充實澳門遊 @ 買、買、買

歐陽氏夫婦聽日就出發飛台北啦，holiday mood~ing，加上中間又發生咗段小插曲，令到歐陽生差 d 去唔到 12 月嘅關島遊，擾攘咗整個星期，有少少曙光.... 成個星期都冇辦法集中精神返工。

澳門遊其實已經到咗尾聲，今次講嘅係手信啫。

之前喺好多人排隊嘅「晃記餅家」入貨。有金桃酥啦、杏仁餅啦（媽咪至愛）、紫菜肉鬆鳳凰卷啦（我嘅至愛），唔覺唔覺都買咗幾百蚊嘢。



嚟到澳門，我係一定要買豬肉乾返屋企，因為阿爸同細佬都係 fans。今次繼續喺香記入貨，黑椒味、辣味、原味、炭燒..... 呢四隻味都買 1-2 磅，當然都有歐陽生家人份啦，唔可以大細超架嘛。仲有脆豬肉乾啦..... 又係我至愛吖，^^



仲有呀，去咗買鳥結糖，又去咗咀香園買杏仁餅等等等。

不過數到我最 like 爆嘅手信，當然係以下呢樣啦......

登。。。登。。。登。。。凳。。。


好巨型嘅三角朱古力呀。。。。。。。。哈哈哈哈！





幾年前喺澳門威尼斯人睇 Aaron 演唱會時已經買過一條返香港食，都食咗我好幾個月架。今次再 encore！揸住條咁大嘅三角朱古力，真係好震撼呀，哈哈！

有成支 1.8L 水咁高，長度有我隻前臂咁長.... 每一舊都好大舊，所以我每次食一舊就已經好滿足啦！不過..... 咳咳.... 係有 D 貴.... 盛惠 HK$12X.... 百幾蚊去買條三角朱古力的確有 d crazy，所以一生人傻幾次就足夠啦，^^


說好的戒甜呢？已經忘記得一乾二淨 lu.....


期待..... 期待去台北有更多靚相，好想快 d 放工，好想快 d 返屋企執行李.... 快 d 出發呀~~~