來你嗰日都去緣美傳說影相呀? 咁就一定要好天啦, 因為我哋兩個都有好重要嘅事去做!!!
俾d正能量你,到時實好天的!!
回覆刪除[版主回覆08/22/2008 12:52:00]嘩, 好多正能量, 收到晒, thanks!!!!
其實都唔使擔心,因為你唔放心既話,in the worse case,美麗佳人可以改期的. 反而我想問你老公仔個爛咀好番未呀? 講件真事你聽,同我差不多時間結婚既一個新娘子,佢因為book左既日子掛左三號風球,好鬼失望影唔到相,最後改左下一個星期,影完仲好滿意添! 我睇左都覺得佢影得靚~~~ 但係就快八點啦,就快掛八號啦,依家都唔知番唔番工好~
回覆刪除[版主回覆08/22/2008 12:53:00]佢個咀已經好返晒啦, 所以今輯應該冇乜大問題啩 (希望...)!
上次 fitting 時都有問過美麗佳人, 佢話如果打風的話先可以免費改期, 但如果只係落雨, 我哋又堅持要影, 萬一影唔到就要比 $1500, 都幾貴!
唔好咁快擔心住.未到個日都唔知
回覆刪除同埋我講比你知我上次去影
之前個日同埋我影完之後個日天氣都唔好
唯獨我地去影時天氣很好..........所以唔好灰心.天氣一定好架..
[版主回覆08/22/2008 12:55:00]咁天係....
宜家打緊風., 都唔擔心我影當日會再打風, 只係驚佢個雨帶未走得晒啫!
依家打風咪好law, 快d 打完, 快d 好天, 星期二一定好天既~ 放心啦~!
回覆刪除希望在明天ma~
[版主回覆08/22/2008 13:06:00]哈, 我睇睇吓你個 message, 都有諗到呢句 : 希望在明天!
我只希望佢快 d 打完, 快 d 落晒 d 雨, 始終今次嗰輯會影好多海灘景嗰 d, 想個天清 d 靚 d
今日都咁好天，明天一定會係好天架！放心吧！今晚早d瞓呀！
回覆刪除[版主回覆08/25/2008 12:42:00]係呀, 好在個風來得快去得快, 而且又冇乜雨水跟尾....所以我都放心晒!