2009 年 11 月 21 日（星期六）
喺尖沙咀 & 中環影完外影之後，就坐返架古董車 MG 去酒樓準備埋下半場。沿途都唔算太塞車，喺車入面聽到好多祝福嘅說話，多謝大家！
上到去，發覺我老豆竟然喺度打麻雀？乜做主人家係咁得閒嘅咩？反而平時好大麻雀癮嘅媽咪好乖，周圍 social。
由於只有化妝師 Shirley 同埋攝影 crew 一齊去影外影，兄弟姊妹團一早到達酒樓而且已經幫我佈置咗好多嘢，錫晒你哋！
我好鐘意嘅回禮小禮物 ^__^
唯一係呢個婚照展覽區未佈置得如我想像，因為我有好多本相簿，不過冇擺晒出嚟，可惜當時我睇唔到，否則我一定會執執佢。
至於新娘子上到酒樓後，同大家打咗聲招呼就衝入新娘房轉妝轉裙褂。之前一路都好想上到酒樓著裙褂敬茶，一直都以為自己唔夠時間，幸好得 Shirley 幫我度個 rundown，有半小時多出，而佢又唔介意照幫我做裙褂造型，好嘢！
已轉好嘅裙褂頭，但仍著住件婚紗 ^^
老公都「好似」好唔得閒，要換返件黑色禮服去襯我件褂
轉好造型後，係時候做人肉佈景板，由於 d 相都係清一式一樣咁滯，我就只係 post 2 張出嚟。
對於「跪」與「唔跪」嘅 issue，婚前一直聽到好多意見，有人話要跪，有人話唔好跪，幸好四大長老完全無比壓力我哋。我同老公婚前唔洗點傾就已經好快有共識，一律照跪，因為有邊個嚟飲我哋杯茶，我哋心中有數，認為全部都有資格受得起。不過叔叔嬸嬸話佢哋唔係好高級嘅長輩，同我咬耳仔話唔好跪佢哋喎，反而喺我嘅「最想跪的長輩清單」中，我都幾想跪佢哋噃，因為我細細個佢哋已經好錫我，哈哈！
姊妹們都個個同我影相，超開心，因為我一直都想每個造型都同佢哋單獨影一張，最終真係做到，yeah！
整個影相過程，酒樓職員都好自動自覺幫手搬櫈，又不斷提我哋飲水，果然結婚當日係有好多人服侍，^^
講緊咩呢？手勢咁一致嘅？
另一邊箱，原來各有各忙...
媽咪、奶奶繼續影相
兄弟姊妹們自發地傾晚宴 rundown，我都係睇返 d 相先知原來佢哋咁 well-prepared，再次抵錫！^3^
好努力，寫呀寫、睇呀睇
門口嗰方面，賓客都陸續到場，越嚟越多人啦，開始好緊張...
多謝陳先生及廸廸咁賞面
我冇諗過原來有人真係對我哋 d 婚紗相有興趣，我一路都以為放 d 相簿喺出面係做樣架咋，hahaha
裙褂造型結束啦，入新娘房轉迎賓晚裝啦，下回再見～
巴打嫂嫂大日子, 一定要來啦! 睇相簿係含有真係睇+就佢影相既成份! XD
回覆刪除[版主回覆07/06/2010 11:09:00]wakaka, 我鐘意你呢句 "含有真係睇+就佢影相既成份"! =]
Jenny, 我們好鐘意你們的回禮小禮物，靚靚靚！不過.......唔及當晚新娘子咁靚....
回覆刪除[版主回覆07/06/2010 11:11:00]咦, 咪讚我啦, 嘿, XD
小禮物我自己都好鐘意, 有意思, ^^
終於等到....你篇BLOG啦~
回覆刪除[版主回覆07/06/2010 11:12:00]wakaka, 原來你係長期讀者?
只係呢排無波睇, 又無聊渡日, 就 post 相 update 下~
好少見媽咪著白色, 原來幾好睇~~~
回覆刪除[版主回覆07/07/2010 11:29:00]多謝讚賞! 本來都有幫佢揀下深色系列, 又或者金色, 不過佢 d 膚色唔係好受得起深色呀, 試咗幾件都係淺色最好睇!
你媽咪好 slim. 你0個日多唔多人要 敬茶呀???我都怕唔夠時間。
回覆刪除[版主回覆07/09/2010 11:51:00]haha, 多謝呀, 佢知道一定開心!
我呀? 其實早上我已經敬咗少部份茶, 上到酒樓大約要敬多廿幾次茶啦! 其實最好叫佢哋有份飲茶嘅要盡早上到酒樓, 如果安排到的話就分開上午/夜晚兩部份, 咁就唔洗迫晒喺酒樓敬茶。 不過如果遇著唔合作嘅親友, 要 march in 入席都冇辦法, 唯有等敬完酒後嘅空檔時間補斟。
歐陽靚太, 我想問你地1121出左黎未呀?? 唔知點解我開唔到你地fb 條link呀!!
回覆刪除[版主回覆07/17/2010 23:10:00]嘩, 稀客呀... 未出嚟呀, 都未齊人覆我幾時 ok, 連鐵腳嘅托爾都冇 show 我~ OH... 係咩, 原來你開唔到條 link... 咁你直接入去嗰個 group reply la, 應該得架啦!