2012 年 11 月 26 日 (星期一)
今日繼續去潮聖呀，可惜天氣就唔係幾好啦。不過都心足架啦，尋日喺戶外玩足一日都陽光普照，今日落下雨都無妨。而且雨勢唔算太大，頂得住！
今日基本上係冇行程，只係 plan 咗去周杰倫嘅主題餐廳，之後就入住溫泉酒店，打算浸到甩皮，哈哈！
梳洗後都 11 點幾，雖則係出發去食 lunch，不過我始終唔太捨得 mister donut，而且馳名嘅阿宗麵線同酒店咁近，冇奶油唔去試啩，所以 check out + 寄存行李後就出發去食少少嘢。其實聽日 check out 溫泉酒店後都係返嚟西門町，可惜酒店唔比將 d 行李寄過夜，唯有帶住兩個喼去。
其實我覺得阿宗麵線好好食呀，我應該一個人都可以食晒一碗，不過因為要留肚，所以買咗一碗大嘅兩份食。阿宗麵線門店係冇枱櫈，所以要企喺門口食。
而 mister donut 當然係我嘅至愛啦！
之後就出發去周杰倫開嘅《不能說的秘密》主題餐廳，叫做「Mr. J 義法廚房 II」。其實周生喺台北有好幾間餐廳，有義法廚房 II，當然就有義法廚房 I，主題係 Magic（因為周生好鐘意玩魔術嘛），佢仲有一間甜品店，不過義法廚房 I 就冇興趣（強調：我唔係追星嘛），而甜品店就無緣去試 lu。
先坐捷運到「市政府」站，之後可以選擇轉的士。但係之前上網做功課時，發現原來呢間主題餐廳係台北醫學大樓中嘅其中一間食肆，喺市政府站門口有接駁小巴，方便病人／大學生返學，我哋企喺車站等咗一陣搏下，點知好快就有車。
落車之後其實都搵咗好耐先搵到，有諗過問 d 返學嘅大學生，不過之前有 blog 文話 d 大學生都唔知間餐廳喺邊，結果我同歐陽生亂咁搵。當我見到間餐廳時先醒起原來其實喺圖書館隔離，問 d 大學生圖書館喺邊實知啦，蠢咗！
搞下搞下，唔知點解接近 2 點鐘先坐低。d 時間究竟去晒邊？？？
叫得做《不能說的秘密》主題餐廳，當然有好多好多有關嘅佈置啦。一推門入去就比侍應生嘅制服吸引，因為佢哋係著住音樂學校嘅校服架。
坐低後一抬頭，就見到超巨型嘅劇照 banner，同埋戲入面嗰座古老鋼琴。
再等侍應生派餐牌時，wahooo~~~ 係琴譜嚟架，超有心思！
都唔算好貴，一個 set lunch NT180-220，即係大約 HKD60 唔洗（再加 10%）。
就連我哋用餐用嘅碟都用咗黑白琴鍵做主題
我其實唔係太肚餓，所以 order 咗個 tea set，係一件 cake + 一杯果汁，而歐陽生就叫咗個 set lunch！個 set lunch 都好認真架，有齊餐湯，沙律，麵包，主菜，飲品，而且我哋一致認為食物水準唔錯。
其實嚟得食飯嘅，大多數都係衝住個主題而嚟，所以不斷舉機影相，d 侍應都見慣不怪。
超多劇照。。。
仲有個主角 --- 古老舊琴
不過我都係做下樣扮彈琴，因為如果亂彈會。。。
除咗呢 d 之外，餐廳仲有成幅牆咁巨型嘅 poster，成為必影景點之一
最後仲偷影咗 d 侍應生
聽聞話當初拍完戲，仲有大量嘅戲服淨低，所以周杰倫就諗到用嚟比侍應生做制服，加上嗰陣套戲口碑好好，順理成章將呢間餐廳變成《不能說的秘密》主題餐廳。
而以下呢張相係打正旗號同佢影架，佢好 nice！
離開主題餐廳後，本來想返去酒店拎行李去 check in 溫泉酒店。點知去到市政府站時見到統一阪急百貨個入口原來就喺正捷運站入面，我突然醒起有一款甜品好好好想試，就偏偏位於統一阪急入面，所以幾飽都好，我都拉咗歐陽生入去試一試。
就係佢啦 --- 塔吉特千層蛋糕
個外表實在太誘人啦。一層 cream，一層蛋皮咁鋪上去，我見到佢心都動晒。。。。所以買咗一件朱古力味，一件貝里斯牛奶味慢慢嘆。。。宜家諗起都流晒口水。
雖然有得速遞嚟香港，不過有同事試過，味道同喺台北即時食係差天共地。。。
吞埋個蛋糕落肚後再兜咗個圈，冇乜收穫就離開 lu。
返到西門町酒店攞返 d 行李就向北投溫泉進發。
我哋入住嘅係「水都溫泉會館」，喺新北投站出口旁邊有接駁巴士直達溫泉酒店。不過要留意佢哋一個鐘得一班車，逢 50 分喺新北投站開出，我哋就係啱啱 miss 咗一班，所以選擇咗坐的士上去，同司機商量後，盛惠車費 NT70。
只係大約 5 分鐘左右就到，溫泉我嚟啦～～～
搞好入住手續後，立即上房睇下個私家池。一推門，嘩，間房洗唔洗咁大呀，唔係房咁簡單，係成間屋咁喎，由門口行去張睡床要經過兩條走廊。
之後再參觀埋個廁所 + 私人溫泉，同樣好大
所謂嘅私人溫泉，其實係一個已經接駁咗溫泉水嘅大浴缸。唔鐘意同陌生人一齊浸溫泉就可以考慮入住呢種房。
旅程辛苦咗兩日，梗係第一時間浸咗一次溫泉先啦，之後先出去溫食。
入住呢間酒店送咗一日早餐 + 一隻溫泉蛋。
講起呢隻溫泉蛋，發生咗一樣蝦碌事。。。
話說大家浸完溫泉都肚仔餓，就喺酒店餐廳換溫泉蛋嚟食。兩隻蛋到咗手後，歐陽氏夫婦唔知點解一齊覺得隻蛋係已經煮熟，兩個傻仔坐喺人哋餐廳度係咁將隻蛋扑扑扑落張枱度。吖～～～又唔知點解大家冇好暴力地一嘢扑爛喎。。歐陽生嗰隻先開始裂開，見到有蛋液流出，佢先發現原來大家拎住嗰隻蛋係生蛋.... 兩個傻仔扮晒無嘢咁離開餐廳。之後喺酒店大門口先發現原來酒店比隻生蛋住客自己用溫泉水煮熟。。。好在我哋兩個一齊咁溫柔對待隻生蛋，如果是但一個一下就扑爛咗隻蛋，真係失禮死人 W_W
最終當然係煮得唔湯唔水啦。。。不過都幾好玩，同埋自己都笑咗自己好耐囉 V_V
玩完溫泉蛋，就決定唔等接駁巴士，索性自己行落去捷運站附近搵食。歐陽生仍然受日本蜜月影響，佢覺得浸溫泉就一定要食日本嘢，所以我哋去咗食拉麵。
餐廳食物整體都 OK (當然仍然懷念日本嘅拉麵)，我哋一人 order 咗一碗麵，另外再叫咗少少小食。
食完拉麵就去咗附近嘅惠康超市入貨，因為估到今晚浸完溫泉會再肚餓，都係買定兩個杯麵看門口。
返到酒店，終於有時間參觀下酒店嘅裝修
頭先講到想保持私隱就可以浸私家溫泉，不過，我哋係例外嘅，我哋鐘意浸露天溫泉多 d，所以喺房入面睇咗一陣電視就上頂樓嘆下，不過因為私隱問題，相片就欠奉啦。
或者因為有 d 夜，成個露天溫泉都係得我哋一 pair 人，浸到 11 點多 d 就離開返房 lu，之後就當然宵夜時間。
今日繼續去潮聖呀，可惜天氣就唔係幾好啦。不過都心足架啦，尋日喺戶外玩足一日都陽光普照，今日落下雨都無妨。而且雨勢唔算太大，頂得住！
今日基本上係冇行程，只係 plan 咗去周杰倫嘅主題餐廳，之後就入住溫泉酒店，打算浸到甩皮，哈哈！
梳洗後都 11 點幾，雖則係出發去食 lunch，不過我始終唔太捨得 mister donut，而且馳名嘅阿宗麵線同酒店咁近，冇奶油唔去試啩，所以 check out + 寄存行李後就出發去食少少嘢。其實聽日 check out 溫泉酒店後都係返嚟西門町，可惜酒店唔比將 d 行李寄過夜，唯有帶住兩個喼去。
其實我覺得阿宗麵線好好食呀，我應該一個人都可以食晒一碗，不過因為要留肚，所以買咗一碗大嘅兩份食。阿宗麵線門店係冇枱櫈，所以要企喺門口食。
而 mister donut 當然係我嘅至愛啦！
之後就出發去周杰倫開嘅《不能說的秘密》主題餐廳，叫做「Mr. J 義法廚房 II」。其實周生喺台北有好幾間餐廳，有義法廚房 II，當然就有義法廚房 I，主題係 Magic（因為周生好鐘意玩魔術嘛），佢仲有一間甜品店，不過義法廚房 I 就冇興趣（強調：我唔係追星嘛），而甜品店就無緣去試 lu。
先坐捷運到「市政府」站，之後可以選擇轉的士。但係之前上網做功課時，發現原來呢間主題餐廳係台北醫學大樓中嘅其中一間食肆，喺市政府站門口有接駁小巴，方便病人／大學生返學，我哋企喺車站等咗一陣搏下，點知好快就有車。
落車之後其實都搵咗好耐先搵到，有諗過問 d 返學嘅大學生，不過之前有 blog 文話 d 大學生都唔知間餐廳喺邊，結果我同歐陽生亂咁搵。當我見到間餐廳時先醒起原來其實喺圖書館隔離，問 d 大學生圖書館喺邊實知啦，蠢咗！
搞下搞下，唔知點解接近 2 點鐘先坐低。d 時間究竟去晒邊？？？
叫得做《不能說的秘密》主題餐廳，當然有好多好多有關嘅佈置啦。一推門入去就比侍應生嘅制服吸引，因為佢哋係著住音樂學校嘅校服架。
坐低後一抬頭，就見到超巨型嘅劇照 banner，同埋戲入面嗰座古老鋼琴。
再等侍應生派餐牌時，wahooo~~~ 係琴譜嚟架，超有心思！
都唔算好貴，一個 set lunch NT180-220，即係大約 HKD60 唔洗（再加 10%）。
就連我哋用餐用嘅碟都用咗黑白琴鍵做主題
我其實唔係太肚餓，所以 order 咗個 tea set，係一件 cake + 一杯果汁，而歐陽生就叫咗個 set lunch！個 set lunch 都好認真架，有齊餐湯，沙律，麵包，主菜，飲品，而且我哋一致認為食物水準唔錯。
其實嚟得食飯嘅，大多數都係衝住個主題而嚟，所以不斷舉機影相，d 侍應都見慣不怪。
超多劇照。。。
仲有個主角 --- 古老舊琴
不過我都係做下樣扮彈琴，因為如果亂彈會。。。
除咗呢 d 之外，餐廳仲有成幅牆咁巨型嘅 poster，成為必影景點之一
最後仲偷影咗 d 侍應生
聽聞話當初拍完戲，仲有大量嘅戲服淨低，所以周杰倫就諗到用嚟比侍應生做制服，加上嗰陣套戲口碑好好，順理成章將呢間餐廳變成《不能說的秘密》主題餐廳。
而以下呢張相係打正旗號同佢影架，佢好 nice！
離開主題餐廳後，本來想返去酒店拎行李去 check in 溫泉酒店。點知去到市政府站時見到統一阪急百貨個入口原來就喺正捷運站入面，我突然醒起有一款甜品好好好想試，就偏偏位於統一阪急入面，所以幾飽都好，我都拉咗歐陽生入去試一試。
就係佢啦 --- 塔吉特千層蛋糕
個外表實在太誘人啦。一層 cream，一層蛋皮咁鋪上去，我見到佢心都動晒。。。。所以買咗一件朱古力味，一件貝里斯牛奶味慢慢嘆。。。宜家諗起都流晒口水。
雖然有得速遞嚟香港，不過有同事試過，味道同喺台北即時食係差天共地。。。
吞埋個蛋糕落肚後再兜咗個圈，冇乜收穫就離開 lu。
返到西門町酒店攞返 d 行李就向北投溫泉進發。
我哋入住嘅係「水都溫泉會館」，喺新北投站出口旁邊有接駁巴士直達溫泉酒店。不過要留意佢哋一個鐘得一班車，逢 50 分喺新北投站開出，我哋就係啱啱 miss 咗一班，所以選擇咗坐的士上去，同司機商量後，盛惠車費 NT70。
只係大約 5 分鐘左右就到，溫泉我嚟啦～～～
搞好入住手續後，立即上房睇下個私家池。一推門，嘩，間房洗唔洗咁大呀，唔係房咁簡單，係成間屋咁喎，由門口行去張睡床要經過兩條走廊。
之後再參觀埋個廁所 + 私人溫泉，同樣好大
所謂嘅私人溫泉，其實係一個已經接駁咗溫泉水嘅大浴缸。唔鐘意同陌生人一齊浸溫泉就可以考慮入住呢種房。
旅程辛苦咗兩日，梗係第一時間浸咗一次溫泉先啦，之後先出去溫食。
入住呢間酒店送咗一日早餐 + 一隻溫泉蛋。
講起呢隻溫泉蛋，發生咗一樣蝦碌事。。。
話說大家浸完溫泉都肚仔餓，就喺酒店餐廳換溫泉蛋嚟食。兩隻蛋到咗手後，歐陽氏夫婦唔知點解一齊覺得隻蛋係已經煮熟，兩個傻仔坐喺人哋餐廳度係咁將隻蛋扑扑扑落張枱度。吖～～～又唔知點解大家冇好暴力地一嘢扑爛喎。。歐陽生嗰隻先開始裂開，見到有蛋液流出，佢先發現原來大家拎住嗰隻蛋係生蛋.... 兩個傻仔扮晒無嘢咁離開餐廳。之後喺酒店大門口先發現原來酒店比隻生蛋住客自己用溫泉水煮熟。。。好在我哋兩個一齊咁溫柔對待隻生蛋，如果是但一個一下就扑爛咗隻蛋，真係失禮死人 W_W
最終當然係煮得唔湯唔水啦。。。不過都幾好玩，同埋自己都笑咗自己好耐囉 V_V
玩完溫泉蛋，就決定唔等接駁巴士，索性自己行落去捷運站附近搵食。歐陽生仍然受日本蜜月影響，佢覺得浸溫泉就一定要食日本嘢，所以我哋去咗食拉麵。
餐廳食物整體都 OK (當然仍然懷念日本嘅拉麵)，我哋一人 order 咗一碗麵，另外再叫咗少少小食。
食完拉麵就去咗附近嘅惠康超市入貨，因為估到今晚浸完溫泉會再肚餓，都係買定兩個杯麵看門口。
返到酒店，終於有時間參觀下酒店嘅裝修
頭先講到想保持私隱就可以浸私家溫泉，不過，我哋係例外嘅，我哋鐘意浸露天溫泉多 d，所以喺房入面睇咗一陣電視就上頂樓嘆下，不過因為私隱問題，相片就欠奉啦。
或者因為有 d 夜，成個露天溫泉都係得我哋一 pair 人，浸到 11 點多 d 就離開返房 lu，之後就當然宵夜時間。
隨後就整理一下今日嘅收穫，今日收穫嘅大合照
因為買唔到 Dr. Wu，所以買咗以下呢兩盒試下，不過有 d 喜出望外嘅係右邊嗰隻幾啱我。我敷咗幾次之後再去做 facial，連美容師都話我皮膚好咗呀，開心死我！我帶埋去關島敷，都好保濕呀。見到香港都有得賣，如果價錢唔太貴可以 encore！
因為買唔到 Dr. Wu，所以買咗以下呢兩盒試下，不過有 d 喜出望外嘅係右邊嗰隻幾啱我。我敷咗幾次之後再去做 facial，連美容師都話我皮膚好咗呀，開心死我！我帶埋去關島敷，都好保濕呀。見到香港都有得賣，如果價錢唔太貴可以 encore！
