細佬成婚之旅 --- 關島 @ Day 2

2012 年 12 月 12 日 (星期三)

今日係 12.12.12，我家小弟做老襯之日啦，hahahaha

由於佢哋 1:30 先行禮，一對新人當然一早就要去教堂準備，而我哋其餘嘅人就慢慢嘆個早餐，姿姿整整咁化妝換衫，然後喺大堂等人嚟 pick up。

因為佢哋行禮嘅教堂喺 Hilton Hotel 入面，所以我哋嘅 pick up service 只係去到 Hilton，要再落車等另一個 pick up 入教堂。



當初都有諗過為咗方便觀禮，不如索性整個 trip 都住 Hilton，不過佢哋好偏辟，倒不如住返市中心嘅 Fiesta，寧願只係行禮堂日轉折少少。

睇下，人哋 Hilton 個 Christmas decoration 幾靚。。。

 

車未到，影相先



其實所謂嘅 pick up，只係得嗰 5 分鐘嘅車程。不過個天猛烈成咁，我相信班男士們行唔夠 10 步路已經濕晒。

好型呀，我哋坐呢間包車去 St. Probus Chapel 觀禮

 

說時遲那時快，眨下眼就到咗教堂。家人先入預備室等候，女方嘅爸爸因為會拖住新娘 march in，所以要同工作人員夾一夾。

而我哋。。。當然又係影相啦，絕對唔會放過呢 d 機會。

當場內準備就緒，家人就可以先入教堂休息，個教堂好靚呀～～～

其實仲未到行禮時間，身處呢個咁靚嘅教堂，大家當然唔會咁乖坐定定啦，即時四散各有各參觀 + 影相。

呢度其實係教堂外嘅環境，一對新人無緣見到啦。。佢哋太忙

搗亂咗一輪，神父都入到嚟，以為就快開始，原來未得.... 神父好 nice，自我介紹之後反而捉住大家影相。

仲有少量嘅 snaps

" Two Lives Get Together "

影到呢度，其實婚禮差不多要開始。

工作人員話婚禮進行期間唔可以影相，因為佢哋本身有 photographer + camera man，以下呢 d 相都係佢哋再 march in 時影架。

新一對趙生趙太誕生，接受神父嘅祝賀。

喺教堂行完禮，當然唔好浪費出面咁靚嘅藍天白雲 + 山盟海誓，所以工作人員都安排我哋影 d outdoor 嘅相


逗留咗一陣，其實都要離開，因為之後仲有好多好多 pair 新人要喺度行禮。

典禮最後，一對新人 march out 時會撒花瓣，不過因為兩隻手都拎住花瓣，無人得閒影相，哈哈。

好，上車！坐返頭先架包車去另一個地方再影少少相（唔知點解咁多地方去），佢哋話架車好 kawaii，佢哋都要影返張



一對新人當日係大晒架嘛，佢哋唔會同我哋迫呢架車，佢哋係坐呢架長長長長長房車



離開時工作人員會喺教堂門口打鈴，Congratulations!

好快又要落車，原來去咗呢度會合一對新人（其實我都唔知呢度係邊度）


呢間屋仔對出就係 Fiesta 嘅沙灘，我哋影咗少少相都抵受唔住咁猛烈嘅陽光，決定行返去 Fiesta 酒店啦，而新人就喺出面嘅沙灘影少少外影（有 photop 跟身，package 包埋架）。

我哋返到酒店終於可以睜大對眼，出面陽光實在太太太勁啦。

女士們落妝換返 causal wear，男士們相對地較大汗，要沖涼，hahaha

而我老豆繼續喺個露台飲住啤酒望住個海。。。。

隔咗一陣，一對新婚夫婦都影完外影返酒店啦。佢哋都好醒目，特登淘咗套輕便 d 嘅禮服同埋 DIY 咗小道具 for 酒店影相。本來諗住自己用腳架影，不過歐陽生忍唔住，出手自薦話做攝影師，好在效果都可以接受，無浪費咗人哋咁珍貴嘅時刻。

我自己就最鐘意呢張，簡直係香港嘅 pre-wedding 生招牌咁

影到咁上下，我哋又落咗去趁熱鬧。。。



之後就等兩位新人梳洗，換埋 casual wear 就出發搵食

吖，一路都唔記得講，我住間酒店房係 No. 509 呀，我生日，yeah！

齊人後，搭 lam lam bus 出發去夜市，呢個夜市只係逢星期三先有架咋。

夜市開 18:00，所以唔好太夜去吖

我哋個個都肚餓啦，所以搵咗呢檔食飯食粉嘅，不過冇位坐，要特登去搵位。

新婚真係唔同 d，個樣都特別 sweet~~~

呢個都幾飽肚，之後大家再一齊周圍行，買咗 d 濕星嘢同埋繼續掃掃掃


仲試咗呢個炒雪糕...

哈哈，一杯雪糕 10 個人分..... 其實我想講從來都未試過同陌生人一齊去旅行，今次同埋弟婦一家人去，又出奇地好玩 + 好夾喎。講真吖，呢杯雪糕其實係佢媽咪買，然後問人拎 8 隻匙羮，主動同我哋一齊分嚟食。哈，佢又唔介意咁先好喎。

喺夜市最後一站就係去咗呢間朱古力店買手信。個老闆娘識得講廣東話，我媽咪即刻好似搵到知音人咁係咁同人傾計，仲發揮佢師奶本色，同人講價添。不過用嚟做手信的確幾好，有好特別嘅辣椒味朱古力，但係我冇買 lu。

返到酒店大家都耳油未盡，四位長老仲好好傾添，所以去咗酒店嘅 Haagen Dazs 食個雪糕火鍋先。

 

今日到此為止，聽日又有另外嘅水上活動啦，yo yo yo~~~