2012 年 4 月 20 ~ 2012 年 4 月 22 日
↑ 佢叫做矇豬，女仔，玩具貴婦種，今年一歲多。
雖然佢叫做矇豬，但係各人都幫佢改咗唔同嘅花名。
我就鐘意叫佢做「矇矇」，貪兩個音都夠響，狗狗一定知叫緊佢。
歐陽生就鐘意叫佢做「o靚矇」。
佢主人幫佢改嘅花名就五花八門，分別有「妹妹」、「矇頭」、「阿妹」。
奶奶就鐘意叫佢做「八妹」。
雖然花名一籮籮，但係聰明嘅矇矇都知道大家叫佢個名，真係超級卡娃兒！
矇矇係歐陽生細細佬及其女友嘅，當矇矇 3 個月大時就買咗佢返屋企。原本打算住佢女友屋企，可惜佢家人最終唔比養，結果矇矇就跟細細佬住，佢女朋友就唯有等放假／放早時去探佢。平時細細佬要返工，就由奶奶照顧。
上星期六日，因為細細佬同埋老爺奶奶一行 4 人去咗澳門玩，所以大膽嘅我就自薦話要照顧矇矇兩日，哈哈，終於可以初嚐狗主滋味，好興奮呀！
2012 年 4 月 20 日 (星期五)
我其實期待咗呢幾日好耐啦~ 因為我終於可以帶一隻好 kawaii 嘅狗狗返屋企玩啦！
當晚因為歐陽生要 OT，所以放工後獨自上奶奶屋企食飯，邊食邊等。歐陽生亦好乖，盡佢最大努力趕喺晚上 11:00 左右上到奶奶屋企。
劫狗行動正式開始！
當日其實不時落住大雨，我都擔心我哋兩個拎住隻狗 + 其他日用品會唔會十分狼狽，幸好出門口時雨已經停咗。本來打算坐巴士返屋企，不過矇矇唔知係咪因為知道有得去街興奮過龍，不斷吠不斷吠。歐陽生擔心上唔到巴士，另外又怕天氣不穩，最終都係 call 的士由沙田返入洪水橋。矇矇好衰，呢頭同個的士司機收線，佢嗰頭就已經冇再吠 -_-"
入到我屋企，可能因為陌生地方，佢竟然揀咗一張質料最吸水嘅地毯上面尿尿。不過我唔怪佢，照顧得佢就預咗幫佢處理排泄物，呢個係做主人最基本嘅責任。
安頓好又幫佢鋪好一個臨時「睡房」後，我立即幫佢影咗一輯沙龍，哈哈！
佢真係超級可愛呢！
細細佬話我聽狗狗通常夜晚唔會訓覺，因為佢哋嘅天性係看門口，一般只係中午先會訓覺。
當晚我哋都差不多兩點先訓，幸好佢都冇乜唔習慣，而且仲越嚟越痴身。
2012 年 4 月 21 日 (星期六)
我為咗照顧佢，今日特登請咗假，我呢個臨時主人都算唔話得啦！
矇矇全晚都冇吠過，只係 7 點幾時歐陽生返工佢就扭計，要人陪佢玩。可能因為我知道要照顧狗狗，所以我都好精神。起身同佢玩咗一陣，再一齊攤喺地下訓過。不得不提，矇矇真係好痴身，基本上我行到邊佢跟到邊。你望住佢佢就會飛撲去你面前跳呀跳，務求你肯抱佢為止。當你坐喺度，無論坐梳化或地下，佢都會跑埋你身邊，反轉自己個肚要你掃佢肚仔，之後佢就會合上眼，擺出一個好梳乎嘅樣，真係笑死。當你抱住佢，佢又會不斷伸脷 "lam" 你，好在我唔係太怕口水。事後有一位養狗嘅朋友話我聽，佢要你掃肚仔，代表佢信任你。"lam" 你就係要向你示好。
當我叫佢，佢應我；
當我抱佢，佢 "lam" 我；
當我坐低，佢要我摸肚仔；
一切一切真係 sweet 爆！
要照顧狗仔，當然冇得去街啦，所以全日都留咗喺屋企睇電視 + 用電腦消磨時間。而矇矇就一字記之曰：「訓」！
我真係估唔到原來午睡對狗狗係咁重要。矇矇由下午 1 點幾訓到 4 點幾，中間當然有醒過。我見自己攰攰地，都有同佢一齊訓。哈，但當矇矇見到我訓咗喺梳化，本來訓地下嘅佢會撲上嚟，訓喺我身邊，好好好 sweetttttttttttt 呀！我哋就係咁訓咗一個小時左右，後來唔知係咪因為佢覺得梳化熱得滯，佢就會趴咗喺地下，以「乳豬上枱」型再訓。
訓醒後，見太陽伯伯開始落山，我又要買餸，所以幫佢綁上狗帶一齊出街。我完全唔知道佢有出街臭臭嘅習慣，搞到我十分十分狼狽。
話說我帶佢一出門口，行咗 4 步左右，矇矇即刻喺走廊上臭臭，好彩我手上有報紙 + 紙巾，善後後繼續行。入到 lift，我呢頭 "禁" 完 lift，嗰頭可惡嘅矇矇就喺 lift 入面尿尿，我已經冇晒紙巾啦..... 落到大堂不斷向管理員 say sorry，問佢有冇清潔用品比我，我幫佢哋處理返。不過管理員實在太好人，佢話唔洗，佢會搵清潔嬸嬸搞，我突然覺得好感動，原來我 d 管理費一向都比得好值得，hahahahaha！
自此一役我先知道原來矇矇係要出街尿尿 + 臭臭嘅，唔怪得我等咗佢兩日佢喺我屋企都冇動靜啦！佢真係乖！
晚上，又捉住矇矇影咗少少相。
我好鐘意歐陽生同矇矇對望張相，好 sweet 呀~~~
大約 11 點多就帶多次矇矇落街，打算同佢跑下。因為細細佬屋企係公屋，一向唔比養狗，矇矇都住得好唔光明正大，平時都冇太多機會落街跑步。
佢知道有得去街當然好興奮，企咗喺我門口等我哋幫佢綁狗帶。可愛程度爆燈！
同佢落去行咗一個鐘左右，行下狗公園，又行下單車徑，仲訓練咗佢跳矮欄，哈哈，希望佢返到去細細佬屋企唔好太曳。
2012 年 4 月 22 日 (星期日)
矇矇今日都係 7 點多就起身。佢今日會返自己嘅屋企啦，我都預咗自己會唔捨得。唔緊要啦，多 d 出去探佢咪得囉。
星期日我同歐陽生都放假，但因為矇矇太早起身，我哋輪流陪住佢，另一位就去訓覺。拖下拖下都拖到 12 點多先落街食午飯。
當然帶埋矇矇一齊出去啦，照樣同佢去咗一次大小便。我哋食完飯打算又帶佢散步，不過可能因為正午，矇矇都表現出有 d 辛苦咁樣，條脷仔不斷伸出嚟散熱，我哋都唔忍心要佢再跑。
返到屋企，歐陽生竟然提出開冷氣比矇矇。嘩，矇矇真係幸福呀！
今日，除咗矇矇嘅主人會接佢返屋企之外，我細佬同埋佢女友話要嚟探一下矇矇。整個下午矇矇玩得好開心，亦氹到大家好 sweet sweet，矇矇你係得嘅。
↓ （右）矇矇：「抱我係咪真係咁辛苦呀？」
未來弟婦本身已養有兩隻貓，所以抱狗狗對佢嚟講一 d 都唔難，至於我細佬，唔知點解好似好慘咁，但係其實矇矇好聽話，任人抱架！
玩完之後，佢兩個都準備離開。本來想再帶矇矇落一次街散步，不過佢整個下午都未訓覺，都係放過佢啦。既然屋企開咗冷氣咁爽，就由得佢訓下。喺矇矇午睡期間，我同歐陽生都唔敢製造太大聲浪，大家都只係玩電話。玩玩下，連歐陽生都訓著埋。梗係啦，開住冷氣午睡，真係爽到震！
入到我屋企，可能因為陌生地方，佢竟然揀咗一張質料最吸水嘅地毯上面尿尿。不過我唔怪佢，照顧得佢就預咗幫佢處理排泄物，呢個係做主人最基本嘅責任。
安頓好又幫佢鋪好一個臨時「睡房」後，我立即幫佢影咗一輯沙龍，哈哈！
佢真係超級可愛呢！
細細佬話我聽狗狗通常夜晚唔會訓覺，因為佢哋嘅天性係看門口，一般只係中午先會訓覺。
當晚我哋都差不多兩點先訓，幸好佢都冇乜唔習慣，而且仲越嚟越痴身。
2012 年 4 月 21 日 (星期六)
我為咗照顧佢，今日特登請咗假，我呢個臨時主人都算唔話得啦！
矇矇全晚都冇吠過，只係 7 點幾時歐陽生返工佢就扭計，要人陪佢玩。可能因為我知道要照顧狗狗，所以我都好精神。起身同佢玩咗一陣，再一齊攤喺地下訓過。不得不提，矇矇真係好痴身，基本上我行到邊佢跟到邊。你望住佢佢就會飛撲去你面前跳呀跳，務求你肯抱佢為止。當你坐喺度，無論坐梳化或地下，佢都會跑埋你身邊，反轉自己個肚要你掃佢肚仔，之後佢就會合上眼，擺出一個好梳乎嘅樣，真係笑死。當你抱住佢，佢又會不斷伸脷 "lam" 你，好在我唔係太怕口水。事後有一位養狗嘅朋友話我聽，佢要你掃肚仔，代表佢信任你。"lam" 你就係要向你示好。
當我叫佢，佢應我；
當我抱佢，佢 "lam" 我；
當我坐低，佢要我摸肚仔；
一切一切真係 sweet 爆！
要照顧狗仔，當然冇得去街啦，所以全日都留咗喺屋企睇電視 + 用電腦消磨時間。而矇矇就一字記之曰：「訓」！
我真係估唔到原來午睡對狗狗係咁重要。矇矇由下午 1 點幾訓到 4 點幾，中間當然有醒過。我見自己攰攰地，都有同佢一齊訓。哈，但當矇矇見到我訓咗喺梳化，本來訓地下嘅佢會撲上嚟，訓喺我身邊，好好好 sweetttttttttttt 呀！我哋就係咁訓咗一個小時左右，後來唔知係咪因為佢覺得梳化熱得滯，佢就會趴咗喺地下，以「乳豬上枱」型再訓。
訓醒後，見太陽伯伯開始落山，我又要買餸，所以幫佢綁上狗帶一齊出街。我完全唔知道佢有出街臭臭嘅習慣，搞到我十分十分狼狽。
話說我帶佢一出門口，行咗 4 步左右，矇矇即刻喺走廊上臭臭，好彩我手上有報紙 + 紙巾，善後後繼續行。入到 lift，我呢頭 "禁" 完 lift，嗰頭可惡嘅矇矇就喺 lift 入面尿尿，我已經冇晒紙巾啦..... 落到大堂不斷向管理員 say sorry，問佢有冇清潔用品比我，我幫佢哋處理返。不過管理員實在太好人，佢話唔洗，佢會搵清潔嬸嬸搞，我突然覺得好感動，原來我 d 管理費一向都比得好值得，hahahahaha！
自此一役我先知道原來矇矇係要出街尿尿 + 臭臭嘅，唔怪得我等咗佢兩日佢喺我屋企都冇動靜啦！佢真係乖！
晚上，又捉住矇矇影咗少少相。
我好鐘意歐陽生同矇矇對望張相，好 sweet 呀~~~
大約 11 點多就帶多次矇矇落街，打算同佢跑下。因為細細佬屋企係公屋，一向唔比養狗，矇矇都住得好唔光明正大，平時都冇太多機會落街跑步。
佢知道有得去街當然好興奮，企咗喺我門口等我哋幫佢綁狗帶。可愛程度爆燈！
同佢落去行咗一個鐘左右，行下狗公園，又行下單車徑，仲訓練咗佢跳矮欄，哈哈，希望佢返到去細細佬屋企唔好太曳。
2012 年 4 月 22 日 (星期日)
矇矇今日都係 7 點多就起身。佢今日會返自己嘅屋企啦，我都預咗自己會唔捨得。唔緊要啦，多 d 出去探佢咪得囉。
星期日我同歐陽生都放假，但因為矇矇太早起身，我哋輪流陪住佢，另一位就去訓覺。拖下拖下都拖到 12 點多先落街食午飯。
當然帶埋矇矇一齊出去啦，照樣同佢去咗一次大小便。我哋食完飯打算又帶佢散步，不過可能因為正午，矇矇都表現出有 d 辛苦咁樣，條脷仔不斷伸出嚟散熱，我哋都唔忍心要佢再跑。
返到屋企，歐陽生竟然提出開冷氣比矇矇。嘩，矇矇真係幸福呀！
今日，除咗矇矇嘅主人會接佢返屋企之外，我細佬同埋佢女友話要嚟探一下矇矇。整個下午矇矇玩得好開心，亦氹到大家好 sweet sweet，矇矇你係得嘅。
↓ （右）矇矇：「抱我係咪真係咁辛苦呀？」
未來弟婦本身已養有兩隻貓，所以抱狗狗對佢嚟講一 d 都唔難，至於我細佬，唔知點解好似好慘咁，但係其實矇矇好聽話，任人抱架！
玩完之後，佢兩個都準備離開。本來想再帶矇矇落一次街散步，不過佢整個下午都未訓覺，都係放過佢啦。既然屋企開咗冷氣咁爽，就由得佢訓下。喺矇矇午睡期間，我同歐陽生都唔敢製造太大聲浪，大家都只係玩電話。玩玩下，連歐陽生都訓著埋。梗係啦，開住冷氣午睡，真係爽到震！
我又借機近距離幫矇矇影相
當晚，佢主人大概 10 點多先入到嚟接佢走。矇矇見到自己主人當然好興奮啦，不過最估唔到嘅係佢仍然好痴我，冧死我啦！但係佢一聽到「街街」兩字，就一支箭咁去咗門口等人服侍佢..... 狗狗..... 始終都係現實嘅 -_-"。
3 日 2 夜初做狗主嘅時間好似發咗一場夢咁就過咗。可能因為幾日嚟日日夜夜都同矇矇出雙入對，其實佢走我都唔捨得佢架。不過算啦，我會再搵機會多 d 去探你架！有好多人問我咁鐘意狗狗，點解唔索性自己做狗主。不過我自己知自己事，我有信心我做到一個好狗主，不過我同歐陽生平時放工後真係太多活動，跳舞 + 飯局等等，往往返到屋企都起碼 11:30，咁又點會有時間陪狗狗呢？狗唔同貓，貓比較獨立，但狗狗一定要有人陪。我唔願意見到一隻狗狗由好開心，比我養到佢有抑鬱症..... 所以我都係嗰句，狗我係會養，但係等我唔洗撈先啦，嘻嘻。
Jenny，你和歐陽這對臨時主人好稱職，將來你們當了父母更加更加稱職呢！(我話既...) 我已經幻想到你們一定好好的爸爸媽媽。
回覆刪除近兩年多左好多人養這類超可愛玩具貴婦狗狗，其實我驚貓貓狗狗，不過...可能見得多，無以前咁驚...以前見到貓 或 狗(尤其係大隻果d)，我真係會調頭走或繞路走，現在...都可以並肩而行！細細隻果d...小高都敢膽摸一摸既！
昨日o係屋企睇電視，有一套講金毛犬，即大得好快果種，主任屎忽痕話想養，因為聽好多同事講，養大狗比小狗容易，因為佢他一定唔會o係屋企隨便小便大便，相反細狗未必識得控制。不過大狗好大隻...我驚囉！而且你講得好o岩，真係要比好多時間去陪佢，教佢...很大的責任，一定唔可以貪佢可愛就話養。
[版主回覆05/22/2012 10:44:16]坦白講吖, 我以前都驚狗架, 尤其是大狗, 我都會兜路走架! 不過宜家住嗰度因為比養狗, 我成日出出入入都遇到狗, 加上屋企附近有個狗公園, 有好多住戶都會落去放狗, 見得多宜家都唔驚狗 lu~
係架, 我覺得養每一樣嘢都好大責任, 包括養BB, 所以真係要做好全部心理準備先得.... 我仲學習中呢!
我細個都有養狗ga!
回覆刪除養過狼狗, 松鼠同西c,
但其實屋企唔養得, 所以次次養唔夠1年就俾隔離屋投訴冇得養><
好記得細個讀書唔好俾阿媽鬧完我喊, 隻狼狗會過黎呵番我ga
諗起都sweet!
[版主回覆05/22/2012 10:45:58]嘩, 你就好啦, 原來你養過咁多狗~~~ 我好羡慕架! 我以前細個當然有 lur 過媽咪比我養啦, 不過因為佢細個時比狗咬過 (佢係住村屋大嘅), 佢有咗童年陰影, 所以一路都禁止我養..... 宜家唯有玩人哋嗰隻, ^^
係呀, 狗係好有靈性架, 佢咁樣呵返你, 真係好 sweet!
haha!!好掛住佢呀!
回覆刪除佢真係超可愛!!
[版主回覆05/26/2012 11:53:09]hahaha, 母親節嗰日見多佢一次~~~ 你嗰兩隻貓都 cute 呀!