驚喜生日在三亞 @ Day 4 (三亞市中心)

近排真係懶到出汁，呢篇遊記 last day 再唔出的話，真係會爛爛爛尾。。。我講過話要做一個 reference 比即將去海南島嘅網友架嘛!

2012 年 5 月 12 日 (星期六)

 

今日就要離開三亞市返香港啦。一於繼續秉承我哋去旅行嘅作風，就係 last day 先去買手信。其實知道今日要搭中午 1 點多飛機，明白血拼時間唔算十分足夠，所以尋晚食飽飽後已經買咗一部份，但由於有 d 商店尋晚已經收咗，所以今朝再 encore！

今日主攻超市，尋日已經見到呢包加積鴨 + 文昌雞，買就當然想買，但考慮緊究竟比唔比帶上機。向服務員查詢後知道係可以，所以買咗。仲有個椰子飯... 歐陽生出發前話有朋友提佢千其唔好買椰子飯，因為好硬好硬，硬到可以碇死人.... 不過佢話既然一場嚟到，點都要買返個喎。

（食後感：文昌雞及加積鴨只需要蒸返熱食得，味道尚算 OK，但我認為偏咸。椰子飯就無緣食到 lu）

匆匆忙忙買晒所有手信後，立即趕返酒店 pack 行李 check out。到咗酒店大堂打算截的士，可惜冇的士。心裡面開始緊張，萬一趕唔到上機點算。歐陽生就出去酒店前少少截車，我就負責繼續喺大堂等。15 分鐘過去，依然未截到的士。酒店職員話因為接近午飯時間，的確係難截 d。我曾經要求過職員幫我 call 車，可惜佢哋都 call 唔到。隔咗一陣，終於見到歐陽生坐住架的士返嚟 lobby 接我。上咗車先同的士大佬 8 下，原來冇乜人肯車遊客去機場，因為一來車資少，二來入咗機場佢哋好多時都無客 / 等好耐先有客出返市中心。今次我哋截到的士，完全因為歐陽生上咗車先去咗酒店會合我再去機場，的士大佬無可奈何下先中計 (佢話唔通趕你哋落車咩)....

總算有驚無險到達三亞市鳳凰機場！



機場仍然都係冇冷氣，對於我呢 d 住慣城市嘅人嚟講會辛苦咗少少。不過環境算大，係通風 + 唔熱嘅！

先去辦登機手續.... 一直都唔敢肯定返國內城市洗唔洗 passport，不過都帶定去，原來一張回鄉咭已經可以行走天下。



搞掂好手續後仲未夠鐘上機，就周圍影下相。影影下先發覺原來唔比影，一舉機就有公安人員叫你收埋相機。好彩，喺佢出聲之前我都影落唔少！





duty free 亦係我哋必去嘅地方，呢度嘅 duty free 係有冷氣架，真係頂唔順太熱的話，可以入嚟涼下。



個機場唔知點解用《菠蘿》嚟做佢哋嘅 icon？？



其實可以行嘅地方唔算多，兜咗個圈都係坐定定等上機仲好。







Hong Kong~~~ We are back!



上咗機，有好多好多吉位，班機一 d 都唔爆，可以打橫訓都得呀！

機上少不免嚟張自拍照，我哋影咗幾張都唔係咁滿意，隔離兩位外國女士就問我哋需唔需要幫手.... 佢哋真係好熱情，唔該晒！



起飛後，當然又係影雲啦，hahahahahaha



Bye Bye 啦海南島，希望呢篇遊記可以幫到即將去海南島嘅你。因為我明白網上 blog 真係好少有關海南島嘅資料呀！好彩冇爛尾啫，嘻嘻～