今次沙巴之旅冇日本 honeymoon 嗰次咁多手信，不過我就覺得比起日本嘅手信得意 d，另類 d!
(1) 零食大晒冷
豬肉乾買比我最愛嘅爸爸，佢好鐘意食豬肉乾!
綠色嗰兩盒沙巴茶好好飲，估唔到去沙巴除咗愛上咗當地景色外，仲愛上咗沙巴茶!
喪多朱古力... 梗係比我 & 我 d 朋友食架啦!
Oreo 餅乾... 又係 special edition，雪糕味，香港冇得賣，但係都幾甜! 連我呢個嗜甜如命嘅都覺得甜，大家就真係要三思三思啦!
今次係我第一次由外地買急凍食物返香港，我都係見其他人喺紙皮箱上寫住自己個名，flight number，先知道要咁做，大鄉里... 請勿見怪! =P
(2) 急凍食物有兩箱，一箱係雪條，另一箱係虎蝦!
雪條總共有 6 個味道，本來有 mix flavor 賣，可惜一早已經沽清 lu! 唯有買幾盒唔同味道，自己返到香港再另行 mix，計返港紙幾毫子一條咋!
買咗嘅 4 款口味分別係：(1) 紅豆 (2) 甜粟米 (3) 大樹菠蘿 (4) 芒果
另外冇幫襯嘅兩款口味係 (1) 榴槤 (2) 牛油果
第二箱嘅急凍食物係虎蝦! 沙巴 d 虎蝦好大隻架，到宜家仲好回味海鮮檔嘅濕奶油老虎蝦!!!
一箱一 kg，有幾多隻就視乎你 d 蝦有幾大隻啦! 我 total 買咗 3 箱，一箱比自己媽咪，另外兩箱比奶奶（自己唔識煮當然投靠兩位太上皇啦!）
D 蝦真係好大隻，仲長過我老公隻手... 每盒大約有 7-8 隻左右!
本來仲想買多 d 多 d 多 d 海鮮返香港，但諗起自己個雪櫃冇咁多位，最終都係帶咗虎蝦返嚟咋... 失敗失敗! 3 盒虎蝦 + 4 盒雪條已經塞到個冰格滿一滿啦!
**************************************************************
慶祝結婚一週年沙巴之旅真正完滿結束，不過聽日我又飛過啦，今次嘅目的地係台北市，4D3N，包括老爺奶奶 + 老公細佬及佢女友，一行六人出發! 第一次去台北，第一次同其他人一齊去!
我呢個初歸新抱認真孝順啦，知道老爺奶奶未曾出過門，嫁入歐陽家後即刻提議帶佢兩個一齊去，不過我將個功勞歸咗比老公，自己心知就得啦! 今次為探路，年尾再同自己父母去多次，我老豆恨去台灣好耐架啦! 好想快 d 同佢哋出國去玩下，咁大個女都冇同過自己父母去一次旅行，我覺得... 點都要有一次!
又去旅行~~~~~太開心LA~~!!! 台北真係一個唔錯既地方~~~~百去不厭! 因為我太LIKE食同玩la~~~
回覆刪除(只要有得出國....其實度度都唔會去厭呢.....!) yeah!
[版主回覆02/15/2011 11:41:00]hehehe, 係呀, 去旅行呀~ 有可能幾個月會去多次, 不過今次係同自己父母去!
當然啦, 有得去旅行, 邊度都會咁雀躍!
JENNTY好乖女呀!!!!抵錫~~ 我都好想食雪條
回覆刪除[版主回覆02/15/2011 11:41:00]係呀, 我其實係幾乖架, hahahaha!
Jenny, d朱古力好好味呀！再一次多謝你 ！
回覆刪除[版主回覆02/19/2011 11:20:00]傻啦, 唔洗同我客氣喎!
呢款雪條我吃過呀......記起來...有次大嫂o係某個商場見到有，立即買返來比我們試......唔知咩節日，佢話呢款雪條唔會成日又得買，但好好味。
回覆刪除小高梗係吃榴槤味個款啦！
[版主回覆02/19/2011 11:21:00]係咩? 竟然喺香港有得賣呀? 不過我嗰D全部都未食, 去完沙巴返嚟香港keep住轉涼, 冇得食呀.... >.<
你個BLOG 好豐寫好詳細！ 謝謝分享！
回覆刪除祝你們一家幸褔快樂！！！
[版主回覆12/22/2012 11:22:17]多謝你嘅祝福!