記得上一篇 blog 文仲話想喺出發去關島之前可以寫晒台北遊記，可惜公事真係太忙，大家都知我就快「又」放假，好多好多嘢要我幫手 folllow，搞到晚晚加班，一篇台北遊記都出唔到，仲要特登快 d sort 好 Day 1 相片，星期日留喺屋企寫 blog。嘿，本來寫 blog 呢家嘢就係留喺公司蛇王時做架嘛。。。
喺真正寫第一日遊記之前，我想交代少少背景。
今次台北遊嘅題目叫做《半潮聖之旅 - 不能說的秘密》。其實，我真係瘋狂地鐘意呢套電影，亦因為呢套電影對周杰倫改觀。佢自編、自導、自演，就連電影主題曲都係佢自己作曲、填詞及主唱。佢其實真係一個好有才華嘅人。我鐘意套戲嘅主題曲，鐘意佢嘅故事，好浪漫。。。故此今次去台北旅行，其實有部份行程係同呢套戲有關，亦因為咁歐陽生話我今次係去潮聖，不過我只承認一半，有另一半嘅行程純粹因為想去。
所以，比個心理準備比大家，如果要睇我今次嘅台北遊，難免相片會比較多，請忍耐，=)
2012 年 11 月 24 日 (星期六)
今日搭 7:30 機，好早就要起身，之前一晚仲好夜訓，結果只係訓咗四個鐘左右，個樣唔算太殘啩？
早餐：雞球炒麵，過得去啦。
去台北只需要一個小時有多嘅機程，真係眨下眼就到。香港今日就天朗氣清，但願去到台北日日都有咁嘅天氣就好啦。可惜天氣報告話有雨。。。
See？台北就係咁，天黑黑，不過冇落雨已經好好，起碼唔洗咁狼狽。
兩年前就嚟過台北一次，嗰陣桃園機場正在翻新中，今次再嚟已經變得好靚。同上次一樣，到埗後去咗買車票，搭國光客運到台北車站。
我哋住西門町區，其實要再搭一個捷運站。不過因為聽日係星期日，仲要去九份十份等地方，所以到達台北車站後，都係去買定聽日嘅台鐵車票，確保有位坐好 d。
好可惜，我哋心目中嗰班都冇晒位，一係企 45 分鐘，一係買早一班 (即係早一個鐘出發)，結果選擇咗後者。因為聽日嘅行程都需要頗多腳骨力，坐一坐穩陣 d。
由於時間尚早，酒店當然未有咁早安排到房間比我哋，所以我哋寄存咗行李後就開始今日嘅行程。
由西門町搭捷運到淡水站
上次都有嚟淡水，但係今次係要嚟潮聖，重點並唔係掃街，當然係去淡江中學影相啦。仲有另一目的，就係 Mister Donut，哈哈，我愛佢煙煙靭靭！
去淡江中學有兩個方法，可以喺 Starbucks 隔離坐「紅28」直達學校門口，但係我哋選擇行路，跟住地圖行，大概要 25-30 分鐘。
一個冬甩當然唔夠塞飽我哋兩個，所以我哋會邊行老街邊掃街。好快歐陽生已經睇中咗佢：
記得上次嚟淡水我覺得唔算好靚，或者因為上次又係翻新中，而且上次去又凍又落雨，今次冇落雨，有少少秋風幾舒服，而且變得靚咗好多。
童心未泯，買咗支棉花糖，只係台幣30 蚊，不過唔係太好食，哈哈！
邊行邊影相，好快已經入咗目的地範圍附近。其實淡江中學有 D 難搵，仲盲中中走咗入隔離嘅真理大學... (即刻扮有書卷氣息，拎本書出嚟睇下先。。。可惜只有旅遊書，哈哈)
雖然行咗少少冤枉路，不過就當到此一遊啦。
終於比我搵到你 ^^
唔知道睇緊我篇 blog 嘅你有冇睇過 《不能說的秘密》呢？有睇過的話，一定會記得呢一個鏡頭：
實物係有點殘舊，但係睇戲時係一 D 都唔覺嘅。
仲有，好經典嘅走廊。。。
當然仲有不能少嘅教室啦！記得入去參觀時有部份課室真係有人上緊堂架。。。右上角嗰張就係歐陽生嘅偷影啦，原來每個班房外都會貼住上課時間表同埋座位表架。
睇到呢度，大家可能會諗點解可以入去參觀 + 影相。
原來以前的確係唔可以架，不過自從呢套戲之後，有好多遊客都慕名而來，而學校最後決定只要遊客唔影響學生上課，一律係可以入內參觀。不過學校喺下午 5:00 閂門，真係打算參觀嘅朋友就記得預好時間啦，星期六日都會開放架。
除咗正門、走廊、教室之外，仲有呢個球場，電影中都出現過好多幕架。真係好，咁啱有學生喺度練波，嘻，好真實呀！
原來整個校舍好大，有幼稚園，高中等等
參觀完高中後，決定再喺學校附近行下，每當見到類似「葉湘倫」同「路小雨」避雨嘅樹蔭又會影低佢，不過好似冇一個係真正拍攝嘅樹蔭
淡江中學差唔多行勻晒，就返出去老街，坐船入漁人碼頭。本來係想入去睇日落，不過今日太多雲，應該都係睇唔到架啦。
返到去老街，當然再醫醫肚先。去咗人氣好旺嘅「阿給」食嘢，嗰度有好多間「阿給」，我哋跟旅遊書指示嚟到正店
淡水老街上有好多唔同船公司都有得坐船入去漁人碼頭，唔知揀邊間嘅情況底下，只好選擇一 d blog 友坐過嘅公司，最後揀咗順風，單程 NT60，來回當然係 NT120 啦！
唔洗等，即刻有船
船程大約 10-15 分鐘，記得盡量留喺船艙入面，因為開船時隻船都行得幾快幾大浪，留喺甲板的話隨時成身濕晒。
入到漁人碼頭啱啱好日落，最衰真係雲量較多，否則應該睇到好靚嘅日落。不過我都係嗰句，唔落雨已經好彩，唔好要求太多。。。
好快天就已經黑齊，情人橋搖身一變著晒燈。
橋嘅另一邊有好大個 LOVE 字同埋有 D 餐廳，不過今日會去夜市，否則喺度食飯都幾有 mood！
影完晒相後，係時候離開淡水，向摩天輪出發。
坐捷運去到劍潭站 (記住唔係士林站)，車站隔離有接駁車去美麗華百樂園。千祈唔好諗住自己行去呢個商場，因為我哋坐接駁車都坐咗三個字左右，如果自己行去應該冇半個鐘都唔得。
美麗華百樂園其實係一個好大嘅百貨公司，我呢啲人係唔啱行，我係特登嚟坐摩天輪架。
呢個摩天輪係全世界第二高 (第一高係 London Eye)，所以既然唔洗交通費，當然嚟見識一下，反正佢隔離都係士林夜市，可以醫埋肚。
坐摩天輪當然要買飛，其實都有啲貴，如果係閒日，收費係 NT150，今日係星期六日，所以就 NT200。不過買飛送 Haggen Daz 雪糕 NT50 coupon，其實都抵返嘅，不過因為太凍，我哋冇買嚟食。
聽講呢個摩天輪都做過唔少台劇嘅場景，不過我一向唔係點煲台劇嘅人，共鳴感就少 DD。
整個摩天輪一共有 56 個車箱，只有兩個全透明車箱，要等透明車箱就又排另一條隊。好似我當日咁，排透明車箱得 5 pairs 人左右，但係都已經要等 45 mins 啦。咁都係普通車箱算啦，只需要等 8 mins 。
呢個時候其實開始落緊毛毛雨，但亦因為咁令到台北夜景變得好靚喎。摩天輪轉一個圈大約要五分鐘左右，所以 NT200 坐五分鐘，值唔值得真係好個人。
睇完夜景，就坐返接駁巴士去返劍潭站。劍潭站另一邊就係士林夜市，去掃街啦。
P.S. 士林站都去到，但相對地遠好多，所以應該係劍潭站至啱。
喺夜市因為人流太多，而且毛毛雨變得密咗，所以冇影太多相，不過一 D 都冇影響我哋掃街嘅心情。
今次繼續食咗豪大大雞排，同香港嗰啲果然係唔同啲。仲有第一次試咗蜂蜜苦瓜汁。。。唔，都 ok 嘅，飲到底就真係苦咗啲。蚵仔煎、魯肉飯、串燒、老字號嘅福至胡椒餅都一一試晒，正！
最難忘就係試過鹿肉，其實感覺上似食牛肉
醫好肚後就乖乖返酒店啦。
今次竟然住尾房，touchwood 我同歐陽生又晚晚都一覺訓天光，好彩好彩。
因為今日早上太早未有得上房住，宜家先補返房間相出嚟
乾淨程度幾好喎，係細咗少少，因為尾房關係。。。我偷望過，人哋嗰啲冇咁細架。
個天對我哋真好，返到房先落雨，聽日去九份等戶外地方，一定要好天呀！
臨訓前再嚟晒冷一下今日嘅收獲
喺真正寫第一日遊記之前，我想交代少少背景。
今次台北遊嘅題目叫做《半潮聖之旅 - 不能說的秘密》。其實，我真係瘋狂地鐘意呢套電影，亦因為呢套電影對周杰倫改觀。佢自編、自導、自演，就連電影主題曲都係佢自己作曲、填詞及主唱。佢其實真係一個好有才華嘅人。我鐘意套戲嘅主題曲，鐘意佢嘅故事，好浪漫。。。故此今次去台北旅行，其實有部份行程係同呢套戲有關，亦因為咁歐陽生話我今次係去潮聖，不過我只承認一半，有另一半嘅行程純粹因為想去。
所以，比個心理準備比大家，如果要睇我今次嘅台北遊，難免相片會比較多，請忍耐，=)
2012 年 11 月 24 日 (星期六)
今日搭 7:30 機，好早就要起身，之前一晚仲好夜訓，結果只係訓咗四個鐘左右，個樣唔算太殘啩？
早餐：雞球炒麵，過得去啦。
去台北只需要一個小時有多嘅機程，真係眨下眼就到。香港今日就天朗氣清，但願去到台北日日都有咁嘅天氣就好啦。可惜天氣報告話有雨。。。
See？台北就係咁，天黑黑，不過冇落雨已經好好，起碼唔洗咁狼狽。
兩年前就嚟過台北一次，嗰陣桃園機場正在翻新中，今次再嚟已經變得好靚。同上次一樣，到埗後去咗買車票，搭國光客運到台北車站。
我哋住西門町區，其實要再搭一個捷運站。不過因為聽日係星期日，仲要去九份十份等地方，所以到達台北車站後，都係去買定聽日嘅台鐵車票，確保有位坐好 d。
好可惜，我哋心目中嗰班都冇晒位，一係企 45 分鐘，一係買早一班 (即係早一個鐘出發)，結果選擇咗後者。因為聽日嘅行程都需要頗多腳骨力，坐一坐穩陣 d。
由於時間尚早，酒店當然未有咁早安排到房間比我哋，所以我哋寄存咗行李後就開始今日嘅行程。
由西門町搭捷運到淡水站
上次都有嚟淡水，但係今次係要嚟潮聖，重點並唔係掃街，當然係去淡江中學影相啦。仲有另一目的，就係 Mister Donut，哈哈，我愛佢煙煙靭靭！
去淡江中學有兩個方法，可以喺 Starbucks 隔離坐「紅28」直達學校門口，但係我哋選擇行路，跟住地圖行，大概要 25-30 分鐘。
一個冬甩當然唔夠塞飽我哋兩個，所以我哋會邊行老街邊掃街。好快歐陽生已經睇中咗佢：
記得上次嚟淡水我覺得唔算好靚，或者因為上次又係翻新中，而且上次去又凍又落雨，今次冇落雨，有少少秋風幾舒服，而且變得靚咗好多。
童心未泯，買咗支棉花糖，只係台幣30 蚊，不過唔係太好食，哈哈！
邊行邊影相，好快已經入咗目的地範圍附近。其實淡江中學有 D 難搵，仲盲中中走咗入隔離嘅真理大學... (即刻扮有書卷氣息，拎本書出嚟睇下先。。。可惜只有旅遊書，哈哈)
雖然行咗少少冤枉路，不過就當到此一遊啦。
終於比我搵到你 ^^
唔知道睇緊我篇 blog 嘅你有冇睇過 《不能說的秘密》呢？有睇過的話，一定會記得呢一個鏡頭：
實物係有點殘舊，但係睇戲時係一 D 都唔覺嘅。
仲有，好經典嘅走廊。。。
當然仲有不能少嘅教室啦！記得入去參觀時有部份課室真係有人上緊堂架。。。右上角嗰張就係歐陽生嘅偷影啦，原來每個班房外都會貼住上課時間表同埋座位表架。
睇到呢度，大家可能會諗點解可以入去參觀 + 影相。
原來以前的確係唔可以架，不過自從呢套戲之後，有好多遊客都慕名而來，而學校最後決定只要遊客唔影響學生上課，一律係可以入內參觀。不過學校喺下午 5:00 閂門，真係打算參觀嘅朋友就記得預好時間啦，星期六日都會開放架。
除咗正門、走廊、教室之外，仲有呢個球場，電影中都出現過好多幕架。真係好，咁啱有學生喺度練波，嘻，好真實呀！
原來整個校舍好大，有幼稚園，高中等等
參觀完高中後，決定再喺學校附近行下，每當見到類似「葉湘倫」同「路小雨」避雨嘅樹蔭又會影低佢，不過好似冇一個係真正拍攝嘅樹蔭
淡江中學差唔多行勻晒，就返出去老街，坐船入漁人碼頭。本來係想入去睇日落，不過今日太多雲，應該都係睇唔到架啦。
返到去老街，當然再醫醫肚先。去咗人氣好旺嘅「阿給」食嘢，嗰度有好多間「阿給」，我哋跟旅遊書指示嚟到正店
淡水老街上有好多唔同船公司都有得坐船入去漁人碼頭，唔知揀邊間嘅情況底下，只好選擇一 d blog 友坐過嘅公司，最後揀咗順風，單程 NT60，來回當然係 NT120 啦！
唔洗等，即刻有船
船程大約 10-15 分鐘，記得盡量留喺船艙入面，因為開船時隻船都行得幾快幾大浪，留喺甲板的話隨時成身濕晒。
入到漁人碼頭啱啱好日落，最衰真係雲量較多，否則應該睇到好靚嘅日落。不過我都係嗰句，唔落雨已經好彩，唔好要求太多。。。
好快天就已經黑齊，情人橋搖身一變著晒燈。
橋嘅另一邊有好大個 LOVE 字同埋有 D 餐廳，不過今日會去夜市，否則喺度食飯都幾有 mood！
影完晒相後，係時候離開淡水，向摩天輪出發。
坐捷運去到劍潭站 (記住唔係士林站)，車站隔離有接駁車去美麗華百樂園。千祈唔好諗住自己行去呢個商場，因為我哋坐接駁車都坐咗三個字左右，如果自己行去應該冇半個鐘都唔得。
美麗華百樂園其實係一個好大嘅百貨公司，我呢啲人係唔啱行，我係特登嚟坐摩天輪架。
呢個摩天輪係全世界第二高 (第一高係 London Eye)，所以既然唔洗交通費，當然嚟見識一下，反正佢隔離都係士林夜市，可以醫埋肚。
坐摩天輪當然要買飛，其實都有啲貴，如果係閒日，收費係 NT150，今日係星期六日，所以就 NT200。不過買飛送 Haggen Daz 雪糕 NT50 coupon，其實都抵返嘅，不過因為太凍，我哋冇買嚟食。
聽講呢個摩天輪都做過唔少台劇嘅場景，不過我一向唔係點煲台劇嘅人，共鳴感就少 DD。
整個摩天輪一共有 56 個車箱，只有兩個全透明車箱，要等透明車箱就又排另一條隊。好似我當日咁，排透明車箱得 5 pairs 人左右，但係都已經要等 45 mins 啦。咁都係普通車箱算啦，只需要等 8 mins 。
呢個時候其實開始落緊毛毛雨，但亦因為咁令到台北夜景變得好靚喎。摩天輪轉一個圈大約要五分鐘左右，所以 NT200 坐五分鐘，值唔值得真係好個人。
睇完夜景，就坐返接駁巴士去返劍潭站。劍潭站另一邊就係士林夜市，去掃街啦。
P.S. 士林站都去到，但相對地遠好多，所以應該係劍潭站至啱。
喺夜市因為人流太多，而且毛毛雨變得密咗，所以冇影太多相，不過一 D 都冇影響我哋掃街嘅心情。
今次繼續食咗豪大大雞排，同香港嗰啲果然係唔同啲。仲有第一次試咗蜂蜜苦瓜汁。。。唔，都 ok 嘅，飲到底就真係苦咗啲。蚵仔煎、魯肉飯、串燒、老字號嘅福至胡椒餅都一一試晒，正！
最難忘就係試過鹿肉，其實感覺上似食牛肉
醫好肚後就乖乖返酒店啦。
今次竟然住尾房，touchwood 我同歐陽生又晚晚都一覺訓天光，好彩好彩。
因為今日早上太早未有得上房住，宜家先補返房間相出嚟
乾淨程度幾好喎，係細咗少少，因為尾房關係。。。我偷望過，人哋嗰啲冇咁細架。
個天對我哋真好，返到房先落雨，聽日去九份等戶外地方，一定要好天呀！
臨訓前再嚟晒冷一下今日嘅收獲
HAPPY NEW YEAR 2013~~
回覆刪除終於有時間黎睇你blog~
依家剩係睇DAY 1已經覺得好正喇!
搞到我都心思思想飛去台灣...
淡水我都好耐無去, 已經變晒....再去台灣時真係要再到一到~
士林夜市超愛~~
[版主回覆01/07/2013 11:48:34]其實你不妨去一次吖, 淡水都變咗好多, 宜家好靚呀~ 值得再去架~