2008 年 7 月 27 日（星期日）
聽日就係我去緣美傳說影相嘅日子啦！心情都有少少緊張，話晒都係自己嘅第一輯婚紗相，所以都會擔心呢樣擔心嗰樣，不過算啦，要做嘅都已經做晒，唯一係認為自己減肥尚未成功......
由於我會戴隻靚靚結婚戒指去影相，所以手部嘅裝扮一定唔可以忽略！我一向都有留指甲嘅習慣，所以我就決定自己搽指甲油扮靚靚啦！獻醜獻醜......
其實我都唔知自己點解揀搽紅色？我純粹想做法式漸變...... 不過出嚟嘅效果好與唔好都好，我都已經冇時間再油過...... 紅色就紅色啦！
另外，本來打算喺影相之前一晚敷返個水份 mask，正當我想拎出嚟敷之際，男朋友講咗一句：「你 d mask 得唔得架，唔好亂敷喎，一陣好似之前有個人咁，敷完之後第二日影相，個樣爆晒光喎。」比佢一言驚醒夢中人，因為我準備敷嗰張 mask 係彩豐行買嗰 d 幾蚊張架咋，咁...... 都係唔好亂試！
註：之前喺網上見到有篇 blog 提醒各準新人注意 d 咩，其中一點就係影婚紗相或結婚之前一晚唔好亂敷 mask，因為有 d mask 含有螢光劑，敷完之後第二日影相遇到閃光燈的話，個樣點影都會爆晒光，所以各位準新娘，小心為妙呀！
多謝你的溫馨提示...真係無意到呢點添...仲叫你臨影相前敷返個mask添....sorry , sorry!
回覆刪除當我第一眼見到你的指甲，以為你o係出邊整架，因為好靚呀！仲有漸變效果...而我油甲指油就比較差d...所以多數去做facial順便做埋手。
[版主回覆07/29/2008 12:36:00]^^ 提醒我嗰個係男朋友，今次佢做咗幕後大功臣添！
多謝呀！其實我都係亂咁油架咋！不過或者油慣咗，加上 d 指甲又真係咁長，所以你會以為我喺出面整！
影相係咪好好好攰呢？加油呀！
回覆刪除[版主回覆07/29/2008 17:47:00]今次又唔覺好攰喎, 而且仲好好玩添!
你唔覺我都睇唔出d指甲係你自己油架，油得好似人地d水晶甲喎~
回覆刪除[版主回覆07/29/2008 20:46:00]多謝多謝! 都係平時油開啫, 你油多 d 的話你都得架!
要加油呀﹗
回覆刪除[版主回覆07/29/2008 22:27:00]雖然影完第一輯, 但今個明尾仲有另一輯呀, 嚟緊星期日我就去美麗佳人揀衫啦!
咦~你影成點啊？影左幾耐？可唔可以話我知？
回覆刪除[版主回覆07/29/2008 22:28:00]當然冇問題啦, 我宜家 upload 緊 d 相, 一陣就有得睇啦!
快d upload啦!!!!
回覆刪除你d手指甲好靚喎, 我就唔留得長, 長少少都會崩!
係呀, 影相前果晚只可敷保濕mask!! 美白mask一般都有螢光劑架!
[版主回覆07/30/2008 10:14:00]搞掂啦, 有相睇啦!
我一向都有留指甲嘅習慣, 所以都 keep 得 ok ~
我都冇留意究竟保濕定美白 mask 有螢光劑, 不過比歐陽咁樣提一提, 咩都唔敢敷 lu ~
我要睇相呀!!
回覆刪除[版主回覆07/30/2008 10:14:00]有相睇啦, 你快 d 去睇啦!
影成點呀?
回覆刪除[版主回覆07/30/2008 10:15:00]影得好開心呀, 我又唔覺得影相影得好辛苦喎 ~
到底去那個婚紗鋪影像，抵+好呢。ths la .........我的不好看，想重新照結婚。哈哈。
回覆刪除[版主回覆08/19/2008 16:40:00]其實都冇話邊間最抵或者最好, 真係好視乎你想要咩 style, 所以要用好多時間去搵資料架!