尋晚同男朋友吵大鑊，仲係超級大大大鑊嗰種。同佢一齊咗 8 年咁耐，都未試過有今次咁大鑊...... 不過我哋一向都可以極速和好，今次亦唔例外，更將之前嘅問題一一解決晒，令到我哋更加齊心去行以後幾十年嘅路。其實耐唔耐咁樣吵一吵都唔係唔好，大家可以趁呢個機會坦白 d 傾一傾。其實都係緊張對方先會咁嘅啫，所以，我深信下星期一影嘅婚紗相應該會好 sweet。
提起下個星期就要影婚紗相，我最擔心嘅就係天氣問題。雖然當日我影戶外景應該只有兩個鐘左右，不過話晒都叫影婚紗相吖，少少陰天都唔係咁想。加上今年嘅雨季好似維持咗好耐咁...... 所以今日返到公司就上網睇睇下星期一嘅天氣預測，結果......
個天氣都還可以啦！部份時間有陽光...... 即係有陰天嘅可能，到時對眼可以擘大 d，都係好事嚟嘅！而且溫度方面都算熱架啦，不過總好過星期日咁最高有成 34 度吖！
希望嗰日會好順利啦！
我都覺得有時嗌下交都可以增進下感情~^^ 你就好啦!咁快影婚紗相!!
回覆刪除[版主回覆07/22/2008 12:02:00]其實都係架，所以嗌交有可能係好事嚟架！
都幾開心，因為由年頭等到年尾，終於輪到我影相啦！不過呢輯唔係主打，你都可以好快去影啦！
唔好咁緊張呀,一定好天架!!!
回覆刪除[版主回覆07/22/2008 14:37:00]多謝你呀! 雖然我同你一樣都冇宗教信仰, 不過我同個天講開要天晴時, 我都同你講埋吖 ~ ^^
huh??! 咩事嗌交呀? 我好怕嗌交, 始終傷感情....
回覆刪除放心啦一定好天既!! 太陽太猛反而會仲難影呀!
[版主回覆07/22/2008 17:32:00]我哋每一次嗌交導火線都係一 d 芝麻綠豆嘅事，不過好快已經好返 lu。反而我唔覺得傷感情喎，仲明白咗大家其實點諗添！
我諗應該都會好天嘅，最好太陽伯伯啱啱好，唔好太曬，又唔好陰天，咁就 perfect 啦！
E.. 你28/7影呀, 我27/7影呀, 到時一定好好天.... , 有時嗌下交先知佢有幾緊你丫ma, 都唔係唔好既.....果日開心d, 影得靚d呀!!!
回覆刪除[版主回覆07/22/2008 17:33:00]係呀，咁我哋大家都要準備好靚靚心情去影相啦！
其實嗌完之後更加珍惜咗對方，而且我仲有種 "豁然一新" 嘅感覺添！
之前我搞結婚d野都同男友吵大鑊，又係前所未有果隻，同你一樣，又係極速和好，而家無事lu。
回覆刪除我又係28/7影pre-wedding photo，響青樺影啊﹗不過我淨係影室內。你唔好咁擔心，有幾陣驟雨姐，可能係局部地區，又或者夜晚先落﹗無問題ge﹗
[版主回覆07/23/2008 10:46:00]其實我覺得吵大鑊唔緊要, 最緊要大家係認真去討論個問題, 而且解決咗之後唔好再記喺心, 咁就算吵幾多次大鑊其實都係對段感情有幫助! 宜家咪好囉, 我哋同你哋都極速和好!
係呀......咁我預先祝你影到一輯靚靚相先! 最好當晚一滴雨都唔好落....哈哈, 因為我唔想帶遮呀..又要執多一樣嘢帶去...hehe
我同男友有時都會為芝麻綠豆既小事嘈幾句, 不過都係好快就會無事架啦, 不過嘈得多一定唔係好事呀!!
回覆刪除下星期終於都輪到你啦!! 其實我覺得陰陰天影仲好, 唔洗好似我果日咁眼都擘唔大......
[版主回覆07/23/2008 10:48:00]係呀, 通常都係為 d 小時去嘈, 不過嘈完好快又無嘢!
嘻, 輪到我原來真係好緊張架! 好在暫時都仲訓得著 ~
陰天還陰天, 我依然想要藍天白雲, 不過我估未必影得到個天空......-_-"
Jenny,原來你係下星期一去影相呀,我都係呀,我下星期一上深圳影沙灘呀.......已經delay了2次架啦(不過影完今次8月中要再上去一次影埋葵園先叫做正式影完).......我本來見到個天氣預報都好唔開心架,又落雨,我驚影唔到,就算影到都驚個天唔夠靚.......不過你都講得岩,太熱對眼撐唔大咪仲衰,希望大家到時都順順利利啦!!!!
回覆刪除我有時都會同男友嗌交,我覺得其實只要大家能夠將心裡面的想法及問題好好咁講出來,然後開心見誠咁去解決,嗌交都係一個互相了解的途徑!
[版主回覆07/23/2008 10:50:00]嘩, 果然呢日係好日子, 好多朋友仔都喺呢日影相喎! Delay 咗 2 次? 因為天氣問題? 放心啦, 今次應該冇問題架啦! 雖然個天氣報告話有少少雨, 不過我諗問題唔大嘅! 少少雨...可以冇咁熱呢! 祝你影到靚靚相!
我好認同你嘅講法, 嘈交還嘈交, 最緊要大家要好認認真真咁去解決問題, 咁先可以治標又治本!
結婚是考驗兩個人的最後一 關來.很難過.但卻又會過去
回覆刪除吵架總會有.記緊凡事都可以解決的.加油呀.
我相信天氣一定會好起來
[版主回覆07/23/2008 14:09:00]我都認同！所以只要大家有共同目標，基本上幾難嘅都會捱過！
"吵架"有時候並非係一件壞事，可以藉著呢個機會讓彼此更了解對方。我自己個邊就係咁...有時遇到唔開心的事情總愛收收埋埋，其實我唔講對方未必察覺得到....久而久之就會將無聊事情都吵架一餐，還好...我們也是極速和好果種，o係果個時候，反而我會有勇氣講o西唔開心的嘢比佢聽，大家知道後就會互相遷就...關係仲好左！
回覆刪除[版主回覆07/23/2008 14:10:00]係呀，我哋正正就係呢種！所以我都覺得有問題的話應該要即刻出聲，否則收埋喺個心一耐咗，會變得憎恨架啦！
忘了講....唔好咁擔心...果日一定會好天架！我點知？
回覆刪除因為希望在明天呀嘛 hee hee....
[版主回覆07/23/2008 14:04:00]haha, 多謝你咁講！
你好, 我遲o的都會o向緣美傳說影相呀, 不過係 8 月尾, 我想問下, 如果再相係幾錢張呀? ^^ thanks ^^
回覆刪除[版主回覆07/25/2008 10:23:00]要視乎你 join 邊種 package 喎! 好似我咁, 我係用佢嗰張 free coupon 影嘅 (即係唔洗錢嗰隻), 加相每張 $70 (連 file), 如果你本身已經係 join package 影相, 加相每張 $50 (連 file), 所以都算平呀! 而且好似兩星期左右就已經有相拎啦!
哦~ 我都係用 coupon 呀, 我好奇想問下加幾多錢一張, 因為我見到有o的人講話係加 $50 一張~ ^^
回覆刪除[版主回覆07/25/2008 13:24:00]哦...原來係咁, 有 d 人的確係 $50一張, 不過佢本身係 join package, 我哋用 coupon 影就要 $70一張
放鬆D啦！到時一定會好好天既。
回覆刪除[版主回覆07/27/2008 17:43:00]我會盡量放鬆架啦! 不過我呢度啱啱狂行雷, 又落大雨....聽日就要影相啦!
我去影既前一晚都黃雨呀‧‧‧第二日都好彩都影到，不過就冇籃色既天空。
回覆刪除嘻嘻‧‧‧最多我今晚幫你祈禱啦！
[版主回覆07/29/2008 11:14:00]多謝!! 感激中....
好在我影嗰日個天色唔錯, 藍天白雲勉強都有, 不過天氣真係好悶熱....
唔駛客氣啦‧‧‧
回覆刪除我都好想影藍天白雲，不過可惜我影果日就冇。
幾時有相睇呀??
[版主回覆07/30/2008 10:16:00]正式嘅相要兩個星期左右, 不過我就影咗少少花絮...
放心喎, 現在photoshop咩都改到,陰天都變晴天,
回覆刪除唔洗驚架!
[版主回覆10/04/2008 10:39:00]影完第一次都知道咗photoshop嘅偉大作用啦, 所以家吓我都冇乜點減肥, 打算與 photoshop 成為朋友, haha