（其實都要較鬧鐘，因為唔用鬧鐘的話，我哋兩個係可以訓到中午點幾兩點），懶洋洋地訓醒後，落咗去食早餐。一向對酒店嘅早餐期望不大，但今次竟然喜出望外，款式選擇算多，起碼我食到最尾一日仲未覺得厭。至於質素，我一向對食冇乜要求，所以對我嚟講係合格。
款式當然有最大路嘅沙律 bar，其次有點心包點，粉麵，生果，乳酪等等。飲品亦有數款果汁，任攞嘅即開乳酪（國內叫酸奶）同埋著名嘅海南島咖啡。
除此之外，仲有令我為之一振嘅麵包 corner。我見到 d 朱古力 muffin 即刻雙眼發光呀！
餐廳環境幾闊落，而且通常都唔會坐滿客。可以選擇靠窗坐，望望室外泳池景；又或者可以坐入少少，冇咁曬（實不相瞞，餐廳都係冇冷氣架）。
開動！！！以下呢幾款食物我幾乎日日都有食，好好味架（尤其是煎蛋）！
今日嘅行程係去著名嘅旅遊勝地 --- 天涯海角。旅遊書話遊覽天涯海角只需要一個下午嘅時間，所以我哋並唔急住出發。既然未出發遊覽天涯海角，就一於遊覽下酒店先啦。
終於有機會近距離望下個泳池，天氣咁熱咁曬，真係好想換件泳衣落去游水降溫。不過我係唔會搵自己笨，咁曬，我當然留返夜晚先游水啦。
泳池旁邊有一個好細嘅池，原來入面養咗 d fish spa 魚仔，不過見 d 魚仔都唔係太活躍，又冇氧氣比佢哋，佢哋好似就快斷氣咁......（做 fish spa 要額外收費）
隔離再有得賣椰青同埋租單車，椰青賣 $20 一個呀，好貴.....
行上少少有一個好細嘅公園仔，有得做 spa 同埋少量嘅運動設施。
(1) 我係趁冇人見到嘅時間極速跳上張 spa 床偷影嘅，yeah，成功！
(2) 歐陽生你呢排肥咗好多呀，快 d 做多 d 運動，加油加油！
(3) 吊床 again~~~~~ 一見到吊床就諗起沙巴個 trip，兩個 trip 都好 relax 呢！我哋喺吊床都 hea 咗一陣（因為又唔曬又有微風），good！
喺泳池附近有呢個 hotel shuttle bus 指示牌，我哋影低咗，方便沿途有需要時睇下，呢度都 post 出嚟比打算去三亞而又入住 holiday inn 嘅網友們參考。
玩咗一陣，都係時候上房執嘢準備出發。經過大堂，又影咗少少相。
呢間就係我哋住嘅房間啦
經過尋日嘅教訓，知道離開酒店有四樣嘢係一定一定要帶。(1) 水。天氣咁炎熱，真係要多 d 補充水份，水係不可或缺。(2) 雨傘。雖然喺三亞 4 日 3 夜一滴雨都冇落過，不過我把遮係用嚟遮太陽架，太陽伯伯一 d 都冇吝嗇佢嘅 energy。(3) 防曬。我知.... 我係長氣，但我真係真係唔想曬黑，所以防曬我一定會跟身。建議就算想曬黑嘅網友們都要搽防曬，因為陽光太猛，隨時會曬傷。 (4) 毛巾。第一日冇帶毛巾出外，d 汗真係多到嚇死人。以後嗰兩日我都有一條毛巾放喺袋，有時抹下汗個人都舒服 d，總好過 up 住 up 住。我就好衰咁拎咗酒店提供嘅小方巾。
執好晒所有嘢就 go go go~~~ 喺酒店門口例牌有的士呀，三輪車呀兜生意。知道有巴士可以到達目的地，當然等巴士啦。好在今次唔需要等太耐就有車，車資為每人 $4，大約 20 分鐘就到。
到達天涯海角，先喺售票處買好門票。歐陽生話網上遊記話 $60/人，不過 2009 年遊記真係唔夠 update，我哋今次買已經係 $100/人啦。
臨入場前，喺門口影少少相先
甫進場就有好大支好大支聖火，嘻，我一向鐘意睇奧運，一定要留影！
行前少少就有一舊石比大家影相。
以上嘅相片都係拜託國內同胞揸機。um...... 其實真係影得唔太滿意.... 不過冇辦法，因為歐陽生竟然唔記得帶腳架出嚟！
講開喺景點影相，有一點真係要提提各位網友。
如果你哋去到一個景點有好多人等緊影相，禮讓係無用架。
就好似呢一舊石，我哋到達時係冇人影，點知一企埋去就有為數 5-6 個國內人走埋嚟又話要影。OK，咁咪排隊囉，不過佢哋係唔會排隊，你影緊嘅同時佢可以喺你前後左右再影，一係就阻住你，一係就捕到你個位實一實，你一行開就攝入嚟。話說上面有一幅合照我哋搵其中一 pair 啱啱走埋嚟嘅國內夫婦揸機，我同歐陽生又唔係咁識爭位，一味比人打尖再打尖。我知其實都辛苦咗幫我哋揸機嗰位先生，因為佢都要烈日當空下陪我哋一齊曬，佢自己又冇得影住。結果佢最後都按捺不住幫我哋出聲話嗰班國內遊客：「你比人哋（指住我同歐陽生）先啦。」國內遊客 A：「得架啦，我哋仲有 5, 6 張之嘛。」正義先生：「仲 5, 6 張？人哋早過你到好多嚟到架！」我突然感動到想喊..... 等咁耐終於有得影......
領教過之後，一陣嘅景點我同歐陽生就識得點做啦，哼哼！
好辛苦咁影完第一張相之後，我哋就繼續進發。先有兩張全景相：
其實園區本身設有專車 tour 方便遊客坐住車咁遊覽，車上有一位導遊講解景區歷史，費用大約 $60/人。不過我覺得一場嚟到，倒不如自己行下，坐園車遊覽就 no way 啦！
除咗專車外，沙灘上仲有好多人兜生意，可以坐佢哋嘅快艇出海近距離觀賞呢 d 名石，包括天涯，海角石。不過我知道費用都唔平，而且坐住快艇影相都好麻煩，所以我哋冇諗過坐。
話咁快就見到第一舊著名石頭 --- 日月石。
日月石位於風景區入口附近的海面上，為兩塊尖形岩石交叉的形狀，其上分別刻有「日」、「月」二字。因兩塊岩石相互依偎，有傳說到過此處情侶會日月相輝、白頭到老，很多情侶都為此慕名而來。(from 維基百科)
可能由於天氣太熱，急於補充水份。經過小食亭見到林林總總嘅生果，我同歐陽生都流晒口水。我就買咗一碗菠蘿，佢就買咗一碗大樹菠蘿。Yummy~~~
補充完，再出發。
仲有嬸嬸將 d 仙人掌即拆即賣。
原來南天一柱印咗喺 d 舊版人民幣背面架。
景點與景點之間其實都相隔一段頗長嘅路。所以又會覺得好口渴..... 見到另一個小食亭，又坐低飲咗支可樂。小食亭有微微海風，坐到唔捨得走呀。
再嚟一張全景海景相，由呢度行入去就係天涯石 + 海角石啦！
呢棵椰子樹唔知點解咁 cutie 生成咁嘅形狀呢....
頂住個大太陽行咗十萬九千八公里之後，終於見到天涯石啦！
天涯海角（英文譯意：Edges of the heaven, corners of the sea）是中國海南省三亞市的一處著名海濱風景旅遊區，相傳一對情侶只要一起走到天涯海角就可一生一世擁有對方。（from 維基百科）
滿以為見到天涯石，不遠處就會係海角石，點知原來我係錯嘅，海角石未有耐到。
呢個位叫極目天涯，即係全個園區欣賞景觀最好嘅位置，見佢講到咁好，就走上去望下，點知其實好似冇乜特別。
亂行再亂行後，幾經辛苦終於搵到海角石。
海角石一 d 都唔起眼，跟足地圖指示都硬係搵佢唔到。本想放棄之際（雖然心有不甘），原來海角石就喺我哋附近。（有見到海角兩字嘛？）
睇完天涯海角石之後，不遠處又有小食區。其中一個攤檔賣土耳其雪糕，夏日炎炎食雪糕最適合不過。唔該兩杯~~~
土耳其雪糕跟其他雪糕不同，放上雪糕筒前會不斷被壓扁，務求放出所有空氣，令雪糕變得煙靭。而且售賣員一定會玩你一輪先比你食到杯雪糕，呢 d 全部都係土耳其雪糕特色。
其他檔口就主要售賣紀念品及新鮮水果。整個下午都只係食咗碗菠蘿，半支可樂及一杯雪糕.... 天氣咁熱真係咩胃口都冇。
唔好以為睇完天涯海角石就冇嘢睇，其實仲未完架。歐陽生話睇過地圖記得有個博物館，而博物館為咗保存文物一定有冷氣，我哋都係時候過下冷河啦（成件衫濕晒），嘻嘻。
呵呵，好容易就搵到個博物館，幾乎所有人都忽略咗呢個嘆冷氣嘅地方，只得我哋一 pair 咋.... woo woo woo ~~~
為咗掩飾入嚟涼冷氣嘅目的，所以都有逐一參觀下 d 文物，當係對天涯海角加深認識。
逗留咗大約半小時之後，又要離開 lu。
再有一舊石..... 執子之手，與子偕老，超正~~~
可惜國內同胞揸機真係好有問題.... 我哋又唔好意思叫人重影，唯有接受...（嗚嗚嗚）
見到個咁大嘅海灘，又開始當住咁多人做 d 好低 B 嘅動作啦！我超鐘意歐陽生嗰張凌空動作相！
園區另一邊主要係樹木 + 海灘，人哋用機器喺度灌溉，我哋熱到傻咗，好似前世未見過水咁，偷偷地衝入去玩水。
仲咁啱出現咗彩虹添~ 好在影到相~
玩到呢度，差不多整個園區我哋都行過晒啦。望望錶，5:00 左右。Good！返酒店游個靚水，梳洗埋就啱啱好出去搵食。
返到酒店都只係 5:30 唔夠，本來我唔想游水（因為仲有太陽呀 <--- 我真係幾變態），不過經歐陽生極力游說後，我就抱住豁出去嘅心態進行三亞下水禮。D 水係暖架..... 游咗一個鐘左右就上返房梳洗。
差不多 7:00 左右出發搵食，今晚會去試旅遊書介紹嘅平靚正海鮮食肆 ---- 蛋家海鮮。
去呢度食嘢大約要 9 個字，因為要先坐車去步行街，再轉車 + 步行 10 分鐘左右。對於第一次去嘅我哋嚟講，9 個字梗係唔得啦。搵到 8 點幾 9 點，個肚由肚餓變唔肚餓都未搵到目的地。旅遊書影出嚟 d 相好似好光猛，但係去到真係一 d 都唔似。本來想放棄食其他嘢，不過見到條類似後巷嘅東西（黑忟忟架），歐陽生話睇埋呢度，如果都唔係就放棄。呵，點知原來就卧虎藏龍，光猛猛嘅蛋家海鮮就喺呢度入面。
呢一區住咗為數不少嘅蛋家人，佢哋都係以前舖後居方式做生意。海鮮全部都係自己打撈返嚟，再用碳爐即燒即食，真係辛苦咗 d 姐姐，咁熱仲要對住個碳爐。
今次再次比歐陽生發板，不過我喺側邊睇實，驚佢又 order 餸時「創下佳績」，到時真係唔知點先食得晒。
海蝦 ($15/隻)，排骨 ($6/串，一串 4 粒)，墨魚 ($??/串)，有好多種 XXX 魚，雞翼 ($8/串, 一串 4 隻)，茄子 ($1X/條)，生蠔 ($20/4 隻)，帶子 ($??/隻)，每樣幾串幾串咁其實都幾飽。今餐大約用咗二百零蚊，算係好平啦。
蛋家人枱椅係比一般嘅矮，所以食嘢時會辛苦 d，要試一試當地風味就唔好介意啦！
今次依舊食到捧住個肚走.... 既然咁飽，就去附近行下。顧明思義，都係賣 d 工藝品居多，例如珍珠，貝殼，水晶等等，再次零收穫。唔緊要，今次旨在散步啫。
行完呢條街都 10 點幾，成個身已經痴笠笠咗好耐，好想快 d 返酒店沖返個靚涼。夜晚冇巴士直接返酒店，不過出返去步行街嘅巴士就仲有，所以到咗步行街後都係做咗伸手黨，承惠 $3X 大洋。
返到上房，歐陽生話要嘆返個生果。呢個叫人蔘果，係尋日喺超市買返嚟架。我就冇食到，不過歐陽生話好解渴喎。
本想沖涼之際，某人又被夜空吸引住，猛話要落去影星星。我望一望個天，真係比起香港靚好多，去旅行往往都係任性 d，好啦，就陪佢癲下。拎晒三腳架，相機，電筒落酒店泳池空地，歐陽生就影咗好多好滿意嘅相，我就喺側邊訓住沙灘椅，吹住海風睇星星，爽呀！
餐廳環境幾闊落，而且通常都唔會坐滿客。可以選擇靠窗坐，望望室外泳池景；又或者可以坐入少少，冇咁曬（實不相瞞，餐廳都係冇冷氣架）。
開動！！！以下呢幾款食物我幾乎日日都有食，好好味架（尤其是煎蛋）！
今日嘅行程係去著名嘅旅遊勝地 --- 天涯海角。旅遊書話遊覽天涯海角只需要一個下午嘅時間，所以我哋並唔急住出發。既然未出發遊覽天涯海角，就一於遊覽下酒店先啦。
終於有機會近距離望下個泳池，天氣咁熱咁曬，真係好想換件泳衣落去游水降溫。不過我係唔會搵自己笨，咁曬，我當然留返夜晚先游水啦。
泳池旁邊有一個好細嘅池，原來入面養咗 d fish spa 魚仔，不過見 d 魚仔都唔係太活躍，又冇氧氣比佢哋，佢哋好似就快斷氣咁......（做 fish spa 要額外收費）
隔離再有得賣椰青同埋租單車，椰青賣 $20 一個呀，好貴.....
行上少少有一個好細嘅公園仔，有得做 spa 同埋少量嘅運動設施。
(1) 我係趁冇人見到嘅時間極速跳上張 spa 床偷影嘅，yeah，成功！
(2) 歐陽生你呢排肥咗好多呀，快 d 做多 d 運動，加油加油！
(3) 吊床 again~~~~~ 一見到吊床就諗起沙巴個 trip，兩個 trip 都好 relax 呢！我哋喺吊床都 hea 咗一陣（因為又唔曬又有微風），good！
喺泳池附近有呢個 hotel shuttle bus 指示牌，我哋影低咗，方便沿途有需要時睇下，呢度都 post 出嚟比打算去三亞而又入住 holiday inn 嘅網友們參考。
玩咗一陣，都係時候上房執嘢準備出發。經過大堂，又影咗少少相。
呢間就係我哋住嘅房間啦
經過尋日嘅教訓，知道離開酒店有四樣嘢係一定一定要帶。(1) 水。天氣咁炎熱，真係要多 d 補充水份，水係不可或缺。(2) 雨傘。雖然喺三亞 4 日 3 夜一滴雨都冇落過，不過我把遮係用嚟遮太陽架，太陽伯伯一 d 都冇吝嗇佢嘅 energy。(3) 防曬。我知.... 我係長氣，但我真係真係唔想曬黑，所以防曬我一定會跟身。建議就算想曬黑嘅網友們都要搽防曬，因為陽光太猛，隨時會曬傷。 (4) 毛巾。第一日冇帶毛巾出外，d 汗真係多到嚇死人。以後嗰兩日我都有一條毛巾放喺袋，有時抹下汗個人都舒服 d，總好過 up 住 up 住。我就好衰咁拎咗酒店提供嘅小方巾。
執好晒所有嘢就 go go go~~~ 喺酒店門口例牌有的士呀，三輪車呀兜生意。知道有巴士可以到達目的地，當然等巴士啦。好在今次唔需要等太耐就有車，車資為每人 $4，大約 20 分鐘就到。
到達天涯海角，先喺售票處買好門票。歐陽生話網上遊記話 $60/人，不過 2009 年遊記真係唔夠 update，我哋今次買已經係 $100/人啦。
臨入場前，喺門口影少少相先
甫進場就有好大支好大支聖火，嘻，我一向鐘意睇奧運，一定要留影！
行前少少就有一舊石比大家影相。
以上嘅相片都係拜託國內同胞揸機。um...... 其實真係影得唔太滿意.... 不過冇辦法，因為歐陽生竟然唔記得帶腳架出嚟！
講開喺景點影相，有一點真係要提提各位網友。
如果你哋去到一個景點有好多人等緊影相，禮讓係無用架。
就好似呢一舊石，我哋到達時係冇人影，點知一企埋去就有為數 5-6 個國內人走埋嚟又話要影。OK，咁咪排隊囉，不過佢哋係唔會排隊，你影緊嘅同時佢可以喺你前後左右再影，一係就阻住你，一係就捕到你個位實一實，你一行開就攝入嚟。話說上面有一幅合照我哋搵其中一 pair 啱啱走埋嚟嘅國內夫婦揸機，我同歐陽生又唔係咁識爭位，一味比人打尖再打尖。我知其實都辛苦咗幫我哋揸機嗰位先生，因為佢都要烈日當空下陪我哋一齊曬，佢自己又冇得影住。結果佢最後都按捺不住幫我哋出聲話嗰班國內遊客：「你比人哋（指住我同歐陽生）先啦。」國內遊客 A：「得架啦，我哋仲有 5, 6 張之嘛。」正義先生：「仲 5, 6 張？人哋早過你到好多嚟到架！」我突然感動到想喊..... 等咁耐終於有得影......
領教過之後，一陣嘅景點我同歐陽生就識得點做啦，哼哼！
好辛苦咁影完第一張相之後，我哋就繼續進發。先有兩張全景相：
其實園區本身設有專車 tour 方便遊客坐住車咁遊覽，車上有一位導遊講解景區歷史，費用大約 $60/人。不過我覺得一場嚟到，倒不如自己行下，坐園車遊覽就 no way 啦！
除咗專車外，沙灘上仲有好多人兜生意，可以坐佢哋嘅快艇出海近距離觀賞呢 d 名石，包括天涯，海角石。不過我知道費用都唔平，而且坐住快艇影相都好麻煩，所以我哋冇諗過坐。
話咁快就見到第一舊著名石頭 --- 日月石。
日月石位於風景區入口附近的海面上，為兩塊尖形岩石交叉的形狀，其上分別刻有「日」、「月」二字。因兩塊岩石相互依偎，有傳說到過此處情侶會日月相輝、白頭到老，很多情侶都為此慕名而來。(from 維基百科)
可能由於天氣太熱，急於補充水份。經過小食亭見到林林總總嘅生果，我同歐陽生都流晒口水。我就買咗一碗菠蘿，佢就買咗一碗大樹菠蘿。Yummy~~~
補充完，再出發。
仲有嬸嬸將 d 仙人掌即拆即賣。
原來南天一柱印咗喺 d 舊版人民幣背面架。
景點與景點之間其實都相隔一段頗長嘅路。所以又會覺得好口渴..... 見到另一個小食亭，又坐低飲咗支可樂。小食亭有微微海風，坐到唔捨得走呀。
再嚟一張全景海景相，由呢度行入去就係天涯石 + 海角石啦！
呢棵椰子樹唔知點解咁 cutie 生成咁嘅形狀呢....
頂住個大太陽行咗十萬九千八公里之後，終於見到天涯石啦！
天涯海角（英文譯意：Edges of the heaven, corners of the sea）是中國海南省三亞市的一處著名海濱風景旅遊區，相傳一對情侶只要一起走到天涯海角就可一生一世擁有對方。（from 維基百科）
滿以為見到天涯石，不遠處就會係海角石，點知原來我係錯嘅，海角石未有耐到。
呢個位叫極目天涯，即係全個園區欣賞景觀最好嘅位置，見佢講到咁好，就走上去望下，點知其實好似冇乜特別。
亂行再亂行後，幾經辛苦終於搵到海角石。
海角石一 d 都唔起眼，跟足地圖指示都硬係搵佢唔到。本想放棄之際（雖然心有不甘），原來海角石就喺我哋附近。（有見到海角兩字嘛？）
睇完天涯海角石之後，不遠處又有小食區。其中一個攤檔賣土耳其雪糕，夏日炎炎食雪糕最適合不過。唔該兩杯~~~
土耳其雪糕跟其他雪糕不同，放上雪糕筒前會不斷被壓扁，務求放出所有空氣，令雪糕變得煙靭。而且售賣員一定會玩你一輪先比你食到杯雪糕，呢 d 全部都係土耳其雪糕特色。
其他檔口就主要售賣紀念品及新鮮水果。整個下午都只係食咗碗菠蘿，半支可樂及一杯雪糕.... 天氣咁熱真係咩胃口都冇。
唔好以為睇完天涯海角石就冇嘢睇，其實仲未完架。歐陽生話睇過地圖記得有個博物館，而博物館為咗保存文物一定有冷氣，我哋都係時候過下冷河啦（成件衫濕晒），嘻嘻。
呵呵，好容易就搵到個博物館，幾乎所有人都忽略咗呢個嘆冷氣嘅地方，只得我哋一 pair 咋.... woo woo woo ~~~
為咗掩飾入嚟涼冷氣嘅目的，所以都有逐一參觀下 d 文物，當係對天涯海角加深認識。
逗留咗大約半小時之後，又要離開 lu。
再有一舊石..... 執子之手，與子偕老，超正~~~
可惜國內同胞揸機真係好有問題.... 我哋又唔好意思叫人重影，唯有接受...（嗚嗚嗚）
見到個咁大嘅海灘，又開始當住咁多人做 d 好低 B 嘅動作啦！我超鐘意歐陽生嗰張凌空動作相！
園區另一邊主要係樹木 + 海灘，人哋用機器喺度灌溉，我哋熱到傻咗，好似前世未見過水咁，偷偷地衝入去玩水。
仲咁啱出現咗彩虹添~ 好在影到相~
玩到呢度，差不多整個園區我哋都行過晒啦。望望錶，5:00 左右。Good！返酒店游個靚水，梳洗埋就啱啱好出去搵食。
返到酒店都只係 5:30 唔夠，本來我唔想游水（因為仲有太陽呀 <--- 我真係幾變態），不過經歐陽生極力游說後，我就抱住豁出去嘅心態進行三亞下水禮。D 水係暖架..... 游咗一個鐘左右就上返房梳洗。
差不多 7:00 左右出發搵食，今晚會去試旅遊書介紹嘅平靚正海鮮食肆 ---- 蛋家海鮮。
去呢度食嘢大約要 9 個字，因為要先坐車去步行街，再轉車 + 步行 10 分鐘左右。對於第一次去嘅我哋嚟講，9 個字梗係唔得啦。搵到 8 點幾 9 點，個肚由肚餓變唔肚餓都未搵到目的地。旅遊書影出嚟 d 相好似好光猛，但係去到真係一 d 都唔似。本來想放棄食其他嘢，不過見到條類似後巷嘅東西（黑忟忟架），歐陽生話睇埋呢度，如果都唔係就放棄。呵，點知原來就卧虎藏龍，光猛猛嘅蛋家海鮮就喺呢度入面。
呢一區住咗為數不少嘅蛋家人，佢哋都係以前舖後居方式做生意。海鮮全部都係自己打撈返嚟，再用碳爐即燒即食，真係辛苦咗 d 姐姐，咁熱仲要對住個碳爐。
今次再次比歐陽生發板，不過我喺側邊睇實，驚佢又 order 餸時「創下佳績」，到時真係唔知點先食得晒。
海蝦 ($15/隻)，排骨 ($6/串，一串 4 粒)，墨魚 ($??/串)，有好多種 XXX 魚，雞翼 ($8/串, 一串 4 隻)，茄子 ($1X/條)，生蠔 ($20/4 隻)，帶子 ($??/隻)，每樣幾串幾串咁其實都幾飽。今餐大約用咗二百零蚊，算係好平啦。
蛋家人枱椅係比一般嘅矮，所以食嘢時會辛苦 d，要試一試當地風味就唔好介意啦！
今次依舊食到捧住個肚走.... 既然咁飽，就去附近行下。顧明思義，都係賣 d 工藝品居多，例如珍珠，貝殼，水晶等等，再次零收穫。唔緊要，今次旨在散步啫。
行完呢條街都 10 點幾，成個身已經痴笠笠咗好耐，好想快 d 返酒店沖返個靚涼。夜晚冇巴士直接返酒店，不過出返去步行街嘅巴士就仲有，所以到咗步行街後都係做咗伸手黨，承惠 $3X 大洋。
返到上房，歐陽生話要嘆返個生果。呢個叫人蔘果，係尋日喺超市買返嚟架。我就冇食到，不過歐陽生話好解渴喎。
本想沖涼之際，某人又被夜空吸引住，猛話要落去影星星。我望一望個天，真係比起香港靚好多，去旅行往往都係任性 d，好啦，就陪佢癲下。拎晒三腳架，相機，電筒落酒店泳池空地，歐陽生就影咗好多好滿意嘅相，我就喺側邊訓住沙灘椅，吹住海風睇星星，爽呀！
海外嘅天空，真係特別唔同。
Jenny, 早上好！這陣子太忙沒空來訪！假期愉快嗎？
回覆刪除人蔘果？好味嗎？甘甜？
串燒好好好吸引，仲有生蠔添，正！:D
[版主回覆07/04/2012 10:59:57]OK 呀~ 對於我呢D 要返5日半嘅人嚟講, 7.1 呢個假期真係好寶貴.....
係呀~ D 串燒好好味, 所以我哋第二晚再去 encore 呀~ ^^
你好! 因為我過2星期都會過去玩, 睇完你個blog, d資料真係好啱好, 呢間平靚正海鮮食肆好吸引呀, 可否告知我地點及名稱嗎?
回覆刪除[s回覆09/04/2012 13:44:48]成條村第一檔? 邊條村呀?
[版主回覆09/04/2012 11:02:38]我哋食嗰間係就咁叫做"蛋家海鮮", 係成條村第一檔, 好易搵架咋, ^^